ಮಾರ್ಚ್ ತಿಂಗಳು ಆರ್ಥಿಕ ವರ್ಷದ ಅಂತ್ಯ (Financial Year End) ಆಗಿರುವುದರಿಂದ ವಹಿವಾಟುಗಳು ಹೆಚ್ಚಿರುತ್ತವೆ. ಹೀಗಾಗಿ, ರಜೆಗಳ ಪಟ್ಟಿಯನ್ನು ಗಮನಿಸಿ ನಿಮ್ಮ ಕೆಲಸಗಳನ್ನು ಮುಂಚಿತವಾಗಿ ಯೋಜಿಸುವುದು ಉತ್ತಮ.

ಮಾರ್ಚ್ ತಿಂಗಳ ಪ್ರಮುಖ ರಜಾದಿನಗಳ ಪಟ್ಟಿ:

1. ಹೋಳಿ ಹಬ್ಬದ ಸಂಭ್ರಮ:

ಮಾರ್ಚ್ 2: ಹೋಳಿಕಾ ದಹನ್ (ಕಾನ್ಪುರ, ಲಕ್ನೋದಲ್ಲಿ ರಜೆ).

ಮಾರ್ಚ್ 3: ಧುಲಿ ವಂದನಾ/ಡೋಲ್ ಜಾತ್ರಾ (ಮುಂಬೈ, ಪುಣೆ, ಹೈದರಾಬಾದ್, ಜೈಪುರ, ಕೋಲ್ಕತ್ತಾ ಸೇರಿದಂತೆ ಪ್ರಮುಖ ನಗರಗಳಲ್ಲಿ ರಜೆ).

ಮಾರ್ಚ್ 4: ಹೋಳಿ ಎರಡನೇ ದಿನ (ನವದೆಹಲಿ, ಅಹಮದಾಬಾದ್, ಚಂಡೀಗಢದಲ್ಲಿ ರಜೆ).

ಯುಗಾದಿ ಮತ್ತು ರಂಜಾನ್ ಸರಣಿ ರಜೆಗಳು:

ಮಾರ್ಚ್ 17: ಶಬ್-ಎ-ಖದ್ರ್ (ಜಮ್ಮು ಮತ್ತು ಶ್ರೀನಗರದಲ್ಲಿ ರಜೆ).

ಮಾರ್ಚ್ 19: ಯುಗಾದಿ / ಗುಡಿ ಪಾಡ್ವಾ (ಕರ್ನಾಟಕ, ಮಹಾರಾಷ್ಟ್ರ, ತಮಿಳುನಾಡು ಮತ್ತು ಗೋವಾ ರಾಜ್ಯಗಳಲ್ಲಿ ಬ್ಯಾಂಕ್ಗಳಿಗೆ ರಜೆ).

ಮಾರ್ಚ್ 20: ರಂಜಾನ್ / ಜುಮಾತ್-ಉಲ್-ವಿದಾ (ಕೊಚ್ಚಿ, ತಿರುವನಂತಪುರಂ ಸೇರಿದಂತೆ ಕೆಲವು ಕಡೆ ರಜೆ).

ಮಾರ್ಚ್ 21: ರಂಜಾನ್-ಈದ್ (ಈದ್-ಉಲ್-ಫಿತರ್) (ಕೊಚ್ಚಿ, ತಿರುವನಂತಪುರಂ ಹೊರತುಪಡಿಸಿ ದೇಶಾದ್ಯಂತ ಬ್ಯಾಂಕ್ ರಜೆ).

ಶ್ರೀರಾಮ ನವಮಿ ಮತ್ತು ಮಹಾವೀರ ಜಯಂತಿ:

ಮಾರ್ಚ್ 26 & 27: ಶ್ರೀರಾಮ ನವಮಿ (ಅಹಮದಾಬಾದ್, ಚಂಡೀಗಢ, ಜೈಪುರ, ಲಕ್ನೋ ಸೇರಿದಂತೆ ವಿವಿಧ ನಗರಗಳಲ್ಲಿ ರಜೆ).

ಮಾರ್ಚ್ 31: ಮಹಾವೀರ ಜಯಂತಿ (ಬೆಂಗಳೂರು, ಮುಂಬೈ, ದೆಹಲಿ, ಚೆನ್ನೈ ಸೇರಿದಂತೆ ದೇಶದ ಬಹುತೇಕ ಪ್ರಮುಖ ನಗರಗಳಲ್ಲಿ ರಜೆ).

ಗ್ರಾಹಕರಿಗೆ ಪ್ರಮುಖ ಸೂಚನೆಗಳು:

ಡಿಜಿಟಲ್ ಸೇವೆಗಳು ಲಭ್ಯ: ಬ್ಯಾಂಕ್ ಶಾಖೆಗಳು ಮುಚ್ಚಿದ್ದರೂ, ನೆಟ್ ಬ್ಯಾಂಕಿಂಗ್, ಮೊಬೈಲ್ ಬ್ಯಾಂಕಿಂಗ್ ಮತ್ತು ಎಟಿಎಂ (ATM) ಸೇವೆಗಳು ಎಂದಿನಂತೆ ಕಾರ್ಯನಿರ್ವಹಿಸಲಿವೆ.

ಚೆಕ್ ಕ್ಲಿಯರೆನ್ಸ್: ಸರಣಿ ರಜೆಗಳ ಕಾರಣ ಚೆಕ್ ಕ್ಲಿಯರ್ ಆಗಲು ಎಂದಿಗಿಂತ ಹೆಚ್ಚಿನ ಸಮಯ ತಗುಲಬಹುದು. ತುರ್ತು ವಹಿವಾಟುಗಳಿದ್ದರೆ ಈ ಮೊದಲೇ ಪೂರ್ಣಗೊಳಿಸಿ.

ನಗದು ಸಮಸ್ಯೆ: ಹಬ್ಬದ ಸಂದರ್ಭದಲ್ಲಿ ಎಟಿಎಂಗಳಲ್ಲಿ ನಗದು ಕೊರತೆ ಉಂಟಾಗುವ ಸಾಧ್ಯತೆ ಇರುತ್ತದೆ. ಆದ್ದರಿಂದ ಅಗತ್ಯವಿರುವಷ್ಟು ಹಣವನ್ನು ಮುಂಚಿತವಾಗಿಯೇ ಡ್ರಾ ಮಾಡಿ ಇಟ್ಟುಕೊಳ್ಳುವುದು ಒಳಿತು.

ಆರ್ಥಿಕ ವರ್ಷದ ಕೊನೆಯ ತಿಂಗಳಾದ ಮಾರ್ಚ್ನಲ್ಲಿ ಕೆಲಸದ ಒತ್ತಡ ಹೆಚ್ಚಿರುತ್ತದೆ, ಅದರ ನಡುವೆ ಈ ರಜೆಗಳು ಬರುವುದರಿಂದ ಸಾರ್ವಜನಿಕರು ಯಾವುದೇ ಗೊಂದಲಕ್ಕೆ ಒಳಗಾಗದೆ ತಮ್ಮ ಬ್ಯಾಂಕ್ ಕೆಲಸಗಳನ್ನು ಪ್ಲಾನ್ ಮಾಡಿಕೊಳ್ಳಿ.