8 સપ્ટેમ્બરે PM મોદી બનશે ગુજરાતના મહેમાન, વિવિધ વિકાસલક્ષી કાર્યોમાં આપશે હાજરી, વાંચો સંપૂર્ણ Schedule

વડાપ્રધાન નરેન્દ્ર મોદી આગામી 8 સપ્ટેમ્બરે ગુજરાતની મુલાકાતે આવશે, જ્યાં વડોદરા અને નવસારીમાં વિવિધ ભવ્ય કાર્યક્રમોનું ભવ્ય આયોજન કરવામાં આવ્યું છે. આ પ્રવાસ દરમિયાન વડાપ્રધાનના આગમનને લઈને તંત્ર દ્વારા તડામાર તૈયારીઓ ચાલી રહી છે. 8 સપ્ટેમ્બરે PM મોદી ગુજરાતના બનશે મહેમાનપ્રાપ્ત વિગતો અનુસાર, વડાપ્રધાન નરેન્દ્ર મોદી આગામી 8 સપ્ટેમ્બરે પોતાના ગૃહ રાજ્ય ગુજરાતની મુલાકાતે આવશે, જ્યાં તેઓ વડોદરા અને નવસારીમાં વિવિધ વિકાસ કાર્યો અને સત્તાવાર કાર્યક્રમોમાં સહભાગી થશે.

બપોરે 12 વાગ્યાની આસપાસ વડોદરા એરપોર્ટ પર આગમન બાદ તેઓ યુનિવર્સિટી ગ્રાઉન્ડ ખાતે અનેક વિકાસ પ્રોજેક્ટ્સનું ઉદ્ઘાટન અને શિલાન્યાસ કરશે તેમજ વિશાળ જાહેર સભાને સંબોધિત કરશે. ત્યારબાદ બપોરે 3 વાગ્યે હેલિકોપ્ટર દ્વારા નવસારી જવા રવાના થઈને નવસારીના નવા જિલ્લા ભાજપ કાર્યાલય 'નમો કમલમ'નું ઉદ્ઘાટન કરશે અને સાંજે 4 વાગ્યા પછી નવસારી હેલિપેડથી સુરત જવા માટે રવાના થશે.

PM મોદીનો ગુજરાત પ્રવાસનું સંપૂર્ણ શેડ્યૂલ

PM મોદી 8 સપ્ટેમ્બરે ગુજરાતની મુલાકાત લેશે
PM મોદીના વડોદરા અને નવસારીમાં કાર્યક્રમોનું આયોજન
બપોરે 12 વાગ્યાની આસપાસ વડોદરા એરપોર્ટ પર પહોંચશે
વડોદરા યુનિવર્સિટી ગ્રાઉન્ડ ખાતે અનેક વિકાસ પ્રોજેક્ટ્સનું PM કરશે ઉદ્ઘાટન-શિલાન્યાસ
આ જ કાર્યક્રમમાં એક જાહેર સભાને PM મોદી સંબોધિત કરશે
વડાપ્રધાનના કાર્યક્રમ પબાદ બપોરે 3 વાગ્યે હેલિકોપ્ટર દ્વારા નવસારી જવા રવાના થશે
નવસારીમાં નવા જિલ્લા ભાજપ કાર્યાલય, 'નમો કમલમ'નું PM કરશે ઉદ્ઘાટન
સાંજે 4 વાગ્યા પછી PM મોદી નવસારી હેલિપેડથી સુરત જવા રવાના થશે

નવસારીમાં નવા જિલ્લા ભાજપ કાર્યાલય, 'નમો કમલમ'નું PM કરશે ઉદ્ઘાટનનવસારી ખાતે PM મોદીના આગમન બાદ જિલ્લા ભાજપના અત્યાધુનિક નવા કાર્યાલય 'નમો કમલમ'નું રીતસર ઉદ્ઘાટન કરશે. આ સંગઠનાત્મક કાર્યક્રમની પૂર્ણાહુતિ પછી તેઓ સાંજે 4 વાગ્યાની આસપાસ નવસારી હેલિપેડથી સુરત જવા રવાના થશે અને ત્યાંથી આગળની યાત્રા કરશે. વડાપ્રધાનની આ અણમોલ મુલાકાતથી સમગ્ર મધ્ય અને દક્ષિણ ગુજરાતમાં ભારે ઉત્સાહનો માહોલ જોવા મળી રહ્યો છે.