તેમણે જે કંઈ કહ્યું તે તેમનો પોતાનો અભિપ્રાય છે, અને એસોસિએશન આ બાબતે વધુ ટિપ્પણી કરવા માંગતું નથી. ક્રિકઇન્ફો સાથે વાત કરતા શશાંક સિંહે કહ્યું, "હું છત્તીસગઢ છોડી રહ્યો છું. મેં છત્તીસગઢ સ્ટેટ ક્રિકેટ એસોસિએશન પાસેથી એનઓસી મેળવ્યું છે અને ૨૦૨૬-૨૭ સીઝનથી પુડુચેરી માટે રમીશ."શશાંકે વધુમાં જણાવ્યું હતું કે ગયા સીઝનમાં તેમને ખભા અને આંગળીમાં ગંભીર ઇજાઓ થઈ હતી, પરંતુ છત્તીસગઢ ક્રિકેટ એસોસિએશને તે મુશ્કેલ સમયમાં તેમને બિલકુલ ટેકો આપ્યો ન હતો. તેમણે વધુમાં જણાવ્યું કે સીઝન સમાપ્ત થયા પછી, છત્તીસગઢ ક્રિકેટ પ્રીમિયર લીગ ૨૦૨૬ માટે ખેલાડીઓની યાદીમાંથી તેમનું નામ દૂર કરવામાં આવ્યું હતું.

વધુમાં, બેંગલુરુમાં પ્રી-સીઝન કેમ્પ માટે પસંદ કરાયેલ છત્તીસગઢ ટીમમાં તેમનો સમાવેશ કરવામાં આવ્યો ન હતો. જ્યારે તેમણે કારણ પૂછ્યું, ત્યારે તેમને કોઈ જવાબ મળ્યો નહીં.શશાંકે આરોપ લગાવ્યો કે તેમના પર સ્થાનિક ક્રિકેટ નહીં પણ ફક્ત આઇપીએલ રમવાનો આરોપ છે. સત્ય એ છે કે ગયા વર્ષે જ, મ્ઝ્રઝ્રૈંએ તેમને લાલા અમરનાથ એવોર્ડથી સન્માનિત કર્યા હતા, જેમાં તેમને ૨૦૨૩-૨૪ સ્થાનિક મર્યાદિત-ઓવર સીઝનના શ્રેષ્ઠ ઓલરાઉન્ડર તરીકે માન્યતા આપવામાં આવી હતી. ૩૪ વર્ષીય ખેલાડી હવે પુડુચેરી ટીમ માટે મર્યાદિત-ઓવર ફોર્મેટ પર ધ્યાન કેન્દ્રિત કરવા માંગે છે. તે આ સીઝનમાં રેડ-બોલ ક્રિકેટમાંથી વિરામ લેશે અને ટી ૨૦ ક્રિકેટમાં વધુ સારા ઓલરાઉન્ડર બનવા માટે પોતાની બોલિંગ સુધારવા પર ધ્યાન કેન્દ્રિત કરશે.