​ಸಂಘಟನಾ ಕಾರ್ಯದರ್ಶಿಗಳಾಗಿ ಶ್ರೀರಾಮ್ ಚನ್ನವೀರ ಮತ್ತು ಗಣೇಶ್ ಅರಳಿಕಟ್ಟೆ ಹಾಗೂ ಸಾಂಪ್ರದಾಯಿಕ ದಸರಾ ಕುಸ್ತಿ ಸ್ಪರ್ಧೆಯ ಸಂಚಾಲಕರಾಗಿ ಸಂತೋಷ್ ಸದ್ಗುರು ಮತ್ತು ವೆಂಕಟೇಶ್ ಬಿಳಿಸಿರಿ ನೇಮಕಗೊಂಡಿದ್ದಾರೆ ಎಂದು ಸಂಘದ ಪ್ರಕಟಣೆ ತಿಳಿಸಿದೆ.

​ಯುವಶಕ್ತಿಯ ಸಂಘಟನೆಗೆ ಆದ್ಯತೆ: ಅಧ್ಯಕ್ಷ ಧರ್ಮರಾಜ್ ಜಿ

ಆಯ್ಕೆಯ ಬಳಿಕ ಮಾತನಾಡಿದ ನೂತನ ಅಧ್ಯಕ್ಷ ಧರ್ಮರಾಜ್ ಜಿ, "ಗಾಂಧಿನಗರ ಯುವಜನ ಸಂಘವು ಐದು ದಶಕಗಳ ಭವ್ಯ ಇತಿಹಾಸವನ್ನು ಹೊಂದಿದೆ. ಸುವರ್ಣ ಮಹೋತ್ಸವದ ಸಂಭ್ರಮ ಮುಗಿಸಿ 51ನೇ ವರ್ಷಕ್ಕೆ ಕಾಲಿಡುತ್ತಿರುವ ಈ ಸಂದರ್ಭದಲ್ಲಿ ಸಂಘದ ಅಧ್ಯಕ್ಷತೆಯ ಜವಾಬ್ದಾರಿ ದೊರೆತಿರುವುದು ಹೆಮ್ಮೆಯ ವಿಚಾರ. ಯುವಜನರಲ್ಲಿ ಕ್ರೀಡೆ, ಸಂಸ್ಕೃತಿ ಮತ್ತು ಸಮಾಜಸೇವೆಯ ಮನೋಭಾವವನ್ನು ಬೆಳೆಸಲು ನಮ್ಮ ನೂತನ ತಂಡ ಬದ್ಧವಾಗಿದೆ. ವಿಶೇಷವಾಗಿ ಸಾಗರದ ಹೆಮ್ಮೆಯ ದಸರಾ ಕುಸ್ತಿ ಸೇರಿದಂತೆ ಸಂಘದ ಸಾಂಪ್ರದಾಯಿಕ ಕಾರ್ಯಕ್ರಮಗಳನ್ನು ಇನ್ನಷ್ಟು ಅಚ್ಚುಕಟ್ಟಾಗಿ ಮತ್ತು ಅರ್ಥಪೂರ್ಣವಾಗಿ ಆಯೋಜಿಸಲು ಸರ್ವರ ಸಹಕಾರದೊಂದಿಗೆ ಶ್ರಮಿಸಲಾಗುವುದು," ಎಂದು ತಿಳಿಸಿದರು.