મુલાકાત દરમિયાન ધારાસભ્ય ફતેસિંહ ચૌહાણ અને નેતાઓએ મામલતદાર કચેરીના તમામ વિભાગો અને ચેમ્બરોમાં રૂબરૂ જઈને સરકારી કામગીરીનું ઝીણવટભર્યું નિરીક્ષણ કર્યું હતું. તેમણે જનસેવા કેન્દ્ર, મહેસૂલી વિભાગ, પુરવઠા વિભાગ સહિત વિવિધ ટેબલો પર ચાલતી કામગીરીની સમીક્ષા કરી હતી.ધારાસભ્ય તથા તાલુકા નેતાઓએ કચેરીના દરેક વિભાગની ચેમ્બરમાં જઈ રૂબરૂ સ્થિતિ જાણી.પ્રજાને પડતી મુશ્કેલીઓનો સત્વરે ઉકેલ લાવવા માટે તાકીદ કરવામાં આવી હતી જ્યાં ચેમ્બરોની મુલાકાત દરમિયાન ધારાસભ્યશ્રીએ કચેરીના અધિકારીઓ અને કર્મચારીઓ સાથે સીધો સંવાદ સાધ્યો હતો. તેમણે ઉપસ્થિત સ્ટાફને જરૂરી માર્ગદર્શન પૂરું પાડતાં જણાવ્યું હતું કે:કચેરીએ આવતા સામાન્ય નાગરિકો અને ગ્રામજનોને પોતાના કામ માટે અનાવશ્યક ધક્કા ન ખાવા પડે તે માટે કામગીરી સમયસર પૂર્ણ કરવી. તમામ અરજીઓનો સકારાત્મક અને પારદર્શી રીતે સત્વરે નિકાલ લાવવો. સરકારી યોજનાઓનો લાભ છેવાડાના માનવી સુધી પહોંચે તે માટે સુચારૂ આયોજન કરવું.આ મુલાકાત સમયે તાલુકાના અન્ય આગેવાનો, સંગઠનના હોદ્દેદારો તેમજ મામલતદાર કચેરીનો સ્ટાફ મોટી સંખ્યામાં હાજર રહ્યો હતો. ધારાસભ્ય અને તાલુકાના નેતાઓની આ સક્રિય મુલાકાતથી તાલુકાના નાગરિકોમાં સરકારી કામગીરી વધુ ઝડપી બનશે તેવી આશા જાગી છે.