ದೇಶ
ಕೊರೊನಾ ಆರ್ಭಟ ಹೆಚ್ಚಳ: ಕೇಂದ್ರದಿಂದ ಹೊಸ ಮಾರ್ಗಸೂಚಿ

ನವದೆಹಲಿ: ದೇಶದಲ್ಲಿ ಕೊರೊನಾರ್ಭಟ ಹೆಚ್ಚಾಗಿದೆ. ಕೆಲ ರಾಜ್ಯಗಳಲ್ಲಿ ಕೊರೊನಾ ಎರಡನೇ ಅಲೆ ಸಹ ಶುರುವಾಗಿದೆ. ಈ ನಿಟ್ಟಿನಲ್ಲಿ ಮಹಾಮಾರಿ ಕಟ್ಟಿಹಾಕಲು ಕೇಂದ್ರ ಗೃಹ ಇಲಾಖೆ ಹೊಸ ಮಾರ್ಗಸೂಚಿ ಬಿಡುಗಡೆ ಮಾಡಿದೆ. ಹೊಸ ಮಾರ್ಗಸೂಚಿಯಲ್ಲಿ ಪ್ರಯಾಣಿಕರಿಗೆ ಅಂತರಾಷ್ಟ್ರೀಯ ವಿಮಾನ ಪ್ರಯಾಣಕ್ಕೆ ಅವಕಾಶ ಕೊಡಲಾಗಿದೆ.

ಸಿನಿಮಾ ಥಿಯೇಟರ್​ಗಳಿಗೆ ಈಗಿರುವ ಕ್ರಮಗಳನ್ನೇ ಪಾಲಿಸುವಂತೆ ಸೂಚನೆ ನೀಡಲಾಗಿದೆ. ಅಥ್ಲೀಟ್​ಗಳ ತರಬೇತಿಗಷ್ಟೇ ಸ್ವಿಮಿಂಗ್​ ಪೂಲ್​ಗಳನ್ನ ಬಳಸಲು ತಿಳಿಸಿರೋ ಇಲಾಖೆ, ವ್ಯವಹಾರಿಕ ಉದ್ದೇಶಗಳಿಗೆ ಮಾತ್ರ ಪ್ರದರ್ಶನ ಮಳಿಗೆಗಳನ್ನ ಬಳಸಲು ಸಲಹೆ ನೀಡಿದೆ. ಸಭೆ ಹಾಗೂ ಸಮಾರಂಭಗಳು ನಡೆಯುವ ಸ್ಥಳಗಳಲ್ಲಿ ಶೇಕಡಾ 50ಕ್ಕಿಂತ ಹೆಚ್ಚು ಜನ ಸೇರದಂತೆ ಎಚ್ಚರಿಕೆ ನೀಡಿದೆ. ಕಂಟೈನ್​​ಮೆಂಟ್​​ ಝೋನ್​ಗಳಲ್ಲಿ ಹೆಚ್ಚಿನ ನಿಗಾ ವಹಿಸುವಂತೆ ಹೇಳಿದೆ.

ಹಾಗೂ ಕೊರೊನಾ ನಿಯಂತ್ರಿಸುವ ನಿಟ್ಟಿನಲ್ಲಿ ರಾಜ್ಯಗಳು ಹಾಗೂ ಕೇಂದ್ರಾಡಳಿತ ಪ್ರದೇಶಗಳು ಮುಂಜಾಗೃತಾ ಕ್ರಮಗಳನ್ನ ಕಟ್ಟುನಿಟ್ಟಾಗಿ ಅನುಷ್ಟಾನಗೊಳಿಸುವಂತೆ ಸೂಚಿಸಿದೆ.