ವರದಕ್ಷಿಣೆ ಕಿರುಕುಳದ ಮತ್ತೊಂದು ಪ್ರಕರಣದಲ್ಲಿ, ಉತ್ತರ ಪ್ರದೇಶದ ಲಖನೌದಲ್ಲಿ ಇನ್‌ಫ್ಲುಯೆನ್ಸರ್ ಒಬ್ಬರು ತಮ್ಮ ಅತ್ತೆಮನೆಯಲ್ಲಿ ಮೃತಪಟ್ಟಿದ್ದಾರೆ. ಮೃತರನ್ನು ಮಾನ್ಸಿ ಎಂದು ಗುರುತಿಸಲಾಗಿದ್ದು, ಇವರು 2024ರಲ್ಲಿ ಸಾಗರ್ ರಜಪೂತ್ ಎಂಬುವವರನ್ನು ವಿವಾಹವಾಗಿದ್ದರು.

​

ವರದಿಯ ಪ್ರಕಾರ, ಮದುವೆಯಾದಾಗಿನಿಂದಲೂ ಮಾನ್ಸಿಯ ಪತಿ ಮತ್ತು ಅತ್ತೆಮನೆಯವರು ಕಾರಿನ ಬೇಡಿಕೆ ಇಟ್ಟು ಆಕೆಗೆ ಒತ್ತಡ ಹೇರುತ್ತಿದ್ದರು. ಇದು ಆತ್ಮಹತ್ಯೆಯಲ್ಲ, ಬದಲಾಗಿ ಕೊಲೆ ಎಂದು ಮಾನ್ಸಿಯ ಕುಟುಂಬಸ್ಥರು ಆರೋಪಿಸಿದ್ದು, ಅತ್ತೆಮನೆಯವರು ಅದನ್ನು ಆತ್ಮಹತ್ಯೆಯೆಂದು ಬಿಂಬಿಸಲು ಪ್ರಯತ್ನಿಸುತ್ತಿದ್ದಾರೆ ಎಂದು ದೂರಿದ್ದಾರೆ. ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಪತಿ ಸಾಗರ್ ರಜಪೂತ್‌ನನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.

ಎಫ್‌ಐಆರ್‌ನ (FIR) ಪ್ರಕಾರ, ಮಾನ್ಸಿಯ ಕುಟುಂಬವು ಮದುವೆಯ ಸಮಯದಲ್ಲಿ ಒಟ್ಟು 7 ಲಕ್ಷ ರೂಪಾಯಿಗಳನ್ನು ವರದಕ್ಷಿಣೆಯಾಗಿ ನೀಡಿತ್ತು. ಆದರೆ, ಅತ್ತೆಮನೆಯವರಿಗೆ ಅದು ಸಾಲಲಿಲ್ಲ. ರಜಪೂತ್ ಕುಟುಂಬವು ಕಾರನ್ನು ನೀಡುವಂತೆ ಬೇಡಿಕೆ ಇಟ್ಟು, ಮಾನ್ಸಿಗೆ ಮಾನಸಿಕ ಮತ್ತು ದೈಹಿಕ ಕಿರುಕುಳ ನೀಡುತ್ತಿತ್ತು. ಈ ಕಿರುಕುಳದ ಬಗ್ಗೆ ಮಾನ್ಸಿ ತನ್ನ ಕುಟುಂಬದವರಿಗೆ ತಿಳಿಸಿದ್ದರು. ಅದರಂತೆ, ವಿಷಯವನ್ನು ಬಗೆಹರಿಸಲು ಕುಟುಂಬಸ್ಥರು ಹಲವು ಬಾರಿ ಲಖನೌಗೆ ಬಂದು ಮಾತುಕತೆ ನಡೆಸಿದ್ದರು.

ತಮ್ಮ ಮಗಳು ಆತ್ಮಹತ್ಯೆ ಮಾಡಿಕೊಂಡಿದ್ದಾಳೆ ಎಂದು ಕುಟುಂಬಕ್ಕೆ ಶನಿವಾರ ತಿಳಿಸಲಾಗಿತ್ತು. ಆದರೆ, ಇದು ಪೂರ್ವನಿಯೋಜಿತ ಕೊಲೆಯಾಗಿದ್ದು, ಅದನ್ನು ಆತ್ಮಹತ್ಯೆಯೆಂದು ಚಿತ್ರಿಸಲಾಗುತ್ತಿದೆ ಎಂದು ಕುಟುಂಬಸ್ಥರು ಆರೋಪಿಸಿದ್ದಾರೆ. ಮಾನ್ಸಿಯ ಕುಟುಂಬವು ನೀಡಿದ ದೂರಿನ ಮೇರೆಗೆ ಪತಿ ಮತ್ತು ಇತರ ಐವರು ಸದಸ್ಯರ ವಿರುದ್ಧ ಪ್ರಕರಣ ದಾಖಲಾಗಿದೆ. ಆರೋಪಿಗಳ ಪಟ್ಟಿಯಲ್ಲಿ ಪತಿ ಸಾಗರ್ ರಜಪೂತ್, ಮಾವ ರಾಜೇಶ್, ಮೈದುನ ಅನು, ಅತ್ತಿಗೆಯರಾದ ಬರ್ಖಾ ಮತ್ತು ಚಾಂದಿನಿ, ಹಾಗೂ ಅತ್ತೆ ಅತ್ತಿಗೆ ಆಶಾ ಸೇರಿದ್ದಾರೆ.
​ಸಾಮಾಜಿಕ ಜಾಲತಾಣದಲ್ಲಿ ಸಕ್ರಿಯರಾಗಿದ್ದ ಮಾನ್ಸಿ ಮತ್ತು