Monday, 25 May, 1.45 pm વ્યાપાર સમાચાર

હોમ પેજ
વાહનચાલકોને મોટી રાહત : ડ્રાઈવિંગ લાઈસન્સ, વાહન નોંધણી અંગે સરકારનો મહત્વનો નિર્ણય

નવી દિલ્હી : માર્ગ પરિવહન અને હાઇવે મંત્રાલયે ફરી એકવાર દેશના વાહનચાલકોને મોટી રાહત આપી છે. મંત્રાલયે ડ્રાઇવિંગ લાઇસન્સ અને વાહન નોંધણી સંબંધિત દસ્તાવેજોની માન્યતા 31 જુલાઈ સુધી વધારી દીધી છે. આ સિસ્ટમ દેશભરમાં વિવિધ વાહન દસ્તાવેજો પર લાગુ થશે. મંત્રાલયે જાહેર કરેલા નિવેદનમાં કહેવામાં આવ્યું છે કે, આ વર્ષે 1 લી ફેબ્રુઆરીથી બાકી રહેલા વાહનોના દસ્તાવેજોના નવીનીકરણની માન્યતા 31 જુલાઇ સુધી લંબાવાશે. એટલે કે આ સમયગાળા દરમિયાન ડ્રાઈવિંગ લાયસન્સ કે વાહન નોંધણી કરાવવાથી કોઈપણ વિલંબ ફી અથવા અન્ય પ્રકારનો દંડ ભરવો પડશે નહીં.

શું આ સુવિધા તમામ લોકો માટે છે ? અહીં જાણો જવાબ

મંત્રાલયે પોતાના નિવેદનમાં કહ્યું કે, સરકારે કોરોના વાયરસ અને લોકડાઉનને કારણે ઉદભવેલી પરિસ્થિતિને ધ્યાનમાં રાખીને આ નિર્ણય લીધો છે. આ સુવિધા માત્ર તે ડ્રાઇવરોને મળશે જેમણે 1લી ફેબ્રુઆરીએ અથવા ત્યારબાદ તેને લગતા ડોક્યુમેન્ટના નવીનીકરણ માટે ફી જમા કરાવી છે પણ કોરોના વાયરસને કારણે તેઓ દસ્તાવેજનું નવીનીકરણની કામકાજ પુરુ કરાવી શક્યા નથી.

આ સુવિધા મંત્રાલયે બીજી વખત આપી

માર્ગ અને પરિવહન મંત્રાલયે બીજી વખત આ પ્રકારની સુવિધા આપી છે. અગાઉ મોટર વાહન અધિનિયમ-1988 અને સેન્ટ્રલ મોટર વાહન નિયમો-1989થી સંબંધિત તમામ વાહન દસ્તાવેજોની માન્યતા 30 જૂન સુધી લંબાવી દેવામાં આવી હતી. તમને જણાવી દઇએ કે, ઘણા કિસ્સાઓમાં વાહન માલિકોએ વિવિધ દસ્તાવેજો માટેની ફી એકઠી કરી છે, પરંતુ કોરોના વાયરસને કારણે શરતો અને લોકડાઉનને કારણે તેનું નવીકરણ કરાવી શક્યા નથી.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Vyaapaar Samachar
Top