ಆರ್ ಸಿ ಬಿ ಚಾಂಪಿಯನ್ಸ್ ಆದ ವೇಳೆ ಬೆಂಗಳೂರಿನಲ್ಲಿ ನಡೆದ ಅಹಿತಕರ ಘಟನೆ ಹಿನ್ನಲೆ ಪ್ರಾಧಿಕಾರ ಎಲ್ಲಾ ರೀತಿಯ ಮುನ್ನೆಚ್ಚರಿಕೆ ಕೈಗೊಂಡಿದೆ. ಪೂರ್ವಿ ಎಲೈಟ್ ಟೆಕ್ನಾಲಜಿ ಪ್ರೈ ಲಿ ನ ಸಹಯೋಗದೊಂದಿಗೆ AI facial recognition system ಅಳವಡಿಸಲಾಗಿದೆ. ಈ ವ್ಯವಸ್ಥೆಯಡಿ ಮೆಟ್ಟಿಲು ಮಾರ್ಗದಿಂದ ಹಿಡಿದು ಚಾಮುಂಡಿ ಬೆಟ್ಟದ ದೇವಾಲಯದ ವರೆಗೂ ಪ್ರಮುಖ ಸ್ಥಳಗಳಲ್ಲಿ ಕ್ಯಾಮರಾಗಳನ್ನ ಅಳವಡಿಸಲಾಗಿದೆ.

ಒಟ್ಟು 161 ಕ್ಯಾಮರಾಗಳು ಕಾರ್ಯನಿರ್ವಹಿಸುತ್ತಿದೆ.ಪ್ರತಿಯೊಬ್ಬ ಭಕ್ತ,ಸಿಬ್ಬಂದಿ,ಪೊಲೀಸ್ ಚಲನವಲನಗಳ ಮೇಲೆ ನಿಗಾ ಇಡಲಾಗಿದೆ.ಎಷ್ಟು ಮಂದಿ ಭಕ್ತರು ಆಗಮಿಸಿದ್ದಾರೆ ಹಾಗೂ ನಿರ್ಗಮಿಸಿದ್ದಾರೆ ಎಲ್ಲ ಮಾಹಿತಿ ಕಲೆ ಹಾಕುತ್ತದೆ.ಪ್ರತಿ ಭಕ್ತರ ಫೋಟೋ ಕ್ಲಿಕ್ಕಿಸುತ್ತದೆ.ಎಷ್ಟು ಮಂದಿ ವಿಐಪಿ ಗಳು ಭೇಟಿ ನೀಡಿದ್ದಾರೆ ಹಾಗೂ ಇವರೊಂದಿಗೆ ಬಂದವರ ವಿಡಿಯೋ ಇಲ್ಲಿ ಸಂಗ್ರಹವಾಗುತ್ತದೆ. ಮೆಟ್ಟಿಲು ಮಾರ್ಗ, ಬಸ್ ನಿಲ್ದಾಣ, ಕಾಂಪ್ಲೆಕ್ಸ್,ಸಾಂಸ್ಕೃತಿಕ ವೇದಿಕೆ, ದೇವಾಲಯದ ಒಳ ಆವರಣ ಹಾಗೂ ಹೊರ ಆವರಣದಲ್ಲಿ ಹೈಟೆಕ್ ಕ್ಯಾಮರಾಗಳನ್ನ ಅಳವಡಿಸಲಾಗಿದೆ.

ನಾಡದೇವಿಯ ದರುಶನ ಪಡೆಯವ ಭಕ್ತನ ಪ್ರತಿಯೊಂದು ಚಲನವಲನವೂ ಇದರಲ್ಲಿ ಸೆರೆಯಾಗುತ್ತದೆ.ಒಬ್ಬ ಭಕ್ತ ದರುಶನ ಪಡೆಯಲು ಎಷ್ಟು ಅವಧಿ ತೆಗೆದುಕೊಳ್ಳುತ್ತದೆ ಎಂಬುದೂ ಸಹ ತಿಳಿಯಬಹುದಾಗಿದೆ. ಯಾವುದೇ ಭಕ್ತ ದೇವಿಯ ಫೋಟೋ ಕ್ಲಿಕ್ಕಿಸಿದರೆ ಕೂಡಲೇ ಮಾಹಿತಿ ರವಾನಿಸುತ್ತದೆ.ಹೀಗೆ ಹತ್ತು ಹಲವು ವಿಶೇಷತೆಗಳುಳ್ಳ AI facial recognition system ಭಕ್ತರ ಸುರಕ್ಷತೆಗಾಗಿ ವ್ಯವಸ್ಥಿತವಾಗಿ ಕಾರ್ಯನಿರ್ವಹಿಸುತ್ತಿದೆ.ಕಿಡಿಗೇಡಿಗಳ ದುಷ್ಕೃತ್ಯಕ್ಕೆ ಇಲ್ಲಿ ಅವಕಾಶವೇ ಇಲ್ಲದಂತೆ ಪ್ರಾಧಿಕಾರ ಎಚ್ಚರಿಕೆ ವಹಿಸಿದೆ.