ಬೆಂಗಳೂರು: ಮೇ ತಿಂಗಳು ಈ ಬಾರಿ ರಜೆಯಿಂದಲೇ ಆರಂಭವಾಗಿ ರಜೆಯೊಂದಿಗೇ ಮುಕ್ತಾಯಗೊಳ್ಳಲಿದ್ದು, ಕರ್ನಾಟಕದಲ್ಲಿ ಒಟ್ಟಾರೆ ಹಬ್ಬಗಳು ಮತ್ತು ವಾರಾಂತ್ಯಗಳನ್ನು ಸೇರಿಸಿ 9 ದಿನಗಳ ರಜೆಗಳು ಲಭ್ಯವಾಗಲಿವೆ. ಮೇ ತಿಂಗಳಲ್ಲಿ ಕಾರ್ಮಿಕರ ದಿನಾಚರಣೆ ಹಾಗೂ ಬಕ್ರೀದ್ ಹಬ್ಬದ ಹಿನ್ನೆಲೆಯಲ್ಲಿ ಸರ್ಕಾರಿ ರಜೆ ಘೋಷಿಸಲಾಗಿದೆ.

ಇದರ ಜೊತೆಗೆ 2ನೇ ಹಾಗೂ 4ನೇ ಶನಿವಾರಗಳು, ಐದು ಭಾನುವಾರಗಳು ಸೇರಿ ಒಟ್ಟು 9 ದಿನಗಳು ರಜೆಗಳಾಗಲಿವೆ. ಈ ದಿನಗಳಲ್ಲಿ ಸರ್ಕಾರಿ ಹಾಗೂ ಖಾಸಗಿ ಬ್ಯಾಂಕ್‌ಗಳು ಸಂಪೂರ್ಣವಾಗಿ ಬಂದ್ ಆಗಲಿದ್ದು, ಯಾವುದೇ ವಹಿವಾಟು ನಡೆಯುವುದಿಲ್ಲ. ಉಳಿದ 22 ದಿನಗಳು ಬ್ಯಾಂಕ್‌ಗಳು ಎಂದಿನಂತೆ ಕಾರ್ಯನಿರ್ವಹಿಸಲಿವೆ.

ಮೇ ತಿಂಗಳ ಬ್ಯಾಂಕ್ ರಜಾ ಪಟ್ಟಿ ಹೀಗಿದೆ:

• ಮೇ 1 (ಶುಕ್ರವಾರ) - ಕಾರ್ಮಿಕ ದಿನಾಚರಣೆ
• ಮೇ 3 - ಭಾನುವಾರ
• ಮೇ 9 - 2ನೇ ಶನಿವಾರ
• ಮೇ 10 - ಭಾನುವಾರ
• ಮೇ 17 - ಭಾನುವಾರ
• ಮೇ 23 - 4ನೇ ಶನಿವಾರ
• ಮೇ 24 - ಭಾನುವಾರ
• ಮೇ 28 (ಗುರುವಾರ) - ಬಕ್ರೀದ್
• ಮೇ 31 - ಭಾನುವಾರ

ಇನ್ನೂ, ಸರಣಿ ರಜೆ ಪಡೆಯಲು ಸಹ ಅವಕಾಶವಿದೆ. ಮೇ 1ರಂದು ಶುಕ್ರವಾರ ಸಾರ್ವತ್ರಿಕ ರಜೆ ಇರುವುದರಿಂದ, ಶನಿವಾರ ಒಂದು ದಿನ ರಜೆ ತೆಗೆದುಕೊಂಡರೆ ಭಾನುವಾರ ಸೇರಿ ಮೂರು ದಿನಗಳ ಸರಣಿ ರಜೆ ಸಿಗಲಿದೆ. ಇದೇ ರೀತಿ ಬಕ್ರೀದ್ ಗುರುವಾರ ಬಂದಿರುವುದರಿಂದ, ಅದರ ನಂತರ ಎರಡು ದಿನ ರಜೆ ತೆಗೆದುಕೊಂಡರೆ ನಾಲ್ಕು ದಿನಗಳ ದೀರ್ಘ ರಜೆ ಪಡೆಯಬಹುದು. ಖಾಸಗಿ ಸಂಸ್ಥೆಗಳ ಉದ್ಯೋಗಿಗಳು ಶುಕ್ರವಾರ ಒಂದು ದಿನ ರಜೆ ಹಾಕಿದರೆ ನಾಲ್ಕು ದಿನಗಳ ರಜೆ ಸೌಲಭ್ಯವನ್ನು ಪಡೆಯಬಹುದು.