'ಇರಾನ್‌ನಲ್ಲಿ ನಾಯಕ ಯಾರೆಂಬುದೇ ಯಾರಿಗೂ ತಿಳಿಯದಂತಾಗಿದೆ. ಹೀಗಾಗಿ ಶರಣಾಗಿದ್ದೇವೆ ಎಂದು ಘೋಷಿಸಲು ಅಲ್ಲಿ ಯಾರೂ ಬದುಕುಳಿದಿಲ್ಲ' ಎಂದು ಅವರು ವ್ಯಂಗ್ಯವಾಡಿದ್ದಾರೆ.

ಟ್ರಂಪ್‌ ಹೇಳಿಕೆಗೆ ಪ್ರತಿಕ್ರಿಯಿಸಿರುವ ಇರಾನ್‌ ನೂತನ ನಾಯಕ ಮೊಜ್ತಬಾ ಖಮೇನಿ, ತಮ್ಮ ಪ್ರಜೆಗಳ ಸಾವಿಗೆ ಸೇಡು ತೀರಿಸಿಕೊಳ್ಳುವುದಾಗಿ ಪ್ರತಿಜ್ಞೆ ಮಾಡಿದ್ದಾರೆ. ಅಲ್ಲದೇ, ಹೊರ್ಮುಜ್ ಜಲಸಂಧಿ ಮೇಲಿನ ಹಿಡಿತವನ್ನು ಮುಂದುವರಿಸುವುದಾಗಿ ಘೋಷಿಸಿದ್ದಾರೆ.

ಇನ್ನು, ಇರಾನ್‌ ಮೇಲೆ ದಾಳಿ ಮುಂದುವರಿಸುವುದಾಗಿ ಅಮೆರಿಕದ ಅಧ್ಯಕ್ಷ ಟ್ರಂಪ್‌ ಶುಕ್ರವಾರ ಘೋಷಿಸಿದ್ದಾರೆ. ಮೊಜ್ತಬಾ ಖಮೇನಿಯನ್ನು ಹುಚ್ಚ ಎಂದು ಕರೆದಿದರುವ ಟ್ರಂಪ್, ಅವರನ್ನು ಹತ್ಯೆ ಮಾಡುವುದು ತಮಗೆ ಸಿಗುವ ಗೌರವವಾಗಿದೆ ಎಂದಿದ್ದಾರೆ.