સોનલબેન અનડકટ, ગાંધીનગરગુજરાતમાં છેલ્લા કેટલાક દિવસોથી વરસી રહેલા ભારે વરસાદના કારણે જનજીવન પ્રભાવિત થયું છે. આ પરિસ્થિતિને ધ્યાનમાં રાખીને રાજ્યના નાયબ મુખ્યમંત્રીએ ગાંધીનગરથી એક મહત્વપૂર્ણ ઉચ્ચ સ્તરીય વર્ચ્યુઅલ બેઠક યોજી હતી. આ બેઠકમાં રાજ્યની વર્તમાન વરસાદી પરિસ્થિતિની સર્વગ્રાહી સમીક્ષા કરવામાં આવી હતી.
સૌરાષ્ટ્ર અને દક્ષિણ ગુજરાત પર વિશેષ ધ્યાન બેઠક દરમિયાન નાયબ મુખ્યમંત્રીએ ખાસ કરીને ભારે વરસાદનો સામનો કરી રહેલા દક્ષિણ ગુજરાત અને સૌરાષ્ટ્રના જિલ્લા કલેક્ટરો સાથે સીધો સંવાદ કર્યો હતો.
સૌરાષ્ટ્ર અને દક્ષિણ ગુજરાત પર વિશેષ ધ્યાન બેઠક દરમિયાન નાયબ મુખ્યમંત્રીએ ખાસ કરીને ભારે વરસાદનો સામનો કરી રહેલા દક્ષિણ ગુજરાત અને સૌરાષ્ટ્રના જિલ્લા કલેક્ટરો સાથે સીધો સંવાદ કર્યો હતો.
વહીવટીતંત્રને કડક સૂચનાઓનાયબ મુખ્યમંત્રીએ રાજ્યના તમામ જિલ્લા વહીવટીતંત્રને સતર્ક રહેવા અને કોઈપણ પરિસ્થિતિનો સામનો કરવા માટે સંપૂર્ણ તૈયારી રાખવા આદેશ આપ્યા છે. બેઠકમાં પાણી અને વીજ પુરવઠાની સ્થિતિ પર 24 કલાક સતત મોનિટરિંગ કરવા અને કોઈ અવરોધ આવે તો તાત્કાલિક સમારકામ કરવાની સૂચના આપવામાં આવી છે. જરૂરિયાત મુજબ NDRF અને SDRFની ટીમોને સંવેદનશીલ વિસ્તારોમાં તૈનાત રાખવા આદેશ આપવામાં આવ્યો છે. આ ઉપરાંત નીચાણવાળા વિસ્તારોમાંથી લોકોનું સ્થળાંતર કરવા અને સલામત સ્થળે આશ્રયસ્થાન ઉભા કરવા માટે જિલ્લા તંત્રને તૈયાર રહેવા જણાવાયું છે. આ વર્ચ્યુઅલ બેઠક દ્વારા સરકાર દ્વારા પરિસ્થિતિ પર ચાંપતી નજર રાખવામાં આવી રહી છે અને નાગરિકોની સુરક્ષાને પ્રાથમિકતા આપવામાં આવી છે.