ಎರಡರಲ್ಲೂ ದೇಹಕ್ಕೆ ಅಗತ್ಯವಾದ ಪೋಷಕಾಂಶಗಳಿದ್ದರೂ, ಆರೋಗ್ಯದ (Health) ದೃಷ್ಟಿಯಿಂದ ಇವೆರಡರ ನಡುವೆ ಕೆಲವು ಪ್ರಮುಖ ವ್ಯತ್ಯಾಸಗಳಿವೆ.

ಹಸಿ ಮೀನು!

ತಾಜಾ ಮೀನುಗಳಲ್ಲಿ ನೈಸರ್ಗಿಕ ತೇವಾಂಶದ ಜೊತೆಗೆ ಒಮೆಗಾ-3 ಕೊಬ್ಬಿನಾಮ್ಲಗಳು, ವಿಟಮಿನ್‌ ಡಿ ಹಾಗೂ ಉತ್ತಮ ಗುಣಮಟ್ಟದ ಪ್ರೋಟೀನ್ ದೊರೆಯುತ್ತದೆ. ಇವು ಹೃದಯ ಮತ್ತು ಮೆದುಳಿನ ಆರೋಗ್ಯಕ್ಕೆ ಪೂರಕವಾಗಿದ್ದು, ಕಣ್ಣಿನ ಆರೋಗ್ಯ ಕಾಪಾಡಿಕೊಳ್ಳಲು ಸಹ ಸಹಾಯ ಮಾಡಬಹುದು.

ಹಸಿ ಮೀನು ಒಮೆಗಾ-3 ಕೊಬ್ಬಿನಾಮ್ಲಗಳು (Omega-3 fatty acids), ವಿಟಮಿನ್ D, ಬಿ-ಕಾಂಪ್ಲೆಕ್ಸ್ ಮತ್ತು ಪ್ರೋಟೀನ್ ಸಮೃದ್ಧವಾಗಿರುತ್ತದೆ. ನೈಸರ್ಗಿಕ ನೀರಿನ ಅಂಶ ಇರುವುದರಿಂದ ಜೀರ್ಣಿಸಿಕೊಳ್ಳಲು ಸುಲಭ ಮತ್ತು ಹೃದಯದ ಆರೋಗ್ಯಕ್ಕೆ ಅತ್ಯುತ್ತಮ.

ತಾಜಾ ಮೀನುಗಳಲ್ಲಿ ಸಾಮಾನ್ಯವಾಗಿ ಉಪ್ಪಿನ ಪ್ರಮಾಣ ಕಡಿಮೆ ಇರುವುದರಿಂದ, ಉಪ್ಪಿನ ಸೇವನೆಯನ್ನು ನಿಯಂತ್ರಿಸಬೇಕಾದವರಿಗೆ ಇದು ಸೂಕ್ತ ಆಯ್ಕೆಯಾಗಬಹುದು.

ಮೀನಿನ ಮಾಂಸ ಮೃದುವಾಗಿರುವುದರಿಂದ ಸಾಮಾನ್ಯವಾಗಿ ಸುಲಭವಾಗಿ ಜೀರ್ಣವಾಗುತ್ತದೆ. ಹೀಗಾಗಿ ಸಮತೋಲಿತ ಆಹಾರದ ಭಾಗವಾಗಿ ತಾಜಾ ಮೀನುಗಳನ್ನು ಸೇವಿಸುವುದು ಹಲವು ಪೋಷಕಾಂಶಗಳನ್ನು ಪಡೆಯಲು ಸಹಕಾರಿ.

ಒಣ ಮೀನಿನಲ್ಲಿ ಪೋಷಕಾಂಶಗಳ ಸಾಂದ್ರತೆ ಹೆಚ್ಚು

ಮೀನನ್ನು ಒಣಗಿಸುವಾಗ ಅದರಲ್ಲಿರುವ ನೀರಿನ ಪ್ರಮಾಣ ಕಡಿಮೆಯಾಗುತ್ತದೆ. ಇದರಿಂದ ತೂಕಕ್ಕೆ ಹೋಲಿಸಿದರೆ ಪ್ರೋಟೀನ್, ಕ್ಯಾಲ್ಸಿಯಂ ಹಾಗೂ ಕಬ್ಬಿಣದಂತಹ ಪೋಷಕಾಂಶಗಳ ಸಾಂದ್ರತೆ ಹೆಚ್ಚಾಗುತ್ತದೆ. ಒಣ ಮೀನುಗಳನ್ನು ಸೇವಿಸುವುದರಿಂದ ಕ್ಯಾಲ್ಸಿಯಂ ದೊರೆಯಬಹುದು.

ಒಣ ಮೀನಿನ ಪ್ರಮುಖ ಅಂಶವೆಂದರೆ ಅದರಲ್ಲಿರುವ ಉಪ್ಪಿನ ಪ್ರಮಾಣ. ಹೆಚ್ಚು ಕಾಲ ಸಂರಕ್ಷಿಸಲು ಹಲವು ರೀತಿಯ ಒಣ ಮೀನುಗಳಿಗೆ ಹೆಚ್ಚಿನ ಪ್ರಮಾಣದಲ್ಲಿ ಉಪ್ಪು ಬಳಸಲಾಗುತ್ತದೆ. ಇದರಿಂದ ಒಣ ಮೀನನ್ನು ಹೆಚ್ಚು ಪ್ರಮಾಣದಲ್ಲಿ ಸೇವಿಸಿದರೆ ಒಟ್ಟಾರೆ ಸೋಡಿಯಂ ಸೇವನೆ ಹೆಚ್ಚಾಗುವ ಸಾಧ್ಯತೆಯಿದೆ.

ಅಧಿಕ ರಕ್ತದೊತ್ತಡ ಅಥವಾ ಮೂತ್ರಪಿಂಡದ ಸಮಸ್ಯೆ ಇರುವವರು ಉಪ್ಪಿನ ಸೇವನೆಯ ಬಗ್ಗೆ ಹೆಚ್ಚಿನ ಎಚ್ಚರಿಕೆ ವಹಿಸಬೇಕು. ಇಂತಹವರು ಒಣ ಮೀನನ್ನು ನಿಯಮಿತವಾಗಿ ಅಥವಾ ಹೆಚ್ಚಿನ ಪ್ರಮಾಣದಲ್ಲಿ ಸೇವಿಸುವ ಮೊದಲು ವೈದ್ಯರು ಅಥವಾ ಪೌಷ್ಟಿಕ ತಜ್ಞರ ಸಲಹೆ ಪಡೆಯುವುದು ಉತ್ತಮ.

ಒಣ ಮೀನಿ, ಹಸಿ ಮೀನಿ ಯಾವುದು ಉತ್ತಮ?

ಸಾಮಾನ್ಯವಾಗಿ ದೈನಂದಿನ ಆಹಾರದಲ್ಲಿ ಮೀನು ಸೇರಿಸಿಕೊಳ್ಳಲು ನೋಡುತ್ತಿರುವವರು ತಾಜಾ ಮೀನುಗಳಿಗೆ ಹೆಚ್ಚಿನ ಆದ್ಯತೆ ನೀಡಬಹುದು.

ಒಮೆಗಾ-3, ಪ್ರೋಟೀನ್ ಸೇರಿದಂತೆ ವಿವಿಧ ಪೋಷಕಾಂಶಗಳನ್ನು ಪಡೆಯಲು ಇದು ಉತ್ತಮ ಮಾರ್ಗವಾಗಿದೆ.

ಒಣ ಮೀನು ಕೂಡ ಕೆಲವು ಪೋಷಕಾಂಶಗಳನ್ನು ಒದಗಿಸುತ್ತದೆ. ಆದರೆ ಹೆಚ್ಚಿನ ಉಪ್ಪಿನ ಅಂಶ ಇರುವ ಸಾಧ್ಯತೆಯಿಂದಾಗಿ ಅದನ್ನು ಮಿತವಾಗಿ ಸೇವಿಸುವುದು ಸೂಕ್ತ.

ವಿಶೇಷವಾಗಿ ಹೈಬಿಪಿ, ಕಿಡ್ನಿ ಸಮಸ್ಯೆ ಅಥವಾ ಸೋಡಿಯಂ ಸೇವನೆ ನಿಯಂತ್ರಿಸಬೇಕಾದವರು ಒಣ ಮೀನು ತಿನ್ನುವ ಬಗ್ಗೆ ಹೆಚ್ಚು ಎಚ್ಚರಿಕೆ ವಹಿಸಬೇಕು.

ಮೀನು ತಾಜಾ ಆಗಿದೆಯೇ ಅಥವಾ ಒಣಗಿಸಿದುದೇ ಎಂಬುದರ ಜೊತೆಗೆ ತಯಾರಿಸುವ ವಿಧಾನ, ಬಳಸುವ ಉಪ್ಪಿನ ಪ್ರಮಾಣ ಮತ್ತು ಸೇವಿಸುವ ಪ್ರಮಾಣ ಕೂಡ ಆರೋಗ್ಯದ ಮೇಲೆ ಪರಿಣಾಮ ಬೀರುತ್ತವೆ. ಆದ್ದರಿಂದ ಸಮತೋಲಿತ ಆಹಾರದ ಭಾಗವಾಗಿ ಸೂಕ್ತ ಪ್ರಮಾಣದಲ್ಲಿ ಮೀನು ಸೇವಿಸುವುದು ಮುಖ್ಯ.

ದಿನನಿತ್ಯದ ಬಳಕೆಗೆ ಹಾಗೂ ಸಂಪೂರ್ಣ ಆರೋಗ್ಯದ ದೃಷ್ಟಿಯಿಂದ ಹಸಿ ಮೀನು ಸೇವನೆಯೇ ಅತ್ಯಂತ ಉತ್ತಮ. ಒಣ ಮೀನನ್ನು ಇಷ್ಟಪಡುವವರು ಅದನ್ನು ಹಿತಮಿತವಾಗಿ (ವಿಶೇಷವಾಗಿ ಉಪ್ಪಿನಂಶವನ್ನು ಚೆನ್ನಾಗಿ ತೊಳೆದು) ಸೇವಿಸಬಹುದು.

ಇದನ್ನೂ ಓದಿ: UG NEET: ಮೆಡಿಕಲ್, ಡೆಂಟಲ್ ಪ್ರವೇಶ ಪ್ರಕ್ರಿಯೆ - 3ನೇ ಸುತ್ತಿನ ಆಪ್ಷನ್ ಎಂಟ್ರಿ ದಿನಾಂಕ ವಿಸ್ತರಣೆ