ಕನ್ನಡ ಚಿತ್ರರಂಗಕ್ಕೆ ಇದೇ ಮೊದಲ ಬಾರಿಗೆ 'ಟಾಕ್ಸಿಕ್' ಮೂಲಕ ಎಂಟ್ರಿ ಕೊಡುತ್ತಿರುವ ಕಿಯಾರಾ, ನಿರ್ದೇಶಕಿ ಗೀತು ಮೋಹನ್ ದಾಸ್ ನಿರ್ದೇಶನದ ಈ ಬಿಗ್ ಬಜೆಟ್ ಆಕ್ಷನ್ ಥ್ರಿಲ್ಲರ್‌ನಲ್ಲಿ 'ನಾಡಿಯಾ' ಪಾತ್ರದಲ್ಲಿ ನಟಿಸುತ್ತಿದ್ದಾರೆ. ಯಶ್ ಜೊತೆಗಿನ ಅವರ ಹೊಸ ಜೋಡಿಯನ್ನು ನೋಡಲು ದೇಶಾದ್ಯಂತ ಸಿನಿಪ್ರಿಯರು ಕಾತರದಿಂದ ಕಾಯುತ್ತಿದ್ದಾರೆ.

ವರದಿಗಳ ಪ್ರಕಾರ, ಕಿಯಾರಾ ಅಡ್ವಾಣಿ ಅವರ ಒಟ್ಟು ಆಸ್ತಿ ಮೌಲ್ಯ ಸುಮಾರು ₹40 ಕೋಟಿ. ಪ್ರತಿ ಸಿನಿಮಾಗೆ ಸುಮಾರು ₹3 ಕೋಟಿ ಸಂಭಾವನೆ ಪಡೆಯುವ ಅವರು, ಪ್ರಮುಖ ಬ್ರ್ಯಾಂಡ್‌ಗಳ ಜಾಹೀರಾತುಗಳಿಂದಲೂ ಕೋಟ್ಯಂತರ ಆದಾಯ ಗಳಿಸುತ್ತಿದ್ದಾರೆ. ಒಂದು ಬ್ರ್ಯಾಂಡ್ ಎಂಡೋರ್ಸ್‌ಮೆಂಟ್‌ಗೆ ಅಂದಾಜು ₹1.5 ಕೋಟಿ ಪಡೆಯುತ್ತಾರೆ ಎನ್ನಲಾಗಿದೆ. ಅವರ ಗ್ಯಾರೇಜ್‌ನಲ್ಲಿ BMW X5, Audi A8L ಹಾಗೂ Mercedes-Benz E-Class ಸೇರಿದಂತೆ ದುಬಾರಿ ಕಾರುಗಳಿವೆ.

ಇನ್ನೊಂದೆಡೆ ಪತಿ ಹಾಗೂ ಬಾಲಿವುಡ್ ನಟ ಸಿದ್ಧಾರ್ಥ್ ಮಲ್ಹೋತ್ರಾ ಅವರ ಆಸ್ತಿ ಮೌಲ್ಯ ಸುಮಾರು ₹105 ಕೋಟಿ ಎಂದು ಅಂದಾಜಿಸಲಾಗಿದೆ. ಪ್ರತಿ ಸಿನಿಮಾಗೆ ₹15 ರಿಂದ ₹20 ಕೋಟಿ ಸಂಭಾವನೆ ಪಡೆಯುವ ಅವರು, ಹಲವು ಅಂತರರಾಷ್ಟ್ರೀಯ ಬ್ರ್ಯಾಂಡ್‌ಗಳ ರಾಯಭಾರಿಯಾಗಿದ್ದಾರೆ. ಅವರ ಬಳಿ Range Rover Vogue ಹಾಗೂ Mercedes-Maybach S500 ಸೇರಿದಂತೆ ಐಷಾರಾಮಿ ಕಾರುಗಳಿವೆ.

2023ರ ಫೆಬ್ರವರಿಯಲ್ಲಿ ರಾಜಸ್ಥಾನದ ಸೂರ್ಯಗಢ ಅರಮನೆಯಲ್ಲಿ ಮದುವೆಯಾದ ಈ ಸ್ಟಾರ್ ಜೋಡಿಯ ಒಟ್ಟು ಜಂಟಿ ಆಸ್ತಿ ಮೌಲ್ಯ ಸುಮಾರು ₹145 ಕೋಟಿ ಎಂದು ವರದಿಗಳು ಹೇಳುತ್ತಿವೆ. ಬಾಲಿವುಡ್‌ನ ಅತ್ಯಂತ ಶ್ರೀಮಂತ ಹಾಗೂ ಜನಪ್ರಿಯ ದಂಪತಿಗಳ ಪಟ್ಟಿಯಲ್ಲಿ ಕಿಯಾರಾ-ಸಿದ್ಧಾರ್ಥ್ ಜೋಡಿ ಮುಂಚೂಣಿಯಲ್ಲಿದೆ.