ಡಿಸಿಎಂ ಕನಸು ಭಗ್ನ: ಆಡಿಯೋದಲ್ಲಿ ಏನಿದೆ?

ಸಚಿವ ಸ್ಥಾನ ಹಾಗೂ ಡಿಸಿಎಂ ಹುದ್ದೆಯ ಪ್ರಬಲ ಆಕಾಂಕ್ಷಿಯಾಗಿದ್ದ ಜಮೀರ್ ಅವರ ಕನಸಿಗೆ ಈ ಆಡಿಯೋ ಭಾರಿ ಪೆಟ್ಟು ನೀಡಿದೆ. ಇದು ದಾವಣಗೆರೆ ಬೈ ಎಲೆಕ್ಷನ್ (Davanagere By-election) ಸಮಯದಲ್ಲಿ ಜಮೀರ್ ಅಹ್ಮದ್ ಅವರು ಮಾತನಾಡಿದ್ದಾರೆ ಎನ್ನಲಾದ ಆಡಿಯೋ ಆಗಿದ್ದು, ಇದರ ಬಹಿರಂಗದಿಂದ ಅವರ ರಾಜಕೀಯ ಲೆಕ್ಕಾಚಾರಗಳು ತಲೆಕೆಳಗಾಗುವ ಭೀತಿ ಎದುರಾಗಿದೆ.

'ಇದು ಬರೀ ಸ್ಯಾಂಪಲ್, ಪಿಕ್ಚರ್ ಅಭೀ ಬಾಕಿ ಹೈ!'

ರಾಜಕೀಯ ವಲಯದಲ್ಲಿ ಕೇಳಿಬರುತ್ತಿರುವ ಮಾಹಿತಿಯ ಪ್ರಕಾರ, ಈಗ ಲೀಕ್ ಆಗಿರುವ ಆಡಿಯೋ ಕೇವಲ 'ಸ್ಯಾಂಪಲ್' ಮಾತ್ರ. ಜಮೀರ್ ವಿರುದ್ಧ ಒಂದಲ್ಲ, ಎರಡಲ್ಲ, ಬರೋಬ್ಬರಿ 10 ಆಡಿಯೋ ಬಾಂಬ್‌ಗಳು ಸಿಡಿತಕ್ಕೆ ಸಿದ್ಧವಾಗಿವೆ ಎಂಬ ಸ್ಪೋಟಕ ಮಾಹಿತಿ ಹೊರಬಿದ್ದಿದೆ. ಈ 'ಅಸಲಿ ಪಿಕ್ಚರ್' ಮುಂದಿನ ದಿನಗಳಲ್ಲಿ ರಿಲೀಸ್ ಆಗಲಿದ್ದು, ಜಮೀರ್‌ಗೆ ಇನ್ನಷ್ಟು ಸಂಕಷ್ಟ ಕಾದಿದೆ ಎನ್ನಲಾಗುತ್ತಿದೆ.

ಹೈಕಮಾಂಡ್ ಮತ್ತು ಸಿಎಂ ಅಂಗಳದಲ್ಲಿ ಆಡಿಯೋ ಸದ್ದು

ಸಿರಾಜ್ ಟೀಂ ಕೈವಾಡ: ದಾವಣಗೆರೆ ಬೈ ಎಲೆಕ್ಷನ್ ಟೈಂನ ಈ ವಿವಾದಾತ್ಮಕ ಆಡಿಯೋವನ್ನು ಸಿರಾಜ್ ಟೀಂ, ಕಾಂಗ್ರೆಸ್ ನಾಯಕರಾದ ರಿಜ್ವಾನ್ ಮತ್ತು ಸಲೀಂ ಅಹ್ಮದ್‌ಗೆ ತಲುಪಿಸಿತ್ತು.

ಸಿದ್ದರಾಮಯ್ಯ ಗಮನಕ್ಕೆ: ರಿಜ್ವಾನ್ ಹಾಗೂ ಸಲೀಂ ಅಹ್ಮದ್ ಅವರು ಈ ಆಡಿಯೋವನ್ನು ನೇರವಾಗಿ ನಿರ್ಗಮಿತ ಸಿಎಂ ಸಿದ್ದರಾಮಯ್ಯ ಅವರಿಗೆ ತೋರಿಸಿದ್ದಾರೆ ಎಂಬ ಮಾಹಿತಿ ಲಭ್ಯವಾಗಿದೆ.

ಸದ್ಯ ಈ ಆಡಿಯೋ ಸಿಎಂ ಸೇರಿದಂತೆ ಪ್ರಮುಖ ನಾಯಕರ ಕೈಸೇರಿ, ಜಾಲತಾಣಗಳಲ್ಲೂ ವೈರಲ್ ಆಗುತ್ತಿರುವುದು ಜಮೀರ್ ಅಹ್ಮದ್ ಪಾಳಯದಲ್ಲಿ ತೀವ್ರ ನಡುಕ (ಢವಢವ) ಹುಟ್ಟಿಸಿದೆ. ಮುಂದಿನ ದಿನಗಳಲ್ಲಿ ಈ ಆಡಿಯೋ ಬಾಂಬ್ ಸಚಿವ ಸಂಪುಟದ ಮೇಲೆ ಯಾವ ರೀತಿಯ ಪರಿಣಾಮ ಬೀರಲಿದೆ ಎಂಬುದನ್ನು ಕಾದುನೋಡಬೇಕಿದೆ.