ನವದೆಹಲಿ: ಭಾರತವು ರಕ್ಷಣಾ ವಲಯದಲ್ಲಿ ಹೊಸ ಇತಿಹಾಸ ಬರೆದಿದೆ. 2025-26ನೇ ಹಣಕಾಸು ವರ್ಷದಲ್ಲಿ ದೇಶದ ರಕ್ಷಣಾ ರಫ್ತು ಬರೋಬ್ಬರಿ ₹38,424 ಕೋಟಿಗೆ ಏರಿಕೆಯಾಗುವ ಮೂಲಕ ಸಾರ್ವಕಾಲಿಕ ದಾಖಲೆ (Big News) ನಿರ್ಮಿಸಿದೆ. ಕಳೆದ ವರ್ಷಕ್ಕೆ (₹23,622 ಕೋಟಿ) ಹೋಲಿಸಿದರೆ ಈ ಬಾರಿ ಶೇ.
62.7 ರಷ್ಟು ಭರ್ಜರಿ ಬೆಳವಣಿಗೆ ಕಂಡುಬಂದಿರುವುದು ಗಮನಾರ್ಹ. ಭಾರತವು ಈಗ ಕೇವಲ ಶಸ್ತ್ರಾಸ್ತ್ರಗಳನ್ನು ಆಮದು ಮಾಡಿಕೊಳ್ಳುವ ದೇಶವಾಗಿ ಉಳಿಯದೆ, ಜಗತ್ತಿಗೆ ಶಸ್ತ್ರಾಸ್ತ್ರ ಪೂರೈಸುವ ಪ್ರಮುಖ ರಾಷ್ಟ್ರವಾಗಿ ಹೊರಹೊಮ್ಮುತ್ತಿದೆ. ಭಾರತದ ಗ್ರಾಹಕರು ಯಾರು ? ಫಿಲಿಪೈನ್ಸ್: ಭಾರತದ ಹೆಮ್ಮೆಯ 'ಬ್ರಹ್ಮೋಸ್' ಕ್ಷಿಪಣಿಗಳನ್ನು ಖರೀದಿಸುತ್ತಿರುವ ಪ್ರಮುಖ ದೇಶಗಳಲ್ಲಿ ಇದು ಒಂದಾಗಿದೆ. ಭಾರತದಿಂದ ಏನೇನು ರಫ್ತು? ಖಾಸಗಿ ಮತ್ತು ಸರ್ಕಾರಿ ವಲಯದ ಪಾಲೆಷ್ಟು?
ಭಾರತವು ಸದ್ಯ ಅಮೆರಿಕ, ಫ್ರಾನ್ಸ್ ಮತ್ತು ಅರ್ಮೇನಿಯಾ ಸೇರಿದಂತೆ ವಿಶ್ವದ 80ಕ್ಕೂ ಹೆಚ್ಚು ದೇಶಗಳಿಗೆ ರಕ್ಷಣಾ ಸಾಮಗ್ರಿಗಳನ್ನು ರಫ್ತು ಮಾಡುತ್ತಿದೆ.
ಅರ್ಮೇನಿಯಾ: ಭಾರತದಿಂದ ಪಿನಾಕಾ ರಾಕೆಟ್ ಲಾಂಚರ್ಗಳು ಮತ್ತು ಆಕಾಶ್ ಕ್ಷಿಪಣಿ ವ್ಯವಸ್ಥೆಯನ್ನು ಖರೀದಿಸುವ ಮೂಲಕ ದೊಡ್ಡ ಗ್ರಾಹಕನಾಗಿ ಹೊರಹೊಮ್ಮಿದೆ.
ಅಮೆರಿಕ ಮತ್ತು ಫ್ರಾನ್ಸ್: ಈ ದೇಶಗಳು ಮುಖ್ಯವಾಗಿ ವಿಮಾನದ ಬಿಡಿಭಾಗಗಳು, ಎಲೆಕ್ಟ್ರಾನಿಕ್ ಸಿಸ್ಟಮ್ಗಳು ಮತ್ತು ಸಾಫ್ಟ್ವೇರ್ಗಳನ್ನು ಭಾರತದಿಂದ ಆಮದು ಮಾಡಿಕೊಳ್ಳುತ್ತಿವೆ.
ಭಾರತದ ರಕ್ಷಣಾ ರಫ್ತು ಪಟ್ಟಿಯಲ್ಲಿ ಕೇವಲ ಸಣ್ಣ ಶಸ್ತ್ರಾಸ್ತ್ರಗಳಲ್ಲದೆ ಅತ್ಯಾಧುನಿಕ ತಂತ್ರಜ್ಞಾನದ ಯುದ್ಧೋಪಕರಣಗಳೂ ಸೇರಿವೆ.
ಬ್ರಹ್ಮೋಸ್ ಕ್ಷಿಪಣಿಗಳು: ವಿಶ್ವದ ಅತ್ಯಂತ ವೇಗದ ಸೂಪರ್ ಸಾನಿಕ್ ಕ್ರೂಸ್ ಕ್ಷಿಪಣಿ.
ಪಿನಾಕಾ ರಾಕೆಟ್ ಲಾಂಚರ್: ಬಹು ಗುರಿಗಳನ್ನು ಏಕಕಾಲಕ್ಕೆ ಹೊಡೆದುರುಳಿಸುವ ಸಾಮರ್ಥ್ಯ.
ಆಕಾಶ್ ಕ್ಷಿಪಣಿ ವ್ಯವಸ್ಥೆ: ಭೂಮಿಯಿಂದ ಆಕಾಶಕ್ಕೆ ಚಿಮ್ಮುವ ಕ್ಷಿಪಣಿ.
ಇತರ ಸಾಮಗ್ರಿಗಳು: ಡೋರ್ನಿಯರ್-228 ವಿಮಾನಗಳು, ಫಿರಂಗಿ ಬಂದೂಕುಗಳು (ATAGS), ರಾಡಾರ್ಗಳು, ಬುಲೆಟ್ ಪ್ರೂಫ್ ಜಾಕೆಟ್ಗಳು ಮತ್ತು ಹೆಲ್ಮೆಟ್ಗಳು ಸೇರಿದಂತೆ ನೂರಾರು ಬಿಡಿಭಾಗಗಳು ರಫ್ತಾಗುತ್ತಿವೆ.
ಈ ಯಶಸ್ಸಿನಲ್ಲಿ ಸರ್ಕಾರಿ ಸ್ವಾಮ್ಯದ ರಕ್ಷಣಾ ಘಟಕಗಳು ಮತ್ತು ಖಾಸಗಿ ಕಂಪನಿಗಳ ಪಾತ್ರ ದೊಡ್ಡದಿದೆ. ಒಟ್ಟು ರಫ್ತಿನಲ್ಲಿ ಸರ್ಕಾರಿ ಕಂಪನಿಗಳು ಶೇ. 54.84 ರಷ್ಟು ಕೊಡುಗೆ ನೀಡಿದ್ದರೆ, ಖಾಸಗಿ ಕಂಪನಿಗಳು ಶೇ. 45.16 ರಷ್ಟು ಪಾಲು ಹೊಂದಿವೆ.
ಕೇವಲ ಹತ್ತು ವರ್ಷಗಳ ಹಿಂದೆ (2014ರಲ್ಲಿ) ಕೇವಲ ₹1,000 ಕೋಟಿ ಆಸುಪಾಸಿನಲ್ಲಿದ್ದ ರಕ್ಷಣಾ ರಫ್ತು, ಇಂದು ₹38,000 ಕೋಟಿ ದಾಟಿರುವುದು ಭಾರತದ ಕೈಗಾರಿಕಾ ಶಕ್ತಿಗೆ ಹಿಡಿದ ಕನ್ನಡಿಯಾಗಿದೆ. 2029ರ ವೇಳೆಗೆ ರಕ್ಷಣಾ ರಫ್ತನ್ನು ₹50,000 ಕೋಟಿಗೆ ಕೊಂಡೊಯ್ಯುವ ಗುರಿಯನ್ನು ಕೇಂದ್ರ ಸರ್ಕಾರ ಹೊಂದಿದೆ.