ಕೊಲೆ ನಡೆದಿದ್ದು ಹೇಗೆ?

ಆರಂಭದಲ್ಲಿ ಕೃತಿಕಾ ರೆಡ್ಡಿ ಅವರದ್ದು ನೈಸರ್ಗಿಕ ಸಾವು ಎಂದು ಬಿಂಬಿಸಲಾಗಿತ್ತು. ಆದರೆ ಮರಣೋತ್ತರ ಪರೀಕ್ಷೆಯ ವರದಿಯಲ್ಲಿ ಅವರ ದೇಹಕ್ಕೆ 'ಅನಸ್ತೇಷಿಯಾ' (Anesthesia) ಚುಚ್ಚುಮದ್ದು ನೀಡಿರುವುದು ದೃಢಪಟ್ಟಿತ್ತು. ಪತಿ ಮಹೇಂದ್ರ ರೆಡ್ಡಿಯೇ ಐವಿ ಫ್ಲ್ಯೂಯೆಡ್ ಮೂಲಕ ಅನಸ್ತೇಷಿಯಾ ನೀಡಿ ಪತ್ನಿಯನ್ನು ಹತ್ಯೆ ಮಾಡಿದ್ದ ಎಂದು ಪೊಲೀಸರು ಪತ್ತೆಹಚ್ಚಿ ಆತನನ್ನು ಬಂಧಿಸಿದ್ದರು.

ರಿಟ್ರೀವ್ ಆದ ಸ್ಫೋಟಕ ಮೆಸೇಜ್‌ಗಳಲ್ಲೇನಿದೆ?

ಪೋಲೀಸರ ಕಣ್ಣು ತಪ್ಪಿಸಲು ಆರೋಪಿ ಮಹೇಂದ್ರ ರೆಡ್ಡಿ ಸಾಮಾನ್ಯ ವಾಟ್ಸಾಪ್ ಬದಲು ಫೋನ್ ಪೇ ಮೆಸೇಜ್ ಬಳಸಿದ್ದ. ಪತ್ತೆಯಾದ 485 ಚಾಟ್‌ಗಳಲ್ಲಿ ಪ್ರಮುಖವಾದವು ಇಲ್ಲಿವೆ:

• ಪೊಲೀಸರಿಗೆ ಸುಳ್ಳು ಹೇಳಲು ಸೂಚನೆ: "ನನ್ನನ್ನು ಪೋಲೀಸರು ವಿಚಾರಣೆಗೆ ಕರೆಯಬಹುದು, ನಮ್ಮ ಸಂಬಂಧದ ಬಗ್ಗೆ ಕೇಳಿದರೆ ಕೇವಲ 'ಸ್ನೇಹಿತರು' ಎಂದು ಹೇಳು. ಪದೇ ಪದೇ ಯಾಕೆ ಕರೆ ಮಾಡುತ್ತಿದ್ದೆ ಎಂದು ಕೇಳಿದರೆ ಆಸ್ಪತ್ರೆಯ ಕೆಲಸದ ಸಹಾಯಕ್ಕಾಗಿ ಎಂದು ಉತ್ತರಿಸು."

• ಕೊಲೆ ಒಪ್ಪಿಕೊಂಡ ಆರೋಪಿ: "ನಾನು ಕೃತಿಕಾಳನ್ನು ಕೊಂದಿದ್ದೇನೆ, ಆದರೆ ನನ್ನ ಬಳಿ ಪುರಾವೆ ಇಲ್ಲ. ನಾನು ಜೈಲಿಗೆ ಹೋಗುತ್ತೇನೆ, ಆಗ ನೀನು ಸುಖವಾಗಿರಬಹುದು ಎಂದು ಭಾವಿಸುತ್ತೇನೆ."

• ಕೊಲೆಗಾರನೆಂಬ ಪಶ್ಚಾತ್ತಾಪ: "ಕೊಲೆಗಾರ ಎಂದಿಗೂ ಸುಖವಾಗಿರಲು ಸಾಧ್ಯವಿಲ್ಲ. ನಾನು ಕೊಲೆಗಾರನಾಗಿಯೇ ಬದುಕುತ್ತೇನೆ. ನೀನು ಬಯಸಿದಂತೆ ನಾನು ಸಾಯುತ್ತೇನೆ, ನೀನು ಆರಾಮವಾಗಿರು."

ತನಿಖೆಯ ಪ್ರಮುಖಾಂಶಗಳು:

• ದೃಢಪಟ್ಟ ಅನೈತಿಕ ಸಂಬಂಧ: 2022ರಿಂದಲೇ ಮಹೇಂದ್ರ ರೆಡ್ಡಿ ಈ ಯುವತಿಯ ಜೊತೆ ಪ್ರೀತಿಯಲ್ಲಿದ್ದ. 2024ರಲ್ಲಿ ಕೃತಿಕಾ ಅವರನ್ನು ವಿವಾಹವಾಗಿದ್ದರೂ, ಪ್ರೇಯಸಿಯ ಜೊತೆಗಿರಲು ಪತ್ನಿಯ ಹತ್ಯೆಗೆ ಸ್ಕೆಚ್ ಹಾಕಿದ್ದ.

• ಬೃಹತ್ ಡಿಜಿಟಲ್ ಸಾಕ್ಷ್ಯ: ಎಫ್‌ಎಸ್‌ಎಲ್ ತಜ್ಞರು ಆರೋಪಿ, ಮೃತರ ಮತ್ತು ಪ್ರೇಯಸಿಯ ಮೊಬೈಲ್‌ಗಳಿಂದ ಸುಮಾರು 10.34 ಲಕ್ಷ ಡಿಜಿಟಲ್ ಫೈಲ್‌ಗಳನ್ನು ರಿಟ್ರೀವ್ ಮಾಡಿದ್ದಾರೆ.

• ಹೆಚ್ಚುವರಿ ಚಾರ್ಜ್‌ಶೀಟ್: ಈ ತಾಂತ್ರಿಕ ಸಾಕ್ಷ್ಯಗಳನ್ನು ಆಧರಿಸಿ ಮಾರತ್ತಹಳ್ಳಿ ಪೊಲೀಸರು ನ್ಯಾಯಾಲಯಕ್ಕೆ ಹೆಚ್ಚುವರಿ ಚಾರ್ಜ್‌ಶೀಟ್ ಸಲ್ಲಿಕೆ ಮಾಡಲು ಸಿದ್ಧತೆ ನಡೆಸಿದ್ದಾರೆ.

ಹಣ ಮತ್ತು ಅನೈತಿಕ ಸಂಬಂಧಕ್ಕಾಗಿ ವೈದ್ಯೆಯೊಬ್ಬರ ಜೀವ ತೆಗೆದ ಪತಿಗೆ ಈಗ ಈ ಡಿಜಿಟಲ್ ಮೆಸೇಜ್‌ಗಳೇ ಮುಳುವಾಗಿ ಪರಿಣಮಿಸಿವೆ.

ಡಿಎಂಕೆ 'ಕ್ಯಾಶ್ ಬಾಕ್ಸ್ ಮೈತ್ರಿಕೂಟ', ಬಿಜೆಪಿ ಕೂಡ ಅದಕ್ಕಿಂತ ಭಿನ್ನವಲ್ಲ: ನಟ, ರಾಜಕಾರಣಿ ವಿಜಯ್ ವಾಗ್ದಾಳಿ

ರಾಜ್ಯದ ಉಪ ಚುನಾವಣೆಯಲ್ಲಿ ಚುನಾವಣಾ ಆಯೋಗದಿಂದ ಇಬ್ಬಗೆಯ ನೀತಿ: ಸಿಎಂ ಸಿದ್ಧರಾಮಯ್ಯ ಕಿಡಿಕಿಡಿ