અમિત રાય, મુંબઈ વરસાદના પ્રથમ ઝાપટામાં જ કરોડોના ખર્ચે બનેલા હાઈવેની ગુણવત્તા પર ગંભીર સવાલો ઊભા થયા છે. મહાલક્ષ્મી નજીક રસ્તાની વચ્ચે પડેલા વિશાળ ખાડાએ વાહનચાલકો માટે જીવલેણ સ્થિતિ સર્જી છે.
મુંબઈ-અમદાવાદ રાષ્ટ્રીય ધોરીમાર્ગ પર મહાલક્ષ્મી નજીક રસ્તાની વચ્ચે અચાનક પડેલા મોટા ખાડાને કારણે ગંભીર અકસ્માતોની ઘટના સામે આવી છે.
મુંબઈ-અમદાવાદ રાષ્ટ્રીય ધોરીમાર્ગ પર મહાલક્ષ્મી નજીક રસ્તાની વચ્ચે અચાનક પડેલા મોટા ખાડાને કારણે ગંભીર અકસ્માતોની ઘટના સામે આવી છે.
આ ઘટનાએ હાઈવેના કામની ગુણવત્તા સામે ગંભીર સવાલો ઉભા કર્યા છે. ગયા વર્ષે મુંબઈ-અમદાવાદ રાષ્ટ્રીય ધોરીમાર્ગ પર 'વ્હાઇટ ટોપિંગ' એટલે કે કોંક્રિટ ઓવરલે માટે અંદાજે 620 કરોડ રૂપિયાનો ખર્ચ કરવામાં આવ્યો હતો. છતાં વરસાદના પહેલા જ ઝાપટામાં કોંક્રિટ તૂટી જતાં તેની અંદરના લોખંડના સળિયા બહાર આવી ગયા હતા. ગુજરાતથી મુંબઈ તરફ જતી લેનમાં બનેલી આ ઘટના દરમિયાન એક પછી એક વાહનો ખાડામાં અથડાતા અકસ્માતોની શ્રેણી સર્જાઈ હતી. સદનસીબે કોઈ જાનહાનિના સમાચાર સામે આવ્યા નથી, પરંતુ અનેક વાહનોને નુકસાન પહોંચ્યું છે.
સ્થાનિક વાહનચાલકો અને મુસાફરોએ હાઈવેની હાલત અંગે ભારે રોષ વ્યક્ત કર્યો છે. કરોડો રૂપિયાનો ખર્ચ કર્યા બાદ પણ રસ્તાની આવી સ્થિતિ કેમ સર્જાઈ તે અંગે લોકો જવાબદારી નક્કી કરવાની માંગ કરી રહ્યા છે. વરસાદની મોસમની શરૂઆતમાં જ હાઈવે પર આવી ખતરનાક સ્થિતિ ઉભી થતાં મુસાફરોની સુરક્ષા અંગે પણ ચિંતા વધી છે. હવે સંબંધિત તંત્ર તાત્કાલિક સમારકામ કરે છે કે નહીં અને આ બેદરકારી માટે જવાબદાર સામે શું કાર્યવાહી થાય છે તેના પર સૌની નજર છે.