ಬೇಸಿಗೆ ರಜೆ ಹಾಗೂ ಸಾಲು ಸಾಲು ರಜೆಗಳ ಹಿನ್ನೆಲೆಯಲ್ಲಿ ಜೂನ್ ತಿಂಗಳಿನಲ್ಲಿ ತಿರುಮಲ ಬೆಟ್ಟಕ್ಕೆ ದೇಶದ ವಿವಿಧ ಮೂಲೆಗಳಿಂದ ಲಕ್ಷಾಂತರ ಭಕ್ತರು ಹರಿದುಬಂದಿದ್ದರು. ಭಕ್ತರ ಸಂಖ್ಯೆ ಗಣನೀಯವಾಗಿ ಹೆಚ್ಚಾದ ಕಾರಣ, ಅದಕ್ಕೆ ತಕ್ಕಂತೆ ಲಡ್ಡುಗಳ ಉತ್ಪಾದನೆ ಮತ್ತು ವಿತರಣೆಯಲ್ಲೂ ಭಾರಿ ಏರಿಕೆ ಕಂಡುಬಂದಿದೆ ಎಂದು ಟಿಟಿಡಿ ಅಧಿಕಾರಿಗಳು ಮಾಹಿತಿ ನೀಡಿದ್ದಾರೆ.

ದೇವಸ್ಥಾನದ ಇತಿಹಾಸದಲ್ಲೇ ಅತ್ಯಂತ ಗರಿಷ್ಠ ಮಟ್ಟದ ಲಡ್ಡು ವಿತರಣೆ ಇದಾಗಿದ್ದು, ಭಕ್ತರಿಗೆ ಯಾವುದೇ ಕೊರತೆಯಾಗದಂತೆ ನಿರಂತರವಾಗಿ ಕೌಂಟರ್‌ಗಳಲ್ಲಿ ಪ್ರಸಾದ ಲಭ್ಯವಾಗುವಂತೆ ಬಿಗಿ ಕ್ರಮ ಕೈಗೊಳ್ಳಲಾಗಿತ್ತು. ಇದೇ ಅವಧಿಯಲ್ಲಿ ಶ್ರೀವಾರಿ ಇತಿಹಾಸ ಪ್ರಸಿದ್ಧ ಲಡ್ಡು ತಯಾರಿಕಾ ಘಟಕವಾದ 'ಪೋಟು'ನಲ್ಲಿ ಸಿಬ್ಬಂದಿ ಅಹೋರಾತ್ರಿ ಶ್ರಮಿಸಿದ್ದಾರೆ.

ಕೇವಲ ಲಡ್ಡು ಮಾರಾಟ ಮಾತ್ರವಲ್ಲದೆ, ಜೂನ್ ಅವಧಿಯಲ್ಲಿ ಶ್ರೀವಾರಿ ಹುಂಡಿ ಆದಾಯ, ದರ್ಶನ ಪಡೆದ ಭಕ್ತರ ಸಂಖ್ಯೆ ಹಾಗೂ ಕಲ್ಯಾಣಕಟ್ಟೆಯಲ್ಲಿ ತಲೆಮುಡಿ ಕೊಟ್ಟವರ ಸಂಖ್ಯೆಯೂ ಸಹ ಗಣನೀಯ ಪ್ರಮಾಣದಲ್ಲಿ ಏರಿಕೆಯಾಗಿದ್ದು, ತಿರುಮಲದಲ್ಲಿ ಭಕ್ತಿಯ ಸಾಗರವೇ ಹರಿದುಬಂದಿರುವುದು ಸಾಬೀತಾಗಿದೆ.