ಇದನ್ನು ಗಂಟಾಗದಂತೆ ಅತ್ಯಂತ ಸುಲಭವಾಗಿ ಕೇವಲ 15 ನಿಮಿಷಗಳಲ್ಲಿ ಮನೆಯಲ್ಲೇ ತಯಾರಿಸುವುದು (Recipe) ಹೇಗೆಂದು ನಾವಿಂದು ಹೇಳಿಕೊಡುತ್ತೇವೆ.

ಬೇಕಾಗುವ ಪದಾರ್ಥಗಳು:
* ರಾಗಿ ಹಿಟ್ಟು - 4 ದೊಡ್ಡ ಚಮಚ
* ನೀರು - 2.5 ಕಪ್
* ಬೆಲ್ಲದ ಪುಡಿ - 6 ದೊಡ್ಡ ಚಮಚ
* ಏಲಕ್ಕಿ ಪುಡಿ - 1/4 ಚಮಚ

ಮಾಡುವ ವಿಧಾನ:
* ಮೊದಲಿಗೆ ಒಂದು ಸಣ್ಣ ಪಾತ್ರೆಯಲ್ಲಿ 1/2 ಕಪ್ ನೀರು ಮತ್ತು 4 ಚಮಚ ರಾಗಿ ಹಿಟ್ಟನ್ನು ಹಾಕಿ ಗಂಟಿಲ್ಲದಂತೆ ಚೆನ್ನಾಗಿ ಕಲಸಿ ಇಟ್ಟುಕೊಳ್ಳಿ.
* ಇನ್ನೊಂದು ಪಾತ್ರೆಯಲ್ಲಿ 2 ಕಪ್ ನೀರು ಹಾಕಿ ಒಲೆಯ ಮೇಲಿಟ್ಟು ಕುದಿಯಲು ಬಿಡಿ.
* ನೀರು ಕುದಿಯಲು ಪ್ರಾರಂಭಿಸಿದಾಗ, ಉರಿಯನ್ನು ಸಣ್ಣದು ಮಾಡಿ, ಕಲಸಿಟ್ಟ ರಾಗಿ ಮಿಶ್ರಣವನ್ನು ಮೆಲ್ಲನೆ ಸೇರಿಸುತ್ತಾ ಕೈಯಾಡಿಸಿ.
* ರಾಗಿ ಹಿಟ್ಟು ಗಂಟಾಗದಂತೆ ನಿರಂತರವಾಗಿ ಕೈಯಾಡಿಸುತ್ತಾ ಸುಮಾರು 10 ರಿಂದ 12 ನಿಮಿಷಗಳ ಕಾಲ ಮಧ್ಯಮ ಉರಿಯಲ್ಲಿ ಚೆನ್ನಾಗಿ ಬೇಯಿಸಿಕೊಳ್ಳಿ.
* ರಾಗಿ ಹಿಟ್ಟು ದಪ್ಪಗಾದ ನಂತರ ಬೆಲ್ಲದ ಪುಡಿ ಹಾಗೂ ಏಲಕ್ಕಿ ಪುಡಿಯನ್ನು ಸೇರಿಸಿ, ಬೆಲ್ಲ ಕರಗುವವರೆಗೆ ಚೆನ್ನಾಗಿ ಬೆರೆಸಿ ಒಲೆಯಿಂದ ಇಳಿಸಿ.
* ಇದೀಗ ಆರೋಗ್ಯಕರ ರಾಗಿ ಮಾಲ್ಟ್‌ ಸವಿಯಲು ಸಿದ್ಧ.