ಬೆಂಗಳೂರು: ನೆಲಮಂಗಲ ತಾಲ್ಲೂಕಿನ ಹೆಸರುಘಟ್ಟ ಸಮೀಪದ ತೋಟಗೆರೆ ಗ್ರಾಮದಲ್ಲಿ ತಡರಾತ್ರಿ ಇಡೀ ಕುಟುಂಬವನ್ನೇ ಬೆಚ್ಚಿಬೀಳಿಸುವಂತಹ ಘಟನೆಯೊಂದು (Shocking) ನಡೆದಿದೆ. ಮನೆಯ ಕೋಣೆಯಲ್ಲಿ ಇಬ್ಬರು ಮಕ್ಕಳು ನಿಶ್ಚಿಂತೆಯಾಗಿ ಮಲಗಿದ್ದಾಗ, ಸುಮಾರು 5 ಅಡಿ ಉದ್ದದ ಬೃಹತ್ ನಾಗರಹಾವೊಂದು (Cobra) ಒಳನುಗ್ಗಿದೆ.
ಅಷ್ಟೇ ಅಲ್ಲದೆ, ನೇರವಾಗಿ ಹಾಸಿಗೆಯ ಮೇಲೇರಿ ಮಲಗಿದ್ದ ಇಬ್ಬರು ಮಕ್ಕಳ ಮಧ್ಯೆ ಸೇರಿಕೊಂಡ ಈ ಹಾವು, ಒಂದು ಮಗುವಿನ ಹೊಟ್ಟೆಯ ಮೇಲೆಯೇ ಆಸನ ಹೂಡಿದೆ. ರಾತ್ರಿ ಸುಮಾರು 10:50ರ ವೇಳೆಗೆ ನಡೆದ ಈ ಘಟನೆ ಸದ್ಯ ಇಡೀ ಭಾಗದಲ್ಲಿ ಭಾರಿ ಚರ್ಚೆಗೆ ಕಾರಣವಾಗಿದೆ. ಅಪಾಯದಿಂದ ಮಕ್ಕಳು ಪಾರು
ಸಾಮಾನ್ಯವಾಗಿ ಹಾವಿನ ಮೇಲೆ ಮನುಷ್ಯರ ಸ್ಪರ್ಶವಾದರೆ ಅಥವಾ ಸಣ್ಣ ಚಲನೆಯಾದರೂ ಅದು ಕಚ್ಚಲು ಮುಂದಾಗುತ್ತದೆ. ಆದರೆ, ಇಲ್ಲಿ ಅದೃಷ್ಟ ಚೆನ್ನಾಗಿತ್ತು ಎಂಬಂತೆ ಹಾವು ಹೊಟ್ಟೆಯ ಮೇಲೆ ಮಲಗಿದ್ದಾಗಲೂ ಮಗು ಯಾವುದೇ ಕಂಗಾಲಾಗದೆ ಅಥವಾ ಒದ್ದಾಡದೆ ಹಾಗೇ ಗಾಢ ನಿದ್ರೆಯಲ್ಲೇ ಮುಂದುವರಿದಿದೆ. ಮಗು ಕದಲದೇ ಇದ್ದಿದ್ದರಿಂದ ನಾಗರಹಾವು ಕೂಡ ಯಾವುದೇ ಆಕ್ರಮಣಕಾರಿ ಪ್ರವೃತ್ತಿ ತೋರದೆ ಶಾಂತವಾಗಿ ಮಗುವಿನ ಮೇಲೆಯೇ ಮಲಗಿತ್ತು. ಇದನ್ನು ಗಮನಿಸಿದ ಕುಟುಂಬಸ್ಥರು ತಕ್ಷಣವೇ ಸಮಯಪ್ರಜ್ಞೆ ಮೆರೆದು ಸ್ಥಳೀಯ ಉರಗರಕ್ಷಕರಿಗೆ (Snake Rescuer) ಮಾಹಿತಿ ನೀಡಿದ್ದಾರೆ.
ಸ್ಥಳಕ್ಕೆ ಧಾವಿಸಿದ ಉರಗರಕ್ಷಕರು ಅತ್ಯಂತ ಜಾಗರೂಕತೆಯಿಂದ ಮಗುವಿಗೆ ಯಾವುದೇ ಅಪಾಯವಾಗದಂತೆ ನಾಗರಹಾವನ್ನು ಸುರಕ್ಷಿತವಾಗಿ ಹಿಡಿದು ರಕ್ಷಿಸಿದ್ದಾರೆ. ಹಾವು ಸಂಪೂರ್ಣವಾಗಿ ಹಿಡಿತಕ್ಕೆ ಸಿಕ್ಕ ಬಳಿಕವಷ್ಟೇ ಇಬ್ಬರು ಮಕ್ಕಳು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ ಎಂದು ತಿಳಿದ ಪೋಷಕರು ಮತ್ತು ಕುಟುಂಬಸ್ಥರು ದೀರ್ಘ ನಿಟ್ಟುಸಿರು ಬಿಟ್ಟಿದ್ದಾರೆ. ನಾಗರಹಾವಿನಿಂದ ಮಕ್ಕಳಿಬ್ಬರು ಪವಾಡಸದೃಶವಾಗಿ ಪಾರಾದ ಈ ರೋಮಾಂಚನಕಾರಿ ದೃಶ್ಯ ಇಡೀ ಗ್ರಾಮಸ್ಥರನ್ನು ಆಶ್ಚರ್ಯಚಕಿತರನ್ನಾಗಿಸಿದೆ.
ಹೂಡಿಕೆ ಹೆಸರಲ್ಲಿ ಹಣ ಪಡೆದು ಅ*ತ್ಯಾಚಾರ ಕೇಸ್ ಹಾಕುವುದಾಗಿ ಬೆದರಿಕೆ - ಕಿರಾತಕಿ ಝೀನತ್ ಬಂಧನ
ರಿಯಲ್ ಎಸ್ಟೇಟ್ ವ್ಯವಹಾರದ ಹೆಸರಿನಲ್ಲಿ ಉದ್ಯಮಿಯೊಬ್ಬರಿಗೆ (Business man) ದೊಡ್ಡ ಮೊತ್ತದ ಹಣ ವಂಚಿಸಿ (Money fraud), ಬಳಿಕ ಅವರಿಗೆ ಜೀವ ಬೆದರಿಕೆ ಒಡ್ಡುತ್ತಿದ್ದ ಮಹಿಳೆಯೊಬ್ಬಳನ್ನು ಉಡುಪಿಯ (Udupi) ನಗರ ಪೊಲೀಸರು ಯಶಸ್ವಿಯಾಗಿ ಬಂಧಿಸಿದ್ದಾರೆ. ಬಂಧಿತಳನ್ನು ಝೀನತ್ ಇಬ್ರಾಹಿಂ (Zeenat Ibrahim) ಎಂದು ಗುರುತಿಸಲಾಗಿದ್ದು, ಈಕೆ ಹೂಡಿಕೆಯ ಆಮಿಷವೊಡ್ಡಿ ಹಣ ಲೂಟಿ ಮಾಡಿದ ಗಂಭೀರ ಆರೋಪ ಎದುರಿಸುತ್ತಿದ್ದಾಳೆ.
ಈ ದೂರಿನ ಪ್ರಕಾರ ಮಹಿಳೆ ಮೊದಲು ಸದರಿ ಉದ್ಯಮಿಯೊಂದಿಗೆ ನಿಕಟ ಸಂಪರ್ಕ ಬೆಳೆಸಿಕೊಂಡು ಜಂಟಿಯಾಗಿ ಹೊಸ ಕಚೇರಿಯನ್ನು ಆರಂಭಿಸಿದ್ದಳು. ತದನಂತರ ಭೂಮಿ ಖರೀದಿಸುವ ನೆಪದಲ್ಲಿ ಅವರಿಂದ ಹಂತಹಂತವಾಗಿ ಒಟ್ಟು 70 ಲಕ್ಷ ರೂಪಾಯಿಗಳನ್ನು ಪಡೆದುಕೊಂಡಿದ್ದಳು. ಆದರೆ, ಆ ಹಣವನ್ನು ಉದ್ದೇಶಿತ ಜಮೀನು ವ್ಯವಹಾರಕ್ಕೆ ಬಳಸದೆ ತನ್ನ ಸ್ವಂತದ ಹಾಗೂ ವೈಯಕ್ತಿಕ ಅಗತ್ಯಗಳಿಗಾಗಿ ದುರುಪಯೋಗಪಡಿಸಿಕೊಂಡಿದ್ದಾಳೆ ಎಂದು ತಿಳಿದುಬಂದಿದೆ.