ભાવેશ રાજપૂત, અમદાવાદઅમદાવાદના જાણીતા સોની બજાર માણેકચોકમાંથી ચોરીની એક ચોંકાવનારી ઘટના સામે આવી છે. અહીં એક જ્વેલર્સની દુકાનમાં ગ્રાહકના સ્વાંગમાં આવેલા અજાણ્યા શખ્સે નજર ચૂકવીને 2.80 લાખની કિંમતના દાગીનાની ચોરી કરી લીધી હતી. દુકાન બંધ કરતી વખતે કે નિયમિત સ્ટોકની ગણતરી કરતી વખતે દાગીના ઓછા માલુમ પડ્યા હતા, જેથી વેપારીને શંકા ગઈ હતી.
ગ્રાહક બનીને આવ્યો અને દાગીના સેરવી લીધામળતી માહિતી મુજબ, માણેકચોક સ્થિત જ્વેલર્સની દુકાનમાં સામાન્ય દિવસની જેમ જ વેપાર ચાલી રહ્યો હતો. આ દરમિયાન એક અજાણ્યો શખ્સ દાગીના ખરીદવાના બહાને ગ્રાહક બનીને દુકાનમાં પ્રવેશ્યો હતો. તેણે સેલ્સમેન પાસે અલગ-અલગ દાગીનાની ડિઝાઈનો જોવાનું શરૂ કર્યું. સેલ્સમેન જ્યારે તેને અન્ય ડિઝાઈનો બતાવવામાં વ્યસ્ત હતો, ત્યારે આ શાતિર ચોરે પોતાની નજર ચુકવીને અત્યંત ચાલાકીપૂર્વક 2.80 લાખની કિંમતના સોના-ચાંદીના દાગીના પોતાના ખિસ્સામાં સેરવી લીધા હતા. દાગીના ચોરી કર્યા બાદ તે કોઈ પણ વસ્તુ ખરીદ્યા વિના ત્યાંથી સરકી ગયો હતો.
સ્ટોકની ગણતરી વખતે ભાંડો ફૂટ્યોદુકાનના સ્ટાફને પ્રાથમિક દ્રષ્ટિએ આ ચોરીનો સહેજ પણ અંદાજ આવ્યો નહોતો. જો કે, દિવસના અંતે અથવા નિયમિત સ્ટોકની ગણતરી કરતી વખતે સ્ટાફને જાણ થઈ કે ચોક્કસ દાગીના ઓછા છે. સ્ટોક પત્રક અને વાસ્તવિક દાગીનાની સંખ્યામાં તફાવત આવતા જ દુકાનના માલિક અને કર્મચારીઓ ચોંકી ઉઠ્યા હતા. દુકાનમાં ચોરી થઈ હોવાની આશંકા દ્રઢ થતાં તેમણે તાત્કાલિક તપાસ શરૂ કરી.
CCTVમાં કેદ થઈ ચોરીની લાઈવ ઘટનાદાગીના ઓછા હોવાનું માલૂમ પડતાં જ જ્વેલર્સના માલિકે દુકાનમાં લાગેલા સીસીટીવી કેમેરાના ફૂટેજ તપાસ્યા હતા. સીસીટીવી ફૂટેજ જોતા જ સમગ્ર મામલા પરથી પડદો ઊંચકાયો હતો. ફૂટેજમાં સ્પષ્ટ દેખાઈ રહ્યું હતું કે, ગ્રાહક બનીને આવેલો શખ્સ કઈ રીતે સેલ્સમેનની નજર ચૂકવીને દાગીનાની ચોરી કરી રહ્યો છે. ચોરીની આ આખી કરતૂત કેમેરામાં કેદ થઈ ગઈ હતી, જે હવે પોલીસ માટે સૌથી મોટો પુરાવો બન્યો છે.