ಜಾರ್ಜಿಯಾ: ಅಮೆರಿಕದ(America) ಜಾರ್ಜಿಯಾದಲ್ಲಿ(Georgia) ನವವಿವಾಹಿತ ದಂಪತಿಯನ್ನು ಹೊತ್ತೊಯ್ಯುತ್ತಿದ್ದ ಹೆಲಿಕಾಪ್ಟರ್ ಭೀಕರ ಅಪಘಾತಕ್ಕೀಡಾಗಿದ್ದು,(Helicopter crash) ಭಾರತೀಯ ಮೂಲದ ವರ ಸೇರಿದಂತೆ ಇಬ್ಬರು ಸಾವನ್ನಪ್ಪಿದ್ದಾರೆ. ಅದೃಷ್ಟವಶಾತ್ ವಧು ತೀವ್ರ ಗಾಯಗಳೊಂದಿಗೆ ಪ್ರಾಣಾಪಾಯದಿಂದ ಪವಾಡಸದೃಶವಾಗಿ ಪಾರಾಗಿದ್ದಾರೆ.
ಹೆಲಿಕಾಪ್ಟರ್ ಅಪಘಾತ ಮತ್ತು ಸಾವುವರನ ದುರ್ಮರಣ: ಕೇರಳ ಮೂಲದ, ಅಟ್ಲಾಂಟಾ ನಿವಾಸಿಯಾಗಿದ್ದ 25 ವರ್ಷದ ಡೇವ್ ಫಿಜಿ ಘಟನೆಯಲ್ಲಿ ಸಾವನ್ನಪ್ಪಿದ ದುರ್ದೈವಿ ವರ. ಇವರು ವೃತ್ತಿಯಲ್ಲೂ ಡೆಲ್ಟಾ ಏರ್‌ಲೈನ್ಸ್‌ನಲ್ಲಿ ಪೈಲಟ್ ಆಗಿ ಕಾರ್ಯನಿರ್ವಹಿಸುತ್ತಿದ್ದರು .ಪೈಲಟ್ ಸಾವು: ಇವರೊಂದಿಗೆ ಹೆಲಿಕಾಪ್ಟರ್ ಮುನ್ನಡೆಸುತ್ತಿದ್ದ ಮತ್ತೊಬ್ಬ ಪೈಲಟ್ ಕೂಡ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಆದರೆ ಅವರ ಹೆಸರನ್ನು ಅಧಿಕಾರಿಗಳು ಇನ್ನೂ ಬಹಿರಂಗಪಡಿಸಿಲ್ಲ.ವಧು ಬದುಕುಳಿದಿದ್ದಾರೆ: ಅಪಘಾತದಲ್ಲಿ ವಧು ಜೆಸ್ಲಿ ಅವರು ಗಂಭೀರವಾಗಿ ಗಾಯಗೊಂಡಿದ್ದು, ಸದ್ಯ ಸಮೀಪದ ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ. ಅಪಘಾತದ ಕಾರಣ: ಹವಾಮಾನ ವೈಪರೀತ್ಯದ ಆತಂಕಗಳಿದ್ದಾಗ್ಯೂ, ಪೈಲಟ್ ಹೆಚ್ಚಿನ ಎತ್ತರದಲ್ಲಿ ಹಾರಲು ನಿರ್ಧರಿಸಿದ ನಂತರ ಐದು ಆಸನಗಳ ರಾಬಿನ್ಸನ್ ಹೆಲಿಕಾಪ್ಟರ್ ಹಾರಾಟ ನಡೆಸಿತ್ತು: ಹವಾಮಾನ ವೈಪರೀತ್ಯದಿಂದಾಗಿ ಹೆಲಿಕಾಪ್ಟರ್ ಡಾಸನ್‌ವಿಲ್ಲೆಯ ನೈಋತ್ಯದಲ್ಲಿರುವ ಒರಟಾದ, ದಟ್ಟವಾದ ಕಾಡು ಮತ್ತು ಪರ್ವತ ಪ್ರದೇಶದಲ್ಲಿ ಪತನಗೊಂಡಿದೆ ಎಂದು ಅಟ್ಲಾಂಟ ನ್ಯೂಸ್ ಫಸ್ಟ್ ವರದಿ ಮಾಡಿದೆ. ಮದುವೆ ಸಂಭ್ರಮದಲ್ಲೇ ಸೂತಕ:
ಭಾನುವಾರ (ಮೇ 31) ಜಾರ್ಜಿಯಾದ ಡಾಸನ್‌ವಿಲ್ಲೆ ಬಳಿಯ "ದಿ ರೆವೆರೆ" ಎಂಬಲ್ಲಿ ನೂರಾರು ಅತಿಥಿಗಳ ಸಮ್ಮುಖದಲ್ಲಿ ಈ ಜೋಡಿಯ ವಿವಾಹ ಮಹೋತ್ಸವ ಅತ್ಯಂತ ವೈಭವದಿಂದ ನಡೆದಿತ್ತು. ಮದುವೆಯ ಸಂಭ್ರಮಾಚರಣೆ ಮುಗಿಸಿ ದಂಪತಿ ಹನಿಮೂನ್‌ಗಾಗಿ ಹೆಲಿಕಾಪ್ಟರ್‌ನಲ್ಲಿ ಹೊರಟ ಕೆಲವೇ ಸಮಯದೊಳಗೆ ಈ ದುರಂತ ಸಂಭವಿಸಿರುವುದು ಕುಟುಂಬಸ್ಥರಲ್ಲಿ ಭಾರಿ ಆಘಾತ ಮೂಡಿಸಿದೆ.