અલ્પેશ ડાભી, ભાવનગરગુજરાતમાં સાયબર ગુનેગારો સામે પોલીસનું વલણ હવે વધુ આક્રમક બન્યું છે. ભાવનગરમાં સાયબર ફ્રોડના એક મોટા કૌભાંડમાં પોલીસે રાજ્યનો બીજો 'ગુજસીટોક' (GUJCOC)નો ગુનો દાખલ કરીને ખળભળાટ મચાવ્યો છે. અંદાજે 21 કરોડ રૂપિયાના સાયબર ફ્રોડના આ કેસમાં અત્યાર સુધીમાં 8 આરોપીઓ વિરુદ્ધ ગંભીર કલમો હેઠળ કાર્યવાહી કરવામાં આવી છે.
આ આંતરરાજ્ય અને આંતરરાષ્ટ્રીય કનેક્શન ધરાવતી ગેંગના કુલ 10 સભ્યોમાંથી 9ની ધરપકડ કરવામાં પોલીસને સફળતા મળી છે. જોકે, આ કૌભાંડનો મુખ્ય સૂત્રધાર દશરથ ધાંધલા હજુ પણ ફરાર છે, જેને ઝડપી પાડવા ભાવનગર પોલીસ દ્વારા સઘન શોધખોળ અને ચક્રો ગતિમાન કરવામાં આવ્યા છે. સાયબર સુરક્ષાના આ ગંભીર મુદ્દે પોલીસ હવે દરેક પાસાની ઝીણવટભરી તપાસ કરી રહી છે, જેથી આ જાળમાં ફસાયેલા અન્ય લોકો અને વિદેશી લિંક્સનો પર્દાફાશ કરી શકાય.