Friday, 27 Nov, 1.55 pm વ્યાપાર સમાચાર

શેરબજાર સમાચાર
DHFL કેસ: લેણદારો કાયદેસર લડી લેવા તૈયાર, વાધવાનની અન્ટ્રીથી કેસ ગૂંચવાશે?

મુંબઈ: દિવાન હાઉસિંગ ફાઇનાન્સ કોર્પોરેશન (ડીએચએફએલ) ના ભૂતપૂર્વ પ્રમોટર કપિલ વાધવાને આ અઠવાડિયે કંપનીના એડમિનિસ્ટ્રેટર વિરુદ્ધ એનસીએલટીનો દરવાજો ખખડાવ્યો છે અને ટ્રિબ્યુનલને વિનંતી કરી છે કે સંચાલક અને લેણદારો સમિતિને નાણાકીય પેકેજ પર વિચારણા કરવાનો નિર્દેશ આપે કે જે મેનેજમેંટ 7 જૂને આરબીઆઈના પરિપત્ર મુજબ તૈયાર કરવામાં આવ્યું હતું. તેમજ જો જરૂરી હોય તો તેની ચર્ચા કરી અને તેમાં સુધારો કરી શકાય છે.

વાધવાને ટ્રિબ્યુનલને કંપનીને મળેલ બોલી અંગે લેણદારોની સમિતિમાં સહયોગની મંજૂરી આપવા જણાવ્યું છે. તેમજ અરજીની સુનાવણી અને અંતિમ સોલ્યુશન બાકી હોવાથી વાધવાને DHFL માટે મળેલ બોલી પર વિચાર કરીને ટાળવાની માંગ કરી છે. તેઓએ ટ્રિબ્યુનલને અગાઉના મેનેજમેન્ટ દ્વારા રજૂ કરેલા સોલ્યુશન પ્લાનને અન્ય સોલ્યુશન અરજદારોની બોલીની સાથે ટ્રિબ્યુનલ વતી નિયુક્ત સ્વતંત્ર નિષ્ણાંતની સામે મૂકવા જણાવ્યું છે જેથી સ્વતંત્ર નિષ્ણાંત તમામ હિતધારકોના હિતને ધ્યાને રાખી યોગ્ય યોજના અંગે અભિપ્રાય આપી શકે.

વાધવાનનું માનવું છે કે ડીએચએફએલ માટે બિડ આપનારા અરજદારો કોઈપણ રોકાણ વિના કંપની મેળવવા માગે છે, જ્યારે તેમની ઓફરમાં પણ ડીએચએફએલના વિવિધ લેણદારોના લેણામાં ભારે કાપ કરવાની માંગ કરવામાં આવી છે.

અરજી પૂર્વે, વાધવાને એડ્મિનિસ્ટ્રેટરને પત્ર લખીને સંપત્તિના વાસ્તવિક મૂલ્ય તરફ ધ્યાન દોરવા કહ્યું હતું, જેના માટે બોલી બોલાવી શકે છે. વાધવાને એડમિનિસ્ટ્રેટરને લખેલા બીજા પત્રમાં કહ્યું હતું કે ડીએચએફએલ માટેની બોલી કંપની અને તેના હિસ્સેદારો માટે વ્યવહારિક નહોતી. વાધવાને આરોપ લગાવ્યો છે કે ડીએચએફએલની રોકડ દર મહિને વધી રહી છે અને બિડરો પાસેથી રૂ. 12,000 કરોડ સુધીના ઉપલબ્ધ રોકડ ભંડાર પણ આ રોકડ અનામતની અછતથી ઘટી રહ્યા છે જ્યારે કંપનીને બિડરોને સોંપવામાં આવશે.

બીજી તરફ ક્રેડિટર્સ સંભવિત કાયદાકીય લડત માટે તૈયાર થયા છે અને તેની લો ટીમ સાથે ચર્ચા કરી રહ્યા છે કે છેલ્લી હરાજી માટે કેવી રીતે આગળ વધી શકાય. આ મામલે કપિલ વાધવાન એનસીએલટીને ક્રેડિટર્સ પાસેથી કંપની માટે તેની ઓફર પર વિચાર કરવા માટે કહી ચૂક્યા છે. પરંતુ લેણદારોનું કહેવું છે કે, તેમનો કાયદેસર બચાવ લેટર ઓફ ઈન્ટરેસ્ટ રજૂ કરતાં પહેલાં તમામ બિડર સામે રજૂ કરવામાં આવેલ બીડના નિયમો પર આધારીત રહેશે, જેમાં સ્પષ્ટપણે કહેવામાં આવ્યું છે કે અરજદારો બિડિંગ તબક્કા દરમિયાન કોઈપણ સમયે તેમની દરખાસ્ત રજૂ કરી શકે છે જેથી લેણદારોને મહત્તમ વળતર મળે. એક સૂત્રના જણાવ્યા અનુસાર, બિડ દસ્તાવેજ સ્પષ્ટપણે જણાવે છે કે લેણદારોની સમિતિ અને સંચાલકો, તેમના મુનસફી મુજબ, સંપત્તિનું મૂલ્ય વધારવા માટે કોઈપણ પગલા લઈ શકે છે.

સીઓસી અને એડમિનિસ્ટ્રેટરને કોઈપણ સમાધાનની વિચારણા કરવાની સ્વતંત્રતા છે અને આવી સ્થિતિમાં અન્ય બોલી લગાવનારાઓને તેનો વાંધો લેવાનો કોઈ અધિકાર નહીં હોય. સૂત્રે જણાવ્યું હતું કે, બીડ સબમિટ કરીને અરજદાર ખરેખર સમગ્ર પ્રક્રિયા સામે વાંધો લેવાનો અધિકાર ગુમાવે છે. આ કિસ્સામાં, કેટલાક બિડરો બોલીમાં હાર પછી સમગ્ર પ્રક્રિયા પર સવાલ ઉઠાવે છે.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Vyaapaar Samachar
Top