દામનગરથી ધ્રુફણીયા રોડ પર રિલાયન્સ પેટ્રોલ પંપ પાસેથી ટ્રકમાં ખીચોખીચ ભરેલી ૮ ભેંસો ઝડપાઈ હતી. અમરેલી ખાટકીવાડમાં રહેતો સત્તારભાઈ ઓસમાણભાઈ કાલવા (ઉ.વ.૪૫) પોતાના હવાલાવાળા ટ્રકમાં ૮ ભેંસને અત્યંત ટૂંકા દોરડાથી ખીચોખીચ, હલનચલન ન કરી શકે તે રીતે અત્યંત ક્રૂરતાપૂર્વક બાંધીને, કોઈપણ પ્રકારના ઘાસચારા વગર અને પાણીની સગવડતા વગર લઈ જતા ઝડપાયો હતો.
ઈમ્તિયાજભાઈએ કતલ કરવાના ઈરાદે આ ભેંસો તેના તબેલેથી ટ્રકમાં ભરી હોવાની પણ તેણે કબૂલાત કરી હતી. પોલીસે ભેંસો, ટ્રક સહિત ૭ લાખનો મુદ્દામાલ જપ્ત કર્યો હતો. દામનગર પોલીસ સ્ટેશનના પીએસઆઈ એ. એમ. રાધનપરા વધુ તપાસ કરી રહ્યા છે.