ಸಾಮಾನ್ಯವಾಗಿ ಚಿಕನ್ ಅಡುಗೆ ಎಂದರೆ ಮಸಾಲೆಗಳ ಅಬ್ಬರವಿರುತ್ತದೆ. ಆದರೆ ಬಂಗಾಳಿ ಶೈಲಿಯ ಪೆಪ್ಪರ್ ಚಿಕನ್ ತನ್ನ ವಿಶಿಷ್ಟ ರುಚಿ ಮತ್ತು ಮೆಣಸಿನ ಘಾಟಿನಿಂದಾಗಿ ಜನಪ್ರಿಯವಾಗಿದೆ. ನೀವು ಮನೆಯಲ್ಲಿ ನಡೆಯುವ ಸಣ್ಣ ಪುಟ್ಟ ಪಾರ್ಟಿಗಳಿಗೆ ಅಥವಾ ವಿಶೇಷ ರಾತ್ರಿ ಭೋಜನಕ್ಕೆ ಈ ಖಾದ್ಯವನ್ನು ಸಿದ್ಧಪಡಿಸಬಹುದು.

ಇದು ರೊಟ್ಟಿ ಅಥವಾ ಚಪಾತಿಯೊಂದಿಗೆ ಸವಿಯಲು ಅದ್ಭುತವಾಗಿರುತ್ತದೆ.

ಬೇಕಾಗುವ ಪದಾರ್ಥಗಳು: ಚಿಕನ್ ತುಂಡುಗಳು – ಅರ್ಧ ಕೆಜಿ, ಮೊಸರು – ಕಾಲು ಕಪ್, ಈರುಳ್ಳಿ – 1 (ದೊಡ್ಡದು), ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ – 1 ಚಮಚ, ಒಣ ಮೆಣಸಿನಕಾಯಿ – 2 ರಿಂದ 3, ಕೊತ್ತಂಬರಿ ಪುಡಿ – ಅರ್ಧ ಚಮಚ, ಗೋಡಂಬಿ – ಒಂದು ಹಿಡಿ, ಕರಿಮೆಣಸಿನ ಕಾಳು – 2 ಚಮಚ, ಕರಿಮೆಣಸಿನ ಪುಡಿ – ಒಂದೂವರೆ ಚಮಚ, ಸಾಸಿವೆ ಎಣ್ಣೆ – 2 ಚಮಚ, ರುಚಿಗೆ ತಕ್ಕಷ್ಟು ಉಪ್ಪು ಮತ್ತು ನೀರು.

ತಯಾರಿಸುವ ವಿಧಾನ: ಮೊದಲಿಗೆ ಚಿಕನ್ ತುಂಡುಗಳನ್ನು ತೊಳೆದು ಅದಕ್ಕೆ ಮೊಸರು ಮತ್ತು ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ ಸೇರಿಸಿ ಚೆನ್ನಾಗಿ ಕಲಸಿ. ಇದನ್ನು ಕನಿಷ್ಠ 2 ರಿಂದ 3 ಗಂಟೆಗಳ ಕಾಲ ಫ್ರಿಡ್ಜ್‌ನಲ್ಲಿ ಮ್ಯಾರಿನೇಟ್ ಮಾಡಲು ಇಡಿ. ಈ ನಡುವೆ ಗೋಡಂಬಿಯನ್ನು ಬಿಸಿ ನೀರಿನಲ್ಲಿ ನೆನೆಸಿ, ನಯವಾದ ಪೇಸ್ಟ್ ತಯಾರಿಸಿಕೊಳ್ಳಿ.

ನಂತರ ಒಂದು ಪ್ಯಾನ್‌ನಲ್ಲಿ ಸಾಸಿವೆ ಎಣ್ಣೆಯನ್ನು ಬಿಸಿ ಮಾಡಿ. ಇದಕ್ಕೆ ಒಣ ಮೆಣಸಿನಕಾಯಿ, ಕರಿಮೆಣಸಿನ ಕಾಳು ಮತ್ತು ಸಣ್ಣಗೆ ಹೆಚ್ಚಿದ ಈರುಳ್ಳಿ ಸೇರಿಸಿ. ಈರುಳ್ಳಿ ಹೊಂಬಣ್ಣಕ್ಕೆ ಬರುವವರೆಗೆ ಸುಮಾರು 2-3 ನಿಮಿಷಗಳ ಕಾಲ ಹುರಿಯಿರಿ. ಈಗ ಮ್ಯಾರಿನೇಟ್ ಮಾಡಿದ ಚಿಕನ್ ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ. ನಂತರ ಕೊತ್ತಂಬರಿ ಪುಡಿ ಮತ್ತು ಉಪ್ಪು ಸೇರಿಸಿ ಕಡಿಮೆ ಉರಿಯಲ್ಲಿ ಬೇಯಿಸಿ.