ಎಸ್‌ಐಆರ್ ಪ್ರಕ್ರಿಯೆಯಲ್ಲಿ ಬೂತ್ ಮಟ್ಟದ ಅಧಿಕಾರಿಗಳು(ಬಿಎಲ್‌ಒ) ಮನೆ-ಮನೆಗೆ ಭೇಟಿ ನೀಡಿ ಗಣತಿ ನಮೂನೆ ವಿತರಣೆ ವೇಳೆ ಗೈರು/ಪತ್ತೆಯಾಗದವರು, ಶಾಶ್ವತ ಸ್ಥಳಾಂತರ, ಮೃತರು, ಈಗಾಗಲೇ ಬೇರೆಕಡೆ ನೋಂದಣಿ ಹಾಗೂ ಇತರೆ (ಎಎಸ್‌ಡಿಡಿಒ) ವರ್ಗದಡಿ 49.34 ಲಕ್ಷ ಮತದಾರರನ್ನು ಸೇರಿಸಲಾಗಿದೆ.

ಈ ಮತದಾರರ ಹೆಸರು ಹಾಲಿ ಮತದಾರರ ಪಟ್ಟಿಯಿಂದ ಡಿಲೀಟ್ ಆಗಲಿದೆ. ಅಂದರೆ, ಕರಡು ಮತದಾರರ ಪಟ್ಟಿಯಲ್ಲಿ ಪ್ರಕಟವಾಗುವುದಿಲ್ಲ. ಸ್ಥಳಾಂತರಗೊಂಡ ಮತದಾರರ ಪ್ರಮಾಣವೇ ಹೆಚ್ಚಿದೆ. ಈ ಮತದಾರರು ಕರಡು ಮತದಾರರ ಪಟ್ಟಿ ಪ್ರಕಟವಾದ ಬಳಿಕ ನಿಗದಿತ ದಾಖಲೆಗಳ ಪೈಕಿ ಯಾವುದಾದರೂ ಒಂದು ದಾಖಲೆ ಜತೆಗೆ ಫಾರ್ಮ್ 6 ಭರ್ತಿ ಮಾಡಿ ಸಲ್ಲಿಸಿದರೆ, ಬಿಎಲ್‌ಒ/ಇಆರ್‌ಒ ಮತದಾರರ ជ ಪರಿಶೀಲಿಸಿ ಸೇರ್ಪಡೆಗೊಳಿಸಲಿದ್ದಾರೆ.

1.03 ಕೋಟಿ ಮತದಾರರ ಪೈಕಿ 49.34 ಲಕ್ಷ ಹೆಸರು ಡಿಲೀಟ್:

ಬೆಂಗಳೂರು ನಗರ ಜಿಲ್ಲೆಯಲ್ಲಿ ಹಾಲಿ ಮತದಾರರ ಪಟ್ಟಿಯಲ್ಲಿರುವ 40,21,039 ಮತದಾರರ ಪೈಕಿ 18,10,111 (ಶೇ.45.02), ಬಿಬಿಎಂಪಿ ಉತ್ತರ ಜಿಲ್ಲೆಯಲ್ಲಿ 23,32,621 ಮತದಾರರ ಪೈಕಿ 11,05,176 (ಶೇ.47.38), ಬಿಬಿಎಂಪಿ ಕೇಂದ್ರ ಜಿಲ್ಲೆಯಲ್ಲಿ 18,89,919 ಮತದಾರರ ಪೈಕಿ 9,13,442 (.48.33), ಬಿಬಿಎಂಪಿ ದಕ್ಷಿಣ ಜಿಲ್ಲೆಯಲ್ಲಿ 21,44,784 ಮತದಾರರ ಪೈಕಿ 11,06,170 (ಶೇ.51.57) ಮತದಾರರು ಹೆಸರು ರದ್ದಾಗಲಿದೆ.