ನವದೆಹಲಿ: ದೇಶದಲ್ಲಿ ಬೃಹತ್ ಮಟ್ಟದ ಹಣಕಾಸು ಸೇರ್ಪಡೆ (Financial Inclusion) ಕ್ರಾಂತಿ ತಂದಿರುವ ಪ್ರಧಾನ ಮಂತ್ರಿ ಜನ್ಧನ್ ಯೋಜನೆಗೆ (PMJDY) 12 ವರ್ಷಗಳು ಪೂರೈಸಿವೆ. ಈ ಯೋಜನೆಯು ಅತ್ಯಂತ ಯಶಸ್ವಿಯಾಗಿದ್ದು, ಕೋಟಿಗಟ್ಟಲೆ ಜನರ ಜೀವನದಲ್ಲಿ ಮಹತ್ತರವಾದ ಪರಿವರ್ತನೆ ತಂದಿದೆ ಎಂದು ಪ್ರಧಾನಿ ನರೇಂದ್ರ ಮೋದಿ(P M Narendra Modi) ಅವರು ಶ್ಲಾಘಿಸಿದ್ದಾರೆ.
59 ಕೋಟಿ ಖಾತೆಗಳು, ₹3.16 ಲಕ್ಷ ಕೋಟಿ ಠೇವಣಿ! 'ಕೆಲವರಿಗೆ ಸೀಮಿತವಾಗಿದ್ದ ಬ್ಯಾಂಕಿಂಗ್ ಸೌಲಭ್ಯ ಈಗ ಎಲ್ಲರಿಗೂ ಲಭ್ಯ' ಜನ್-ಧನ್, ಆಧಾರ್, ಮೊಬೈಲ್ (JAM) ತ್ರಿವಳಿ ಕ್ರಾಂತಿ ಜನ್ಧನ್ ಯೋಜನೆಯ ಪ್ರಮುಖ ಸೌಲಭ್ಯಗಳು ಉಚಿತ ರುಪೇ ಡೆಬಿಟ್ ಕಾರ್ಡ್: ಖಾತೆದಾರರಿಗೆ ಉಚಿತ ರುಪೇ ಡೆಬಿಟ್ ಕಾರ್ಡ್ ಸಿಗಲಿದ್ದು, ಇದರೊಂದಿಗೆ ₹2 ಲಕ್ಷದ ಉಚಿತ ಅಪಘಾತ ವಿಮಾ ರಕ್ಷಣೆ ದೊರೆಯಲಿದೆ. ₹10,000 ಓವರ್ಡ್ರಾಫ್ಟ್ ಸೌಲಭ್ಯ: ಆಪತ್ಕಾಲದಲ್ಲಿ ಖಾತೆದಾರರ ನೆರವಿಗೆ ಬರಲು ₹10,000 ವರೆಗೆ ಓವರ್ಡ್ರಾಫ್ಟ್ (OD) ಸೌಲಭ್ಯ ಕಲ್ಪಿಸಲಾಗಿದೆ. ಜನ ಸುರಕ್ಷಾ ಯೋಜನೆಗಳು: ಅಸಂಘಟಿತ ವಲಯದ ಕಾರ್ಮಿಕರಿಗೆ 'ಪ್ರಧಾನ ಮಂತ್ರಿ ಜೀವನ್ ಜ್ಯೋತಿ ಬಿಮಾ ಯೋಜನೆ' ಮತ್ತು 'ಪ್ರಧಾನ ಮಂತ್ರಿ ಸುರಕ್ಷಾ ಬಿಮಾ ಯೋಜನೆ'ಗಳ ಮೂಲಕ ಜೀವ ಹಾಗೂ ಅಪಘಾತ ವಿಮೆ ಒದಗಿಸಲು ಈ ಖಾತೆಗಳು ನೆರವಾಗಿವೆ.
ಪ್ರಧಾನಮಂತ್ರಿ ಜನ್ಧನ್ ಯೋಜನೆಯಡಿ ಕಳೆದ 12 ವರ್ಷಗಳಲ್ಲಿ ಬರೋಬ್ಬರಿ 59 ಕೋಟಿಗೂ ಅಧಿಕ ಬ್ಯಾಂಕ್ ಖಾತೆಗಳನ್ನು ತೆರೆಯಲಾಗಿದ್ದು, ಈ ಖಾತೆಗಳಲ್ಲಿ ಒಟ್ಟು ₹3.16 ಲಕ್ಷ ಕೋಟಿಗೂ ಹೆಚ್ಚಿನ ಠೇವಣಿ ಸಂಗ್ರಹವಾಗಿದೆ. ಒಟ್ಟು ಖಾತೆಗಳ ಪೈಕಿ ಶೇ. 78 ರಷ್ಟು ಖಾತೆಗಳು ಗ್ರಾಮೀಣ ಹಾಗೂ ಅರೆ-ನಗರ ಪ್ರದೇಶಗಳಲ್ಲಿದ್ದು, ಶೇ. 56 ರಷ್ಟು ಖಾತೆದಾರರು ಮಹಿಳೆಯರಾಗಿದ್ದಾರೆ. 2014ರ ಆಗಸ್ಟ್ 28 ರಂದು ಪ್ರಧಾನಿ ಮೋದಿಯವರಿಂದ ಈ ಯೋಜನೆಗೆ ಚಾಲನೆ ಸಿಕ್ಕಿತ್ತು.
ಯೋಜನೆಯ ಯಶಸ್ಸಿನ ಬಗ್ಗೆ ಮಾತನಾಡಿದ ಕೇಂದ್ರ ಹಣಕಾಸು ಸಚಿವೆ ನಿರ್ಮಲಾ ಸೀತಾರಾಮನ್, "ಜನ್ಧನ್ ಯೋಜನೆಯು ಈ ಹಿಂದೆ ಕೆಲವರಿಗೆ ಮಾತ್ರವೇ ಸೀಮಿತವಾಗಿದ್ದ ಬ್ಯಾಂಕಿಂಗ್ ಸೌಲಭ್ಯವನ್ನು ಪ್ರತಿಯೊಬ್ಬರಿಗೂ ಸಿಗುವಂತೆ ಮಾಡಿದೆ. ಪ್ರತಿಯೊಬ್ಬ ನಾಗರಿಕನಿಗೂ ಆರ್ಥಿಕ ಭದ್ರತೆ ಹಾಗೂ ಸಬಲೀಕರಣದ ಬಾಗಿಲು ತೆರೆದಿದೆ" ಎಂದಿದ್ದಾರೆ.
ಈ ಯೋಜನೆಯು ಜನ್-ಧನ್, ಆಧಾರ್ ಮತ್ತು ಮೊಬೈಲ್ (JAM) ತ್ರಿವಳಿ ವ್ಯವಸ್ಥೆ ರಚನೆಗೆ ಪ್ರಮುಖ ಕಾರಣವಾಗಿದೆ. ಈ ಮೂಲಸೌಕರ್ಯವು ಮಧ್ಯವರ್ತಿಗಳ ಹಸ್ತಕ್ಷೇಪ ಹಾಗೂ ಸೋರಿಕೆಯನ್ನು ತಡೆಗಟ್ಟಿದೆ. ಸರ್ಕಾರದ ನೇರ ನಗದು ವರ್ಗಾವಣೆ (DBT) ಮೂಲಕ ಸಬ್ಸಿಡಿ ಮತ್ತು ಯೋಜನೆಗಳ ಹಣವು ಯಾವುದೇ ವಿಳಂಬವಿಲ್ಲದೆ ಬಡವರ ಖಾತೆಗೆ ನೇರವಾಗಿ ತಲುಪುತ್ತಿದೆ.
ಶೂನ್ಯ ಬ್ಯಾಲೆನ್ಸ್ ಖಾತೆ: ಬ್ಯಾಂಕ್ ಖಾತೆ ಇಲ್ಲದ ಪ್ರತಿಯೊಬ್ಬ ವಯಸ್ಕನಿಗೂ ಶೂನ್ಯ ಬ್ಯಾಲೆನ್ಸ್ (Zero Balance) ಹಾಗೂ ಯಾವುದೇ ನಿರ್ವಹಣಾ ಶುಲ್ಕವಿಲ್ಲದೆ ಖಾತೆ ತೆರೆಯುವ ಸೌಲಭ್ಯ.