ತಾಷ್ಕೆಂಟ್:ಉಜ್ಬೇಕಿಸ್ತಾನ್(Uzbekistan) ಗೆ ಪ್ರವಾಸ ಕೈಗೊಂಡಿರುವ ಭಾರತದ ಪ್ರಧಾನಿ ನರೇಂದ್ರ ಮೋದಿ(P M Narendra Modi) ಅವರು ಉಜ್ಬೇಕಿಸ್ತಾನ್ನ ರಾಜಧಾನಿ ತಾಷ್ಕೆಂಟ್ನಲ್ಲಿ ಆಯೋಜಿಸಲಾಗಿದ್ದ ವಿಶೇಷ ಯೋಗ ಕಾರ್ಯಕ್ರಮದಲ್ಲಿ(Yoga program) ಭಾಗವಹಿಸಿದರು.
ತಾಷ್ಕೆಂಟ್ನಲ್ಲಿ ನೆಲೆಸಿರುವ ಭಾರತೀಯ ಸಮುದಾಯ, ಸ್ಥಳೀಯ ಯೋಗ ಉತ್ಸಾಹಿಗಳು ಹಾಗೂ ಯೋಗ ಫೆಡರೇಷನ್ ಆಫ್ ಉಜ್ಬೇಕಿಸ್ತಾನ್ ಜೊತೆಗೂಡಿ ಪ್ರಧಾನಿಯವರು ಸರಳ ಯೋಗಾಸನಗಳನ್ನು ನಡೆಸಿಕೊಟ್ಟರು. ಯೋಗದ ಸಾಂಸ್ಕೃತಿಕ ಸೇತುವೆ
ಪ್ರಧಾನಿ ಮೋದಿ ಅವರು ಈ ಸಂದರ್ಭದಲ್ಲಿ ಮಾತನಾಡಿ, ಯೋಗವು ವಿಶ್ವವನ್ನು ಒಂದಾಗಿ ಜೋಡಿಸುವ ಶಕ್ತಿಯಾಗಿದ್ದು, ಭಾರತ ಮತ್ತು ಉಜ್ಬೇಕಿಸ್ತಾನ್ ನಡುವಿನ ಸಾಂಸ್ಕೃತಿಕ ಹಾಗೂ ಸೌಹಾರ್ದಯುತ ಸಂಬಂಧವನ್ನು ಇನ್ನಷ್ಟು ಗಟ್ಟಿಗೊಳಿಸಿದೆ ಎಂದು ಪ್ರಶಂಸಿಸಿದರು. ಉಜ್ಬೇಕಿಸ್ತಾನ್ನ ಯುವಜನರಲ್ಲಿ ಯೋಗಕ್ಕೆ ಹೆಚ್ಚುತ್ತಿರುವ ಜನಪ್ರಿಯತೆಯನ್ನು ಅವರು ಮುಕ್ತಕಂಠದಿಂದ ಶ್ಲಾಘಿಸಿದರು.
ಕಾರ್ಯಕ್ರಮದ ಬಳಿಕ ಉಜ್ಬೇಕಿಸ್ತಾನ್ ಅಧ್ಯಕ್ಷ ಶಾವ್ಕತ್ ಮಿರ್ಜಿಯೋಯೆವ್ ಅವರೊಂದಿಗೆ ಬೈಲ್ಯಾಟ್ರಲ್ (ದ್ವಿಪಕ್ಷೀಯ) ಸಭೆಯಲ್ಲಿ ಭಾಗವಹಿಸಿದ ಪ್ರಧಾನಿ ಮೋದಿ, ವ್ಯಾಪಾರ, ರಕ್ಷಣೆ ಮತ್ತು ಇಂಧನ ವಲಯದ ವಿವಿಧ ವಿಷಯಗಳ ಕುರಿತು ಚರ್ಚೆ ನಡೆಸಿದರು.