ಜಸ್ಟ್ ಕ್ಯೂಆರ್ ಕೋಡ್ನ ಸ್ಕ್ಯಾನ್ (Scan) ಮಾಡಿ ಪಿನ್ (PIN) ಟೈಪ್ ಮಾಡಿ ಎಷ್ಟು ಅಮೌಂಟ್ ಬೇಕು ಅದನ್ನು ಟೈಪ್ ಮಾಡಿ ಸುಲಭವಾಗಿ ಹಣವನ್ನು ಕಳುಹಿಸಬಹುದಾಗಿದೆ

ಕೇವಕ ಭಾರತದಲ್ಲಿ (India) ಮಾತ್ರವಲ್ಲದೆ ವಿದೇಶಗಳಲ್ಲಿಯೂ UPI ಸೇವೆ ಪ್ರಾರಂಭಿಸಲಾಗಿದೆ. ಇದು ಸಿಂಗಾಪುರ (Singapore), ಯುಎಇ (United Arab Emirates), ಫ್ರಾನ್ಸ್ ಮತ್ತು ಶ್ರೀಲಂಕಾದಂತಹ ದೇಶಗಳಲ್ಲಿರುವ ಭಾರತೀಯರಿಗೆ UPI ಮೂಲಕ ಪಾವತಿಗಳನ್ನು ಮಾಡಲು ಅನುವು ಮಾಡಿಕೊಡುತ್ತದೆ. UPI (Unified Payments Interface) ಅಂದ್ರೆ ಏಕೀಕೃತ ಪಾವತಿ ಇಂಟರ್ಫೇಸ್. ಇದು NPCI (ಭಾರತೀಯ ರಾಷ್ಟ್ರೀಯ ಪಾವತಿ ನಿಗಮ) ಅಭಿವೃದ್ಧಿಪಡಿಸಿದ ತ್ವರಿತ ಡಿಜಿಟಲ್ ಹಣ ವರ್ಗಾವಣೆ ಅಪ್ಲಿಕೇಶನ್ ಆಗಿದೆ.

ಮೊಬೈಲ್ (Mobile) ಫೋನ್‌ನಲ್ಲಿ, ನೀವು ಒಂದು ಬ್ಯಾಂಕ್ ಖಾತೆಯಿಂದ (Bank Account) ಇನ್ನೊಂದು ಬ್ಯಾಂಕ್ ಖಾತೆಗೆ ತಕ್ಷಣ ಹಣವನ್ನು ಕಳುಹಿಸಬಹುದಾಗಿದೆ. ಈ ವಹಿವಾಟುಗಳನ್ನು UPI ID, ಮೊಬೈಲ್ ಸಂಖ್ಯೆ, QR ಕೋಡ್ ಅಥವಾ ಬ್ಯಾಂಕ್ ವಿವರಗಳನ್ನು ಬಳಸಿಕೊಂಡು ಸುಲಭವಾಗಿ ಮಾಡಬಹುದಾಗಿದೆ.

ಫೋನ್‌ಪೇ (Phone Pe) ಭಾರತದ ಮೊದಲ ಮೊಬೈಲ್ ಆಧಾರಿತ ಯುಪಿಐ ಹಣ ವರ್ಗಾವಣೆ ಅಪ್ಲಿಕೇಶನ್ ಆಗಿದೆ. ಇದನ್ನು ಆಗಸ್ಟ್ 2016 ರಲ್ಲಿ ಯೆಸ್ ಬ್ಯಾಂಕ್‌ನ (Yes Bank) ಪಾಲುದಾರಿಕೆಯಲ್ಲಿ ಪ್ರಾರಂಭಿಸಲಾಯಿತು. ಯುಪಿಐ ಸೇವೆಗಳನ್ನು ನೀಡಿದ ಮೊದಲ ಬ್ಯಾಂಕ್‌ಗಳಲ್ಲಿ ಯೆಸ್ ಬ್ಯಾಂಕ್ ಒಂದಾಗಿದೆ.

ಫೋನ್‌ಪೇ ಮತ್ತು ಭೀಮ್‌ನಂತಹ ಅಪ್ಲಿಕೇಶನ್‌ಗಳು ಭಾರತದಲ್ಲಿ ಡಿಜಿಟಲ್ ಪಾವತಿ ವ್ಯವಸ್ಥೆಯಲ್ಲಿ ಕ್ರಾಂತಿಯನ್ನುಂಟು ಮಾಡಿವೆ. ಸಣ್ಣ ಅಂಗಡಿಗಳಿಂದ ದೊಡ್ಡ ವ್ಯವಹಾರಗಳವರೆಗೆ, QR ಕೋಡ್‌ಗಳೊಂದಿಗೆ ಪಾವತಿಸುವುದು ಸಾಮಾನ್ಯವಾಗಿದೆ. ಈಗ, Google Pay, Paytm, Amazon Pay ನಂತಹ ಅನೇಕ ಅಪ್ಲಿಕೇಶನ್‌ಗಳು ಸಹ UPI ಸೇವೆಗಳನ್ನು ನೀಡುತ್ತವೆ.

ಈ ಡಿಜಿಟಲ್ ಪ್ಲಾಟ್‌ಫಾರ್ಮ್‌ಗಳು ಭಾರತದಾದ್ಯಂತ ಕೋಟ್ಯಂತರ ಜನರಿಗೆ ನಗದು ರಹಿತ ವಹಿವಾಟುಗಳನ್ನು ಹೆಚ್ಚು ಸುಲಭಗೊಳಿಸಿವೆ. ಯುಪಿಐ ಅನ್ನು ಈಗ ಜಾಗತಿಕವಾಗಿ ಭಾರತದ ಪ್ರಮುಖ ಡಿಜಿಟಲ್ ಯಶಸ್ಸಿನ ಕಥೆಯಾಗಿ ನೋಡಲಾಗುತ್ತಿದೆ.

ಸರ್ಕಾರಿ ಬೆಂಬಲದೊಂದಿಗೆ ಬಿಡುಗಡೆಯಾದ ಮೊದಲ UPI ಅಪ್ಲಿಕೇಶನ್ BHIM (ಭಾರತ್ ಇಂಟರ್ಫೇಸ್ ಫಾರ್ ಮನಿ). ಇದನ್ನು NPCI ಅಭಿವೃದ್ಧಿಪಡಿಸಿತು ಮತ್ತು ಡಿಸೆಂಬರ್ 30, 2016 ರಂದು ಪ್ರಧಾನಿ ನರೇಂದ್ರ ಮೋದಿ (PM Narendra Modi) ಅವರು ಬಿಡುಗಡೆ ಮಾಡಿದರು. ನಗದು ರಹಿತ ವಹಿವಾಟುಗಳನ್ನು ಉತ್ತೇಜಿಸುವುದು ಮತ್ತು ಸಾಮಾನ್ಯ ಜನರಿಗೆ ಡಿಜಿಟಲ್ ಹಣದ ವಹಿವಾಟುಗಳನ್ನು ಸುಲಭಗೊಳಿಸುವುದು ಇದರ ಮುಖ್ಯ ಉದ್ದೇಶವಾಗಿದೆ.