ನವದೆಹಲಿ: ನೀಟ್-ಯುಜಿ 2026 (NEET UG 2026) ಪ್ರಶ್ನೆಪತ್ರಿಕೆ ಸೋರಿಕೆ (Question paper ವಿವಾದ ಮತ್ತು ಜುಲೈನಲ್ಲಿ ನಡೆದ ಪ್ರತಿಭಟನೆಗಳ ಬೆನ್ನಲ್ಲೇ ಕೇಂದ್ರ ಸರ್ಕಾರ ಪರೀಕ್ಷಾ ವ್ಯವಸ್ಥೆಯ ಸಮಗ್ರ ಸುಧಾರಣೆಗೆ ಮುಂದಾಗಿದೆ. ಈ ಹಿನ್ನೆಲೆಯಲ್ಲಿ ಇನ್ಫೋಸಿಸ್ ಸಹ-ಸಂಸ್ಥಾಪಕ ನಂದನ್ ನಿಲೇಕಣಿ (Nandan Nilekani) ಅಧ್ಯಕ್ಷತೆಯ ಉನ್ನತಾಧಿಕಾರ ಕಾರ್ಯಪಡೆಯನ್ನು ರಚಿಸಲಾಗಿದೆ.
ಈ ಬೆಳವಣಿಗೆ ಕೇಂದ್ರ ಶಿಕ್ಷಣ ಸಚಿವರ ರಾಜೀನಾಮೆ ಮತ್ತು ಎನ್ಟಿಎಯಲ್ಲಿ ಬದಲಾವಣೆಗೆ ಕಾರಣವಾಗಿತ್ತು. ಈ ಕಾರ್ಯಪಡೆಗೆ ಪರೀಕ್ಷೆಗಳ ವಿನ್ಯಾಸ, ನಡೆಸುವಿಕೆ ಮತ್ತು ಭದ್ರತೆಯನ್ನು ಪರಿಶೀಲಿಸಿ ದೃಢ, ಪಾರದರ್ಶಕ, ನ್ಯಾಯಯುತ ಮತ್ತು ಭವಿಷ್ಯಕ್ಕೆ ಸಿದ್ಧವಾದ ವ್ಯವಸ್ಥೆ ರೂಪಿಸಲು ಸೂಚಿಸಲಾಗಿದೆ. ಎನ್ಟಿಎ ಪರೀಕ್ಷೆಗಳು ಸೇರಿದಂತೆ ಇಡೀ ಸಾರ್ವಜನಿಕ ಪರೀಕ್ಷಾ ವ್ಯವಸ್ಥೆಯೇ ಇದರ ವ್ಯಾಪ್ತಿ. ವಿದ್ಯಾರ್ಥಿಗಳು, ಪೋಷಕರು, ಶಿಕ್ಷಕರು, ತಂತ್ರಜ್ಞರು, ತಜ್ಞರು ತಮ್ಮ ಅಭಿಪ್ರಾಯ ನೀಡಬಹುದು. ಪ್ರಶ್ನೆಪತ್ರಿಕೆ ವಿನ್ಯಾಸ, ಅಕ್ರಮ ತಡೆ, ದೂರು ಪರಿಹಾರ, ಕಂಪ್ಯೂಟರ್ ಆಧಾರಿತ ಪರೀಕ್ಷೆಯ ಸುರಕ್ಷತೆ, ಮೂಲಸೌಕರ್ಯ ಮತ್ತು ವಿದ್ಯಾರ್ಥಿ ಕ್ಷೇಮದ ಬಗ್ಗೆ ಸಲಹೆಗಳನ್ನು ನಿರೀಕ್ಷಿಸಲಾಗಿದೆ. ಸೆಪ್ಟೆಂಬರ್ 13, 2026 ರವರೆಗೆ examreforms-taskforce.dopt.gov.in ಪೋರ್ಟಲ್, 1800-180-4747 ಕರೆ, ವಾಟ್ಸಾಪ್ 78270 42830 ಮತ್ತು ಇಮೇಲ್ ಮೂಲಕ ಇಂಗ್ಲಿಷ್, ಹಿಂದಿ, ಪ್ರಾದೇಶಿಕ ಭಾಷೆಗಳಲ್ಲಿ ಸಲಹೆ ಸಲ್ಲಿಸಬಹುದು.