Wednesday, 02 Dec, 5.02 pm Masth Magaa

ಎಲ್ಲಾ ಸುದ್ದಿ
ಜಡ್ಜ್​ಗಳ ವಿರುದ್ಧ ಲೈಂಗಿಕ ಕಿರುಕುಳ ಆರೋಪ ಮಾಡಿದ್ದ ಮಾಜಿ ಜಡ್ಜ್ ಅರೆಸ್ಟ್!

masthmagaa.com:

ಚೆನ್ನೈ: ಸುಪ್ರೀಂಕೋರ್ಟ್​ ಮತ್ತು ಹೈಕೋರ್ಟ್​ನ ಕೆಲ ಹಾಲಿ ಮತ್ತು ಮಾಜಿ ನ್ಯಾಯಮೂರ್ತಿಗಳು 'ಕೋರ್ಟ್​ನ ಮಹಿಳಾ ಸಿಬ್ಬಂದಿ ಮತ್ತು ಮಹಿಳಾ ಜಡ್ಜ್​ಗಳಿಗೆ ಲೈಂಗಿಕ ಕಿರುಕುಳ' ನೀಡಿದ್ದಾರೆ ಅಂತ ಆರೋಪಿಸಿ ವಿಡಿಯೋ ಮಾಡಿದ್ದ ನಿವೃತ್ತ ಜಡ್ಜ್​ ಸಿ.ಎಸ್.​ ಕರ್ಣನ್ ಅರೆಸ್ಟ್ ಆಗಿದ್ದಾರೆ. ಇವರನ್ನ ಚೆನ್ನೈನಲ್ಲಿ ಬಂಧಿಸಲಾಗಿದೆ. ಸಿ.ಎಸ್​.ಕರ್ಣನ್​ ಚೆನ್ನೈ ಮತ್ತು ಕೋಲ್ಕತ್ತಾ ಹೈಕೋರ್ಟ್​ನ ಮಾಜಿ ಜಡ್ಜ್ ಆಗಿದ್ದಾರೆ. ಇವರು ಹಾಲಿ ಮತ್ತು ನಿವೃತ್ತ ನ್ಯಾಯಮೂರ್ತಿಗಳನ್ನ ನಿಂದಿಸುವ ವಿಡಿಯೋಗಳನ್ನ ಹಾಕಿದ್ದರು. ವಿಡಿಯೋದಲ್ಲಿ ಸುಪ್ರೀಂಕೋರ್ಟ್​ ಮತ್ತು ಹೈಕೋರ್ಟ್​ನ ಕೆಲ ಜಡ್ಜ್​ಗಳು ಮಹಿಳಾ ಜಡ್ಜ್ ಮತ್ತು ಮಹಿಳಾ ಸಿಬ್ಬಂದಿಗೆ ಲೈಂಗಿಕ ಕಿರುಕುಳ ನೀಡಿದ್ದಾರೆ ಅಂತ ಗಂಭೀರ ಆರೋಪ ಮಾಡಿದ್ದರು. ಅಂತಹ ಕೆಲ ಜಡ್ಜ್​ಗಳ ಹೆಸರನ್ನ ಕೂಡ ಉಲ್ಲೇಖಿಸಿದ್ದರು. ಈ ಸಂಬಂಧ ಬಾರ್ ಕೌನ್ಸಿಲ್ ಆಫ್ ತಮಿಳುನಾಡು ಹೈಕೋರ್ಟ್​ ಮೊರೆ ಹೋಗಿತ್ತು.

ನ್ಯಾಯಾಂಗ ನಿಂದನೆ ಪ್ರಕರಣದಲ್ಲಿ ಸುಪ್ರೀಂಕೋರ್ಟ್​ನ 7 ಸದಸ್ಯರ ಪೀಠ 2017ರಲ್ಲಿ ಕರ್ಣನ್​ಗೆ 6 ತಿಂಗಳ ಜೈಲು ಶಿಕ್ಷೆ ವಿಧಿಸಿತ್ತು. ನಿವೃತ್ತಿಗೆ 6 ತಿಂಗಳು ಬಾಕಿ ಇರುವಾಗಲೇ ಈ ಶಿಕ್ಷೆ ವಿಧಿಸಲಾಗಿತ್ತು. ಕರ್ಣನ್ ಅವರು ತಮ್ಮ ವೃತ್ತಿ ಜೀವನದಲ್ಲಿ ಹಲವಾರು ಭ್ರಷ್ಟಾಚಾರ ಆರೋಪಗಳನ್ನ ಎದುರಿಸಿದ್ದಾರೆ. ತಾನು ದಲಿತ ಎಂಬ ಕಾರಣಕ್ಕೆ ಎಲ್ಲರೂ ಟಾರ್ಗೆಟ್ ಮಾಡ್ತಿದ್ದಾರೆ ಅಂತ ಕರ್ಣನ್ ಈ ಹಿಂದೆ ಹೇಳಿಕೊಂಡಿದ್ದರು.

-masthmagaa.com

Dailyhunt
Disclaimer: This story is auto-aggregated by a computer program and has not been created or edited by Dailyhunt. Publisher: Masth Magaa
Top