ಉದ್ಯಮಿ ಆನಂದ್ ಮಹೀಂದ್ರಾ ಅವರು ಸಾಮಾಜಿಕ ಮಾಧ್ಯಮದಲ್ಲಿ ಸಕ್ರಿಯರಾಗಿರುತ್ತಾರೆ. ಅವರ ಪೋಸ್ಟ್‌ಗಳು ಸಾಕಷ್ಟು ಆಕರ್ಷಕವಾಗಿರುತ್ತವೆ. ಥಾರ್ ಕಾರನ್ನು ಕೇವಲ 700 ರೂಪಾಯಿಗೆ ಖರೀದಿಸಬಹುದು ಎಂದು ನಂಬುವ ಪುಟ್ಟ ಹುಡುಗನ ವೀಡಿಯೊವನ್ನು ಅವರು ಹಂಚಿಕೊಂಡಿದ್ದಾರೆ. 1 ನಿಮಿಷ ಮತ್ತು 29 ಸೆಕೆಂಡುಗಳ ಈ ವೀಡಿಯೊದಲ್ಲಿ, ನೋಯ್ಡಾ ಮೂಲದ ಚೀಕು ಯಾದವ್ ಎಂಬ ಬಾಲಕ ಮುದ್ದುಮುದ್ದಾಗಿ ಮಾತನಾಡಿದ್ದಾನೆ.

ಇದರಲ್ಲಿ ತನ್ನ ತಂದೆಯೊಂದಿಗೆ ಮಹೀಂದ್ರ ಥಾರ್ ಖರೀದಿಸುವ ಇಚ್ಛೆಯನ್ನು ಬಾಲಕ ವ್ಯಕ್ತಪಡಿಸುತ್ತಾನೆ. ಮಹೀಂದ್ರಾ ಕಾರುಗಳಾದ ಥಾರ್ ಮತ್ತು ಎಕ್ಸ್‌ಯುವಿ 700 ಒಂದೇ ಆಗಿದ್ದು, ಎರಡನ್ನೂ 700 ರೂಪಾಯಿಗೆ ಖರೀದಿಸಬಹುದು ಎಂದು ಈ ಮುಗ್ಧ ಹುಡುಗ ಹೇಳುತ್ತಾನೆ.

ಈ ಮಗುವಿನ ಮುಗ್ಧತೆ ಸಾಮಾಜಿಕ ಮಾಧ್ಯಮ ಬಳಕೆದಾರರನ್ನು ಗಮನಸೆಳೆದಿದ್ದು, ಸಾಕಷ್ಟು ಮನರಂಜನೆ ಒದಗಿಸಿದೆ. ಆನಂದ್ ಮಹೀಂದ್ರಾ ಅವರನ್ನೂ ಈ ವಿಡಿಯೋ ಗಮನ ಸೆಳೆದಿದೆ. ಈ ವಿಡಿಯೋವನ್ನು ಹಂಚಿಕೊಂಡಿರುವ ಅವರು ತಮ್ಮ ಕಂಪನಿಯು ಥಾರ್ ಕಾರನ್ನು 700 ರೂಪಾಯಿಗೆ ಮಾರಾಟ ಮಾಡಿದರೆ, ತಾವು ಶೀಘ್ರದಲ್ಲೇ ದಿವಾಳಿಯಾಗುತ್ತಾರೆ ಎಂದು ವಿನೋದದಿಂದಲೇ ಹೇಳಿದ್ದಾರೆ. "ನನ್ನ ಸ್ನೇಹಿತ ಸೂನಿ ತಾರಾಪೊರೆವಾಲಾ ನನಗೆ ಇದನ್ನು ಕಳುಹಿಸಿದ್ದು "ನಾನು ಚೀಕುವನ್ನು ಪ್ರೀತಿಸುತ್ತೇನೆ" ಎಂದಿದ್ದಾರೆ. ಹಾಗಾಗಿ ನಾನು ಅವರ ಕೆಲವು ಪೋಸ್ಟ್‌ಗಳನ್ನು Instagram (@cheekuthenoidakid) ನಲ್ಲಿ ವೀಕ್ಷಿಸಿದ್ದೇನೆ. ಈಗ ನಾನು ಕೂಡ ಅವನನ್ನು ಪ್ರೀತಿಸುತ್ತೇನೆ. ನನ್ನ ಏಕೈಕ ಸಮಸ್ಯೆ ಏನೆಂದರೆ, ನಾವು ಆತನ ಹಕ್ಕನ್ನು ಮೌಲ್ಯೀಕರಿಸಿದರೆ ಮತ್ತು ಥಾರ್ ಅನ್ನು 700 ರೂಪಾಯಿಗೆ ಮಾರಾಟ ಮಾಡಿದರೆ, ನಾವು ಶೀಘ್ರದಲ್ಲೇ ದಿವಾಳಿಯಾಗುತ್ತೇವೆ," ಎಂದು ಆನಂದ್​ ಮಹೀಂದ್ರಾ ಹೇಳಿದ್ದಾರೆ. ಇಂಟರ್​ನೆಟ್​ ಬಳಕೆದಾರರು ಪುಟಾಣಿಯ ವೀಡಿಯೊವನ್ನು ಇಷ್ಟಪಟ್ಟಿದ್ದು, ಕಾಮೆಂಟ್‌ಗಳ ವಿಭಾಗದಲ್ಲಿ ಹೃದಯ ಮತ್ತು ಪ್ರೀತಿಯ ಎಮೋಜಿಗಳನ್ನು ಸುರಿದಿದ್ದಾರೆ. ಕೆಲವರು ಮುಗ್ಧ ಹುಡುಗನ ಆಸೆಯನ್ನು ಪೂರೈಸಲು ವಿನಂತಿಸಿದ್ದಾರೆಯಾಗಿದೆ.