ನಾವಿಂದು ಹೇಳಿಕೊಡುತ್ತಿರುವ 'ಪಾಲಕ್ ಓಟ್ಸ್ ಕಟ್ಲೆಟ್' (Spinach Oats Cutlet) ರುಚಿಯ ಜೊತೆಗೆ ದೇಹಕ್ಕೂ ಪೋಷಕಾಂಶ ನೀಡುತ್ತದೆ. ಸಂಜೆಯ ಟೀ ಟೈಮ್‌ಗೂ ಇದು ಅತ್ಯುತ್ತಮ ಆಹಾರ. ಈ ಕಟ್ಲೆಟ್ ಮಾಡಲು ಕೇವಲ 30 ನಿಮಿಷಗಳ ಸಮಯ ಸಾಕು. ಇದನ್ನು ತಯಾರಿಸುವುದು ಹೇಗೆಂದು ತಿಳಿಯೋಣ.

ಬೇಕಾಗುವ ಸಾಮಗ್ರಿಗಳು:
* ಪಾಲಕ್ ಸೊಪ್ಪು - 2 ಕಪ್
* ಓಟ್ಸ್ - 1 ಕಪ್
* ಬೇಯಿಸಿದ ಆಲೂಗಡ್ಡೆ - 2
* ಶುಂಠಿ-ಬೆಳ್ಳುಳ್ಳಿ ಪೇಸ್ಟ್ - 1 ಟೀಸ್ಪೂನ್
* ಚಾಟ್ ಮಸಾಲ - 1 ಟೀಸ್ಪೂನ್
* ಖಾರದ ಪುಡಿ - 1/2 ಟೀಸ್ಪೂನ್
* ಗರಂ ಮಸಾಲ - 1/2 ಟೀಸ್ಪೂನ್
* ಉಪ್ಪು - ರುಚಿಗೆ ತಕ್ಕಷ್ಟು
* ಎಣ್ಣೆ - ಕಟ್ಲೆಟ್ ಕರಿಯಲು/ಶ್ಯಾಲೋ ಫ್ರೈ ಮಾಡಲು

ಮಾಡುವ ವಿಧಾನ:
* ಮೊದಲಿಗೆ ಪಾಲಕ್ ಸೊಪ್ಪನ್ನು ಬಿಸಿ ನೀರಿನಲ್ಲಿ ಸ್ವಲ್ಪ ಸಮಯ ಹಾಕಿ (ಬ್ಲಾಂಚ್ ಮಾಡಿ), ನಂತರ ನೀರನ್ನು ಸಂಪೂರ್ಣವಾಗಿ ಹಿಂಡಿ ತೆಗೆಯಿರಿ.
* ಒಂದು ಅಗಲವಾದ ಪಾತ್ರೆಯಲ್ಲಿ ಓಟ್ಸ್, ಬ್ಲಾಂಚ್ ಮಾಡಿದ ಪಾಲಕ್, ಬೇಯಿಸಿದ ಆಲೂಗಡ್ಡೆ ಹಾಗೂ ಎಲ್ಲಾ ಮಸಾಲೆ ಪದಾರ್ಥಗಳನ್ನು (ಶುಂಠಿ-ಬೆಳ್ಳುಳ್ಳಿ ಪೇಸ್ಟ್, ಚಾಟ್ ಮಸಾಲ, ಖಾರದ ಪುಡಿ, ಗರಂ ಮಸಾಲ, ಉಪ್ಪು) ಹಾಕಿ ಚೆನ್ನಾಗಿ ಕಲಸಿಕೊಳ್ಳಿ.
* ತಯಾರಿಸಿದ ಮಿಶ್ರಣವನ್ನು ಸಣ್ಣ ಸಣ್ಣ ಉಂಡೆಗಳನ್ನಾಗಿ ಮಾಡಿ, ವೃತ್ತಾಕಾರದ ಕಟ್ಲೆಟ್ ಆಕಾರಕ್ಕೆ ತಟ್ಟಿ.
* ತವಾ ಅಥವಾ ಬಾಣಲೆಯಲ್ಲಿ ಸ್ವಲ್ಪ ಎಣ್ಣೆ ಹಾಕಿ, ಕಟ್ಲೆಟ್‌ಗಳನ್ನು ಎರಡೂ ಕಡೆ ಹೊಂಬಣ್ಣ (ಗೋಲ್ಡನ್ ಬ್ರೌನ್) ಬರುವವರೆಗೆ ಶ್ಯಾಲೋ ಫ್ರೈ ಮಾಡಿ.
* ಈಗ ಬಿಸಿಬಿಸಿಯಾದ ಕ್ರಿಸ್ಪಿ ಪಾಲಕ್ ಓಟ್ಸ್ ಕಟ್ಲೆಟ್ ಸಿದ್ಧ. ಇದನ್ನು ಪುದೀನಾ ಚಟ್ನಿ ಅಥವಾ ಟೊಮೆಟೊ ಕೆಚಪ್ ಜೊತೆ ಸವಿಯಲು ನೀಡಿ.