ಶನಿವಾರ ಬೆಳಗ್ಗೆ ಸುಮಾರು 8:30ರ ಸುಮಾರಿಗೆ ಈ ದಾಳಿ ನಡೆದಿದೆ ಎಂದು ಇರಾನ್‌ನ ಸರ್ಕಾರಿ ಸುದ್ದಿ ಸಂಸ್ಥೆ 'ಇರ್ನಾ' (IRNA) ವರದಿ ಮಾಡಿದೆ.ಸ್ಥಾವರದ ರಕ್ಷಣಾ ಪಡೆಯ (Physical Protection Staff) ಸಿಬ್ಬಂದಿಯೊಬ್ಬರು ಕ್ಷಿಪಣಿಯ ಚೂರುಗಳು ತಗುಲಿ ಮೃತಪಟ್ಟಿದ್ದಾರೆ. ಸ್ಫೋಟದ ತೀವ್ರತೆಗೆ ಸಮೀಪದ ಸಹಾಯಕ ಕಟ್ಟಡವೊಂದು ಹಾನಿಗೀಡಾಗಿದೆ.

ಅದೃಷ್ಟವಶಾತ್, ಸ್ಥಾವರದ ಪ್ರಮುಖ ರಿಯಾಕ್ಟರ್ ಭಾಗಗಳಿಗೆ ಯಾವುದೇ ಹಾನಿಯಾಗಿಲ್ಲ. "ದಾಳಿಯ ನಂತರ ಯಾವುದೇ ವಿಕಿರಣ ಸೋರಿಕೆ ಕಂಡುಬಂದಿಲ್ಲ" ಎಂದು IAEA ಸ್ಪಷ್ಟಪಡಿಸಿದೆ. ಈ ಯುದ್ಧ ಆರಂಭವಾದ ನಂತರ ಬುಶೆಹರ್ ಸ್ಥಾವರವನ್ನು ಗುರಿಯಾಗಿಸಿ ದಾಳಿ ನಡೆಸುತ್ತಿರುವುದು ಇದು ನಾಲ್ಕನೇ ಬಾರಿ ಎಂದು ವರದಿಗಳು ತಿಳಿಸಿವೆ.