ભારતીય ક્રિકેટના સૌથી વિશ્વસનીય ઓલરાઉન્ડરોમાંના એક, રવિન્દ્ર જાડેજા શ્રીલંકા પ્રવાસ પર માત્ર તેની ટીમને જીત અપાવવા માટે જ નહીં, પરંતુ એક ઐતિહાસિક રેકોર્ડ બનાવવા માટે પણ જશે. જા જાડેજા બે મેચની ટેસ્ટ શ્રેણીમાં ફક્ત બે વધુ વિકેટ લે છે, તો તે ભારતીય ક્રિકેટ દિગ્ગજ કપિલ દેવના ખૂબ જ વિશિષ્ટ ક્લબમાં જાડાશે. નોંધપાત્ર રીતે, જાડેજા આ સિદ્ધિ મેળવનાર પ્રથમ ભારતીય સ્પિન ઓલરાઉન્ડર બનશે.
૩૬ વર્ષીય જાડેજા પાસે હાલમાં ૮૯ ટેસ્ટ મેચમાં ૩૪૮ વિકેટ છે. તેમના નામે ૪,૦૯૫ રન પણ છે. ૩૫૦ વિકેટનો આંકડો પૂર્ણ કર્યા પછી, તે ટેસ્ટ ક્રિકેટમાં ૪,૦૦૦ થી વધુ રન બનાવનાર અને ૩૫૦ વિકેટ લેનાર પ્રથમ ભારતીય સ્પિન-બોલિંગ ઓલરાઉન્ડર બનશે. અત્યાર સુધી, આ સિદ્ધિ ફક્ત મહાન ઓલરાઉન્ડર કપિલ દેવના નામે છે. કપિલે પોતાની ટેસ્ટ કારકિર્દીમાં ૫,૨૪૮ રન બનાવ્યા અને ૪૩૪ વિકેટ લીધી. ભલે તે ફાસ્ટ-બોલિંગ ઓલરાઉન્ડર હતો, છતાં જાડેજા આ સિદ્ધિ મેળવનાર પ્રથમ ભારતીય સ્પિન ઓલરાઉન્ડર બનશે. આ જ કારણ છે કે શ્રીલંકા પ્રવાસ દરમિયાન ક્રિકેટ ચાહકો તેના દરેક બોલ અને દરેક વિકેટ પર નજર રાખશે. નોંધનીય છે કે ટેસ્ટ ક્રિકેટ ઇતિહાસમાં ફક્ત ત્રણ ખેલાડીઓએ ૪,૦૦૦ રન બનાવવા અને ૩૫૦ વિકેટ લેવાનો નોંધપાત્ર બેવડો રેકોર્ડ હાંસલ કર્યો છે. આમાં કપિલ દેવ, ઇયાન બોથમ અને ડેનિયલ વેટોરીનો સમાવેશ થાય છે.
જાડેજાની ટેસ્ટ કારકિર્દી એક પ્રેરણાદાયી વાર્તાથી ઓછી નથી. તેણે ૨૦૧૨ માં ઇંગ્લેન્ડ સામે ટેસ્ટ ડેબ્યૂ કર્યું હતું. શરૂઆતના વર્ષોમાં, તેણે ટીમમાં પોતાનું સ્થાન મજબૂત કરવા માટે સંઘર્ષ કર્યો અને ઘણી વખત તેને બહાર કરવામાં આવ્યો. જાકે, તેણે ૨૦૧૫-૧૬ સીઝનમાં મજબૂત વાપસી કરી અને ક્યારેય પાછળ વળીને જાયું નહીં.
સમય જતાં, જાડેજાએ તેની બેટિંગમાં પણ નોંધપાત્ર સુધારો કર્યો છે. આ જ કારણ છે કે તે લાંબા સમયથી ભારતીય ટેસ્ટ ટીમ માટે સૌથી વિશ્વસનીય સ્પિન બોલિંગ ઓલરાઉન્ડર રહ્યો છે. ટેસ્ટ ક્રિકેટમાં, તેની પાસે છ સદી, ૨૮ અડધી સદી, ૧૫ પાંચ વિકેટ અને ત્રણ ૧૦ વિકેટ છે. ઘરેલુ ક્રિકેટમાં, તેણે રણજી ટ્રોફીમાં ત્રણ ત્રેવડી સદી પણ ફટકારી છે, જે તેની બેટિંગ કુશળતા સાબિત કરે છે. ૨૦૨૪ માં ટી ૨૦ વર્લ્ડ કપ જીતનાર ભારતીય ટીમનો ભાગ રહેલા જાડેજાએ ટાઇટલ જીત્યા પછી ટી ૨૦ ક્રિકેટમાંથી નિવૃત્તિ લીધી. હાલમાં, જાડેજા ટેસ્ટ અને વનડે ક્રિકેટમાં સક્રિય છે. હવે જાવાનું બાકી છે કે શ્રીલંકા પ્રવાસ દરમિયાન જાડેજા આ ઐતિહાસિક સિદ્ધિ હાંસલ કરી શકે છે કે નહીં.