ಪಟ್ಟಣದ ಹೊರವಲಯದ ದಬ್ಬೇಘಟ್ಟ ಗೇಟ್ ಬಳಿ ನೂತನವಾಗಿ ನಿರ್ಮಾಣವಾಗುತ್ತಿರುವ ಡಿಪೊ ಕಾಮಗಾರಿಯನ್ನು ಸೋಮವಾರ ವೀಕ್ಷಿಸಿ, 4.13 ಎಕರೆ ಜಾಗದಲ್ಲಿ ಡಿಪೊ ನಿರ್ಮಾಣವಾಗುತ್ತಿದ್ದು, ಹೆಚ್ಚುವರಿಯಾಗಿ ಅಗತ್ಯವಿರುವ ಒಂದು ಎಕರೆ ಜಮೀನನ್ನು ಈಗಾಗಲೇ ಮಂಜೂರು ಮಾಡಿಸಲಾಗಿದೆ ಎಂದು ಹೇಳಿದರು.

ಸುಸಜ್ಜಿತ ಡಿಪೊದಲ್ಲಿ ಆಡಳಿತ ಕಚೇರಿ, ಬಸ್‌ಗಳ ದುರಸ್ತಿ ಘಟಕ, ವಿಶಾಲವಾದ ನಿಲುಗಡೆ ವ್ಯವಸ್ಥೆ, ಡೀಸೆಲ್ ಬಂಕ್, ಸಾರ್ವಜನಿಕ ಶೌಚಾಲಯ, ಬಸ್ ವಾಷಿಂಗ್ ವ್ಯವಸ್ಥೆ ಹಾಗೂ ಮಹಿಳೆಯರು, ಪುರುಷರಿಗೆ ಪ್ರತ್ಯೇಕ ವಿಶ್ರಾಂತಿ ಕೊಠಡಿಗಳನ್ನು ಒಳಗೊಂಡ ಉತ್ತಮ ಸೌಲಭ್ಯ ಕಲ್ಪಿಸಲಾಗುತ್ತಿದೆ ಎಂದರು.

ಡಿಪೊ ಉದ್ಘಾಟನೆಗೊಂಡ ಬಳಿಕ ಗ್ರಾಮೀಣ ಭಾಗಗಳಿಗೆ ಅಗತ್ಯವಿರುವ ಹೆಚ್ಚಿನ ಬಸ್‌ಗಳ ವ್ಯವಸ್ಥೆ ಕಲ್ಪಿಸಲು ಸಾಧ್ಯವಾಗಲಿದೆ. ಇದರಿಂದ ಶಾಲಾ-ಕಾಲೇಜು ವಿದ್ಯಾರ್ಥಿಗಳಿಗೆ, ಕೆಲಸಗಳಿಗೆ ತೆರಳುವ ಸಾರ್ವಜನಿಕರ ಓಡಾಟಕ್ಕೆ ಬಹಳ ಅನುಕೂಲವಾಗಲಿದೆ ಎಂದು ವಿಶ್ವಾಸ ವ್ಯಕ್ತಪಡಿಸಿದರು.

ಎಇಇ ಚಲುವರಾಜ್, ಜೆಇ ಕರಿಬಸಪ್ಪ, ಗುತ್ತಿಗೆದಾರ ಮಾರುತಿ ಉಪಸ್ಥಿತರಿದ್ದರು.

261104-17-1825276393