Wednesday, 02 Dec, 9.41 am ಕನ್ನಡ ಧ್ವನಿ ನ್ಯೂಸ್

Posts
ಇನ್ನೂ ಮೂವರಿಗೆ ಕೊರೊನಾ ಪಾಸಿಟಿವ್‌.! ಆತಂಕದಲ್ಲಿ ಪಾಕಿಸ್ತಾನ ಕ್ರಿಕೆಟ್‌ ತಂಡ!

ಹೊಸದಿಲ್ಲಿ:ನ್ಯೂಜಿಲೆಂಡ್‌ ಪ್ರವಾಸದಲ್ಲಿರುವ ಪಾಕಿಸ್ತಾನ ಆಟಗಾರರನ್ನು ಯಾಕೋ ಕೊರೊನಾ ವೈರಸ್ ಬಿಡುತ್ತಿಲ್ಲ ಎಂದು ಕಾಣುತ್ತಿದೆ. ಇತ್ತೀಚಿಗಷ್ಟೇ ಪಾಕ್‌ನ ಏಳು ಮಂದಿ ಆಟಗಾರರಿಗೆ ಕೋವಿಡ್‌-19 ವರದಿ ಪಾಸಿಟಿವ್‌ ಬಂದಿತ್ತು. ಆದರೆ, ಇದೀಗ ಇನ್ನು ಮೂವರು ಆಟಗಾರರಿಗೆ ಸೋಂಕು ತಗುಲಿರುವುದರಿಂದ ತಂಡದಲ್ಲಿ ಇನ್ನಷ್ಟು ಆತಂಕವನ್ನು ಸೃಷ್ಟಿಸಿದೆ.

ನ್ಯೂಜಿಲೆಂಡ್‌ ವಿರುದ್ಧ ಮೂರು ಪಂದ್ಯಗಳ ಟಿ20 ಸರಣಿ ಹಾಗೂ ಎರಡು ಪಂದ್ಯಗಳ ಟೆಸ್ಟ್‌ ಸರಣಿ ಆಡಲು ಪಾಕಿಸ್ತಾನ ಕ್ರಿಕೆಟ್‌ ತಂಡ ದ್ವೀಪ ರಾಷ್ಟ್ರಕ್ಕೆ ಕೆಲ ದಿನಗಳ ಹಿಂದೆ ಬಂದಿಳಿದಿತ್ತು. ಕೊರೊನಾ ವೈರಸ್‌ ಮುಂಜಾಗ್ರತಾ ಕ್ರಮವಾಗಿ ನ್ಯೂಜಿಲೆಂಡ್‌ ಸರ್ಕಾರದ ಕೋವಿಡ್‌ ನಿಯಮಗಳ ಅನ್ವಯ ಪ್ರವಾಸಿ ತಂಡ ಸದ್ಯ ಕ್ರೈಸ್ಟ್‌ಚರ್ಚ್‌ನಲ್ಲಿ 15 ದಿನಗಳ ಕಡ್ಡಾಯ ಕ್ವಾರಂಟೈನ್‌‌ನಲ್ಲಿದೆ.ಕ್ವಾರಂಟೈನ್‌ಗೆ ಒಳಗಾದ ಮೊದಲನೇ ದಿನದಿಂದಲೂ ಪಾಕಿಸ್ತಾನ ತಂಡಕ್ಕೆ ಒಂದಲ್ಲ ಒಂದು ಸಮಸ್ಯೆ ಎದುರಾಗುತ್ತಿದೆ. ಮೊದಲನೇ ಸುತ್ತಿನ ಕೋವಿಡ್‌-19 ಪರೀಕ್ಷೆಯಲ್ಲಿ ಆರು ಮಂದಿಗೆ ಕೊರೊನಾ ವೈರಸ್‌ ತಗುಲಿರುವುದು ಸ್ಪಷ್ಟವಾಗಿತ್ತು. ಈ ಬಗ್ಗೆ ನ್ಯೂಜಿಲೆಂಡ್‌ ಕ್ರಿಕೆಟ್‌ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿತ್ತು. ಅಲ್ಲದೆ, ಮೊದಲನೇ ದಿನವೇ ಪಾಕ್‌ನ ಕೆಲ ಆಟಗಾರರು ಕ್ವಾರಂಟೈನ್‌ ನಿಯಮಗಳನ್ನು ಉಲ್ಲಂಘಿಸಿದ್ದರು. ಈ ಬಗ್ಗೆ ಕ್ರಿಕೆಟ್‌ ನ್ಯೂಜಿಲೆಂಡ್‌ ಪಾಕಿಸ್ತಾನಕ್ಕೆ ಎಚ್ಚರಿಕೆ ನೀಡಿತ್ತು.ಕ್ವಾರಂಟೈನ್‌ನಲ್ಲಿದ್ದರೂ ಪಾಕಿಸ್ತಾನವನ್ನು ತರಬೇತಿಗೆ ಅನುಮತಿಸದಂತೆ ತಡೆಹಿಡಿಯಲಾಗಿದೆ, ಆದರೆ ನ್ಯೂಜಿಲೆಂಡ್ ಸರ್ಕಾರವು ಪ್ರವಾಸಿಗರನ್ನು ಎಚ್ಚರಿಕೆ ಪಟ್ಟಿಯಲ್ಲಿ ಇರಿಸಿದೆ.

ಒಂದು ವೇಳೆ ಮತ್ತೊಮ್ಮೆ ಪಾಕಿಸ್ತಾನ ಕ್ರಿಕೆಟಿಗರು ನಿಯಮಗಳನ್ನು ಉಲ್ಲಂಘನೆ ಮಾಡಿದ್ದೇ ಆದಲ್ಲಿ, ಪ್ರವಾಸವನ್ನು ರದ್ದು ಮಾಡಿ ಪ್ರವಾಸಿಗರನ್ನು ವಾಪಸ್‌ ತವರಿಗೆ ಕಳುಹಿಸಲಾಗುವುದು ಎಂದು ಈ ಹಿಂದೆ ಕ್ರಿಕೆಟ್‌ ನ್ಯೂಜಿಲೆಂಡ್‌ ಎಚ್ಚರಿಕೆ ನೀಡಿತ್ತು.ಕಳೆದ ಶನಿವಾರ ಪಾಕಿಸ್ತಾನದ ಏಳನೇ ಆಟಗಾರನ ಕೋವಿಡ್‌-19 ಟೆಸ್ಟ್‌ನಲ್ಲಿ ಪಾಸಿಟಿವ್‌ ಬಂದಿತ್ತು. ಇದೀಗ ಎಎಪಿ ಪ್ರಕಟಿಸಿರುವ ವರದಿಯಲ್ಲಿ ಪಾಕ್‌ನ‌ ಇನ್ನಷ್ಟು ಮೂರು ಮಂದಿಗೆ ಕೊರೊನಾ ವೈರಸ್‌ ಸೋಂಕು ತಗುಲಿರುವುದು ದೃಢಪಟ್ಟಿದೆ.ಸೋಮವಾರ ತಂಡದ 46 ಮಂದಿಗೆ ಕೋವಿಡ್‌-19 ಟೆಸ್ಟ್‌ ಮಾಡಲಾಗಿತ್ತು, ಇದರಲ್ಲಿ 42 ಮಂದಿಯ ವರದಿ ನೆಗೆಟಿವ್‌ ಬಂದಿತ್ತು. ಇನ್ನು ಮೂವರ ವರದಿ ಕೋವಿಡ್‌-19 ಪಾಸಿಟಿವ್‌ ಬಂದಿತ್ತು. ಈ ಮೂರು ಪ್ರಕರಣಗಳ ಕುರಿತು ಮೂಲವನ್ನು ಹುಡುಕಲು ತನಿಖೆ ನಡೆಸಲಾಗುತ್ತಿದೆ.ಪಾಕಿಸ್ತಾನ ಹಾಗೂ ನ್ಯೂಜಿಲೆಂಡ್‌ ನಡುವೆ ಟಿ20 ಸರಣಿ ಡಿಸೆಂಬರ್‌ 18 ರಂದು ಈಡನ್‌ ಪಾರ್ಕ್‌ನಲ್ಲಿ ಆರಂಭವಾಗಲಿದೆ.

ಟಿ20 ಸರಣಿ ಮುಕ್ತಾಯದ ಬಳಿಕ ಎರಡು ಪಂದ್ಯಗಳ ಟೆಸ್ಟ್‌ ಸರಣಿಯಲ್ಲಿ ಉಭಯ ತಂಡಗಳು ಮುಖಾಮುಖಿಯಾಗುತ್ತಿವೆ.

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: kannada dhvani nyus
Top