દિલ્હી પોલીસ ફક્ત ૨,૮૭૩ વ્યક્તિઓ સામે એફઆઇઆર નોંધવાનું ચાલુ રાખશે જેમની સામે ફોજદારી કેસ નોંધાયેલા છે. મુખ્ય ન્યાયાધીશે એમ પણ કહ્યું કે જા કોઈ રાજ્યમાં એફઆઇઆર હોય જેના માટે અમને હજુ સુધી જાણ કરવામાં આવી નથી, તો રાજ્ય તેને રદ કરવાની માંગનો વિરોધ કરશે નહીં.
કોર્ટે કહ્યું કે તે કલમ ૧૪૨ હેઠળ આ અરજીઓ સ્વીકારી રહી છે અને આદેશ આપ્યો છે કે જા કોઈ રાજ્યમાં સમાન બાબતો સંબંધિત વધારાની એફઆઇઆર હોય, તો તેની તપાસ બંધ કરવામાં આવે. સુપ્રીમ કોર્ટે તેના આદેશમાં સ્પષ્ટ કર્યું છે કે પેપર લીકનો વિરોધ કરી રહેલા અને ધર્મેન્દ્ર પ્રધાનના રાજીનામાની માંગ કરી રહેલા વિદ્યાર્થીઓ સામે કોઈ નવી એફઆઇઆર દાખલ કરવામાં આવશે નહીં.સુપ્રીમ કોર્ટે તેના આદેશમાં જણાવ્યું હતું કે,નીટ ૨૦૨૬ પરીક્ષાને કારણે આત્મહત્યા કરનારા વિદ્યાર્થીઓ માટે વળતરનો સંબંધ છે, તો તેને જાણ કરવામાં આવી છે કે ત્રણ મહિનાની અંદર એક નીતિ ઘડવામાં આવશે. આ નીતિ ત્રણ મહિનાની અંદર અંતિમ સ્વરૂપ આપવામાં આવે અને વળતર પૂરું પાડવામાં આવે.
સીજેઆઇએ જણાવ્યું કે ૨૦ થી ૨૫ જુલાઈ દરમિયાન જંતર-મંતર અને આસપાસના વિસ્તારમાં હજારો વિદ્યાર્થીઓએ વિરોધ પ્રદર્શનમાં ભાગ લીધો હતો. પોલીસે કુલ ૧૩ એફઆઇઆર દાખલ કરી હતી. અરજીઓ દિલ્હી, મહારાષ્ટÙ, આસામ, બિહાર અને પશ્ચિમ બંગાળમાંથી છે, જેમાં એફઆઇઆરની વિગતો આપવામાં આવી છે. અમને જણાવવામાં આવ્યું છે કે દિલ્હી પોલીસ ભૂતકાળના ગુનાહિત રેકોર્ડ ધરાવતા ૨,૮૭૩ લોકો સામે નવી એફઆઇઆર દાખલ કરશે. હવે કોઈ નવી એફઆઇઆર દાખલ કરવામાં આવશે નહીં.સુનાવણી દરમિયાન પક્ષનું નિવેદન વાંચતા સૌરવ દાસે કહ્યું, સીજેપીના સહ-કન્વીનર તરીકે, હું કહેવા માંગુ છું કે ભારત સરકાર તરફથી મળેલા સકારાત્મક આશ્વાસનો, આજે વિરોધ પ્રદર્શનની ન્યાયિક પવિત્રતા અને આ કોર્ટ દ્વારા આપવામાં આવેલા આદેશને ધ્યાનમાં રાખીને,સીજેપી ૫ સપ્ટેમ્બરના રોજ માર્ચનું આહ્વાન પાછું ખેંચવાનું યોગ્ય માને છે અને આજના આદેશનું પાલન કરવાની આશા રાખે છે. હું આ નિર્ણય માટે કોર્ટનો, બંને પક્ષના વકીલોનો અને સોલિસિટર જનરલનો તેમના પ્રયાસો બદલ આભાર માનું છું."
સુનાવણી દરમિયાન,સીજેઆઇ સૂર્યકાંતે ટિપ્પણી કરી કે જા બંને પક્ષો પરસ્પર વિશ્વાસ બતાવે છે, તો બધા મુદ્દાઓ એક પછી એક ઉકેલી શકાય છે. દુનિયામાં એવું કંઈ પણ મુશ્કેલ નથી કે જેના પર ખુલ્લા મનથી ચર્ચા ન કરી શકાય.