Thursday, 29 Oct, 7.00 am All Indian News 24x7

ಬೆಂಗಳೂರು ನಗರ
ವೈದ್ಯಕೀಯ ಶಿಕ್ಷಣ ಸಚಿವರ ಹೆಸರಲ್ಲೇ ಸೃಷ್ಟಿಯಾಯ್ತು ನಕಲಿ ಇ-ಮೇಲ್

ಬೆಂಗಳೂರು : ಕಲ್ಯಾಣ ಇಲಾಖೆ, ವೈದ್ಯಕೀಯ ಶಿಕ್ಷಣ ಸಚಿವ ಡಾ.ಕೆ.ಸುಧಾಕರ್ ಹೆಸರಲ್ಲಿ ನಕಲಿ ಇ-ಮೇಲ್ ಕ್ರಿಯೇಟ್​ ಮಾಡಿರುವ ಕುರಿತು ಸೈಬರ್​ ಠಾಣೆಯಲ್ಲಿ ದೂರು ದಾಖಲಿಸಲಾಗಿದೆ. ಸಚಿವ ಡಾ.ಕೆ.ಸುಧಾಕರ್ ಹೆಸರಲ್ಲಿ [email protected] ಎಂಬ ನಕಲಿ ಇ-ಮೇಲ್ ಸೃಷ್ಟಿಸಿ, ನಾನು ಸಚಿವ ಡಾ.ಕೆ.ಸುಧಾಕರ್ ನಮಗೆ ನಿಮ್ಮ ಸಹಾಯ ಬೇಕಿದೆ.

ಅಮೆಜಾನ್​ನಲ್ಲಿ ಗಿಫ್ಟ್ ಖರೀದಿಸಲು ಸಹಾಯ ಮಾಡಿ ಎಂದು ಶಿಕ್ಷಣ ಹಾಗೂ ವೈದ್ಯಕೀಯ ಸಂಸ್ಥೆಗಳಿಗೆ ಮೇಲ್ ಕಳುಹಿಸಿ ಸಹಾಯಯಾಚನೆ ಮಾಡಿದ್ದಾರೆ. ಸರ್ಕಾರದ ಅಧಿಕೃತ ಮೇಲ್ ಐಡಿಗಳಿಗೆ ನಕಲಿ ಇ-ಮೇಲ್ ಸಂದೇಶ ರವಾನಿಸಲಾಗಿದೆ. ಕೂಡಲೇ ಎಚ್ಚೆತ್ತುಕೊಂಡ ಸುಧಾಕರ್ ಅವರ ವಿಶೇಷಾಧಿಕಾರಿ ಗಿರಿಗೌಡ ಬಿ.ಕೆ ಎಂಬುವವರು ಸಚಿವರ ಗಮನಕ್ಕೆ ತಂದಿದ್ದು, ಸೆಂಟ್ರಲ್ ಸಿಇಎನ್ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲಿಸಿದ್ದಾರೆ.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: allindiannews.com
Top