ಆರಂಭಿಕ ಮಾಹಿತಿಯಂತೆ ಈ ನೌಕೆಯು ಗುಜರಾತ್‌ನ ವಾಡಿನಾರ್ ಬಂದರನ್ನು ತಲುಪಬೇಕಿತ್ತು.

ಆದರೆ, ಇತ್ತೀಚಿನ ಹಡಗು ಟ್ರ್ಯಾಕಿಂಗ್ ಅಂಕಿಅಂಶಗಳ ಪ್ರಕಾರ, ಈ ಹಡಗು ಭಾರತದ ಗಡಿ ಪ್ರವೇಶಿಸುವ ಬದಲಿಗೆ ಚೀನಾದತ್ತ ಮುಖ ಮಾಡಿದೆ.ಅಂತರರಾಷ್ಟ್ರೀಯ ಹಡಗು ಸಂಚಾರ ನಿಯಮಗಳ ಪ್ರಕಾರ ಕೆಲವು ತಾಂತ್ರಿಕ ದಾಖಲೆಗಳ ಪಾಲನೆ ಕಡ್ಡಾಯವಾಗಿರುತ್ತದೆ. ಈ ಹಡಗಿನ ಮಾರ್ಗ ಬದಲಾವಣೆಗೆ ಪ್ರಮುಖವಾಗಿ ವಿಮೆ, ತೈಲದ ಬೆಲೆ ನಿಗದಿ ಹಾಗೂ ಕಾರ್ಯಾಚರಣೆಗೆ ಸಂಬಂಧಿಸಿದ ಅಧಿಕೃತ ದಾಖಲೆಗಳಲ್ಲಿ ಕಂಡುಬಂದ ಲೋಪದೋಷಗಳೇ ಕಾರಣ ಎಂದು ಹೇಳಲಾಗುತ್ತಿದೆ.

ಈ ಟ್ಯಾಂಕರ್ ಅಂತರರಾಷ್ಟ್ರೀಯ ಬಂದರುಗಳಲ್ಲಿ ಸಲ್ಲಿಸಬೇಕಾದ ಅಗತ್ಯ ದಾಖಲೆಗಳನ್ನು ಪೂರ್ಣಗೊಳಿಸುವಲ್ಲಿ ವಿಫಲವಾಗಿದೆ. ಬೆಲೆ ಮತ್ತು ವಿಮೆಗೆ ಸಂಬಂಧಿಸಿದ ಕಾಗದಪತ್ರಗಳಲ್ಲಿನ ಅಸ್ಪಷ್ಟತೆಯಿಂದಾಗಿ ತಾಂತ್ರಿಕ ಸಮಸ್ಯೆಗಳು ಎದುರಾಗಿದ್ದು, ಇದೇ ಕಾರಣಕ್ಕಾಗಿ ಅಂತಿಮ ಕ್ಷಣದಲ್ಲಿ ಹಡಗು ಭಾರತದ ಬದಲಿಗೆ ಚೀನಾದತ್ತ ಪ್ರಯಾಣ ಬೆಳೆಸಿದೆ ಎಂದು ಮೂಲಗಳು ತಿಳಿಸಿವೆ.