જ્યારે દિલ્હીની ટીમ 26 રનમાં 4 વિકેટ ગુમાવીને સંકટમાં હતી, ત્યારે રિઝવીની અણનમ 70 રનની ઇનિંગે સાબિત કરી દીધું કે તે ₹95 લાખની કોઈ સામાન્ય પોલિસી નથી, પણ એક હાઈ-વેલ્યુ પ્રીમિયમ એસેટ છે.

ક્રાઈસિસ મેનેજમેન્ટ: 26/4 ના સ્કોરથી જીત સુધીનો પ્રવાસ

દિલ્હી કેપિટલ્સ 142 રનનો પીછો કરવા ઉતરી ત્યારે શરૂઆતમાં જ ધબડકો થયો હતો. ટોપ ઓર્ડર પત્તાના મહેલની જેમ વિખેરાઈ ગયો હતો. આવી પરિસ્થિતિમાં સમીર રિઝવી અને ટ્રિસ્ટન સ્ટબ્સે 119 રનની અતૂટ ભાગીદારી નોંધાવી. રિઝવીએ 47 બોલમાં અણનમ 70 રન ફટકારીને લખનૌના બોલરોને લાચાર કરી દીધા. દિલ્હીએ 17 બોલ બાકી રહેતા જ મેચ પોતાના નામે કરી લીધી.

ગણિતના ચશ્માથી: કેવી રીતે ₹22.79 લાખનો નફો થયો?

જો આપણે આ ઇનિંગનું ‘પ્રોફિટ-વેલ્યુ’ મોડેલ દ્વારા વિશ્લેષણ કરીએ, તો આંકડા ચોંકાવનારા છે:

• ખરીદી કિંમત: દિલ્હીએ મેગા ઓક્શનમાં રિઝવીને ₹95 લાખમાં ખરીદ્યો હતો.
• મેચ દીઠ ખર્ચ: 14 લીગ મેચોના હિસાબે એક મેચની કિંમત અંદાજે ₹6.79 લાખ થાય છે.
• પરફોર્મન્સ વેલ્યુ: રિઝવીની ઇનિંગના ચાર પાસાઓ – ટાર્ગેટમાં હિસ્સો, ભાગીદારીમાં યોગદાન, દબાણ હેઠળની એન્ટ્રી અને અણનમ રહીને મેચ પૂરી કરવી – આ તમામને ગણતરીમાં લેતા તેની આ મેચની પરફોર્મન્સ વેલ્યુ અંદાજે ₹29.57 લાખ આંકવામાં આવી છે.
• ચોખ્ખો નફો: પરફોર્મન્સ વેલ્યુમાંથી સેલેરી કોસ્ટ બાદ કરતા, રિઝવીની આ એક રાતની ઇનિંગથી દિલ્હીને ₹22.79 લાખની પ્રોફિટ-વેલ્યુ મળી છે.

બીજી રીતે કહીએ તો, દિલ્હીએ રિઝવી પર ખર્ચેલા દર ₹100 સામે તેને ક્રિકેટિંગ વેલ્યુમાં ₹436નું વળતર મળ્યું છે. જો આ જ દરે ₹1 કરોડનું રોકાણ કરવામાં આવે, તો તેનું મૂલ્ય અંદાજે ₹4.36 કરોડ જેટલું થાય!

આ નફો કેટલો મોટો છે? (રોજિંદા ઉદાહરણો સાથે)

સમીર રિઝવીએ એક રાતમાં જે ₹22.79 લાખની પ્રોફિટ-વેલ્યુ ઉભી કરી છે, તેની સરખામણી કરીએ તો:

1. iPhone 17 Pro: રિઝવીની કમાણીથી અંદાજે 16 નંગ iPhone 17 Pro (શરૂઆતની કિંમત મુજબ) ખરીદી શકાય છે.

2. Hyundai Creta N Line: આ નફામાં એક લક્ઝુરિયસ Creta N Line ગાડી આવી જાય અને છતાં પણ ₹5 લાખથી વધુની બચત થાય.