ಸದ್ಯ ಈ ವಿಡಿಯೋ ( viral video) ಸಾಮಾಜಿಕ ಜಾಲತಾಣಗಳಲ್ಲಿ ಭಾರಿ ಧೂಳೆಬ್ಬಿಸುತ್ತಿದೆ.

ಬೆಂಗಳೂರಿನ ರಸ್ತೆಯಲ್ಲಿ ಉದ್ಯಮಿಯೊಬ್ಬರು ತಮ್ಮಲ್ಯಾಂಬೋರ್ಗಿನಿ ಕಾರಿನಲ್ಲಿ ಸಾಗುತ್ತಿದ್ದರು. ಈ ವೇಳೆ ಪಕ್ಕದಲ್ಲೇ ಆಟೋ ಚಾಲನೆ ಮಾಡಿಕೊಂಡು ಬಂದ ಚಾಲಕನೊಬ್ಬ, ಕಾರಿನಲ್ಲಿದ್ದ ಉದ್ಯಮಿಯನ್ನು ಗುರುತಿಸಿದ್ದಾನೆ. "ಸರ್, ನಾನು ಸೋಶಿಯಲ್ ಮೀಡಿಯಾದಲ್ಲಿ ನಿಮ್ಮ ವಿಡಿಯೋಗಳನ್ನು ಸದಾ ನೋಡುತ್ತಿರುತ್ತೇನೆ. ನನಗೂ ಒಂದು ದಿನ ಇಂತಹ ಲ್ಯಾಂಬೋರ್ಗಿನಿ ಕಾರನ್ನು ಚಲಾಯಿಸಬೇಕು ಎಂಬ ದೊಡ್ಡ ಕನಸಿದೆ" ಎಂದು ತನ್ನ ಆಸೆಯನ್ನು ಬಿಚ್ಚಿಟ್ಟಿದ್ದಾನೆ.

ಸಾಮಾನ್ಯವಾಗಿ ಇಂತಹ ಮಾತುಗಳನ್ನು ಕೇಳಿದರೆ ಯಾರಾದರೂ ನಕ್ಕು ಸುಮ್ಮನಾಗುತ್ತಾರೆ. ಆದರೆ ಈ ಉದ್ಯಮಿ ಹಾಗೆ ಮಾಡಲಿಲ್ಲ. ತಕ್ಷಣವೇ ರಸ್ತೆ ಬದಿಗೆ ಕಾರು ನಿಲ್ಲಿಸುವಂತೆ ಆಟೋ ಚಾಲಕನಿಗೆ ಸೂಚಿಸಿದರು. ಕಾರಿನಿಂದ ಕೆಳಗಿಳಿದ ಉದ್ಯಮಿ, ಕಿಂಚಿತ್ತೂ ಯೋಚಿಸದೆ ಕೋಟಿ ಮೌಲ್ಯದ ಕಾರಿನ ಕೀಯನ್ನು ಅಪರಿಚಿತ ಆಟೋ ಚಾಲಕನ ಕೈಗಿಟ್ಟು ಸರ್ಪ್ರೈಸ್ ನೀಡಿದ್ದಾರೆ. ಇದಾದ ಬಳಿಕ ರಸ್ತೆಯಲ್ಲಿ ದಾರಿಹೋಕರೆಲ್ಲ ಕಣ್ಣುರಳಿಸಿ ನೋಡುವಂತಹ ದೃಶ್ಯ ಕಂಡುಬಂದಿದೆ. ಇಬ್ಬರೂ ತಮ್ಮ ವಾಹನಗಳನ್ನು ಪರಸ್ಪರ ಬದಲಾಯಿಸಿಕೊಂಡಿದ್ದಾರೆ. ಆಟೋ ಚಾಲಕ ಅತ್ಯಂತ ಎಚ್ಚರಿಕೆಯಿಂದ, ಮುಖದಲ್ಲಿ ಕೋಟಿ ರೂಪಾಯಿ ಗೆದ್ದ ನಗುವಿನೊಂದಿಗೆ ಜಗತ್ತಿನ ಅತ್ಯಾಧುನಿಕ ಸೂಪರ್‌ಕಾರ್ ಅನ್ನು ಡ್ರೈವ್ ಮಾಡಿಕೊಂಡು ಸಾಗಿದ್ದಾನೆ. ಇತ್ತ ಕೋಟ್ಯಧಿಪತಿ ಉದ್ಯಮಿ ಆಟೋ ಸೀಟಿನಲ್ಲಿ ಕುಳಿತು ನಗುತ್ತಾ ಸವಾರಿ ಮಾಡಿದ್ದಾರೆ. ಇಬ್ಬರೂ ಪಕ್ಕಪಕ್ಕದಲ್ಲೇ ತಮ್ಮ ವಾಹನಗಳಲ್ಲಿ ಸಾಗುತ್ತಿರುವ ದೃಶ್ಯ ವಿಡಿಯೋದಲ್ಲಿ ಸೆರೆಯಾಗಿದೆ.