2000ನೇ ಇಸವಿಯ ಸೆಪ್ಟೆಂಬರ್ 4ರಂದು ರಾಜ್ಯ ಸರ್ಕಾರದೊಂದಿಗೆ ಸಹಿ ಮಾಡಲಾದ ರಿಯಾಯಿತಿ ಒಪ್ಪಂದದ ಪ್ರಕಾರ ಇದು ವಾರ್ಷಿಕ ಪ್ರಕ್ರಿಯೆಯಾಗಿದೆ ಎಂದು ಹೇಳಿದೆ.

ತುಮಕೂರು ರಸ್ತೆಯಿಂದ ಹೊಸೂರು ರಸ್ತೆಯವರೆಗೆ ಚಲಿಸುವ ಬೆಂಗಳೂರಿನ ಅರೆ-ಸುತ್ತು ರಸ್ತೆಯಾದ ಪೆರಿಫೆರಲ್ ರಸ್ತೆಯು 40.8 ಕಿ.ಮೀ. ವ್ಯಾಪಿಸಿದ್ದರೆ, ಲಿಂಕ್ ರಸ್ತೆಯು 8.1 ಕಿ.ಮೀ. ಉದ್ದವಿದೆ.

ದ್ವಿಚಕ್ರ ವಾಹನಗಳು ಮತ್ತು ಕಾರುಗಳು ಕ್ರಮಿಸುವ ದೂರ ಮತ್ತು ರಸ್ತೆಯ ಆಧಾರದ ಮೇಲೆ ಕನಿಷ್ಠ ಶೇಕಡ 10ರಷ್ಟು ಹೆಚ್ಚು ಹಣವನ್ನು ಪಾವತಿಸಬೇಕಾಗುತ್ತದೆ.

ಬನಶಂಕರಿ, ತಾವರೆಕೆರೆ, ಎಲೆಕ್ಟ್ರಾನಿಕ್ಸ್ ಸಿಟಿ ಮತ್ತು ಇತರ ಪ್ರದೇಶಗಳನ್ನು ಸಂಪರ್ಕಿಸುವ ನೈಸ್‌ ರಸ್ತೆ ಮೂಲಕ ಬಸ್ ಸೇವೆಗಳನ್ನು ನಿರ್ವಹಿಸುವ ಬೆಂಗಳೂರು ಮಹಾನಗರ ಸಾರಿಗೆ ಸಂಸ್ಥೆ (ಬಿಎಂಟಿಸಿ), ಈ ಹೆಚ್ಚುವರಿ ವೆಚ್ಚವನ್ನು ಪ್ರಯಾಣಿಕರಿಗೆ ವರ್ಗಾಯಿಸುವ ಸಾಧ್ಯತೆಯಿದೆ.

ಇ-ಸಿಟಿ ಫ್ಲೈಓವರ್: ಅದೇ ರೀತಿ, ಬೆಂಗಳೂರು ಎಲಿವೇಟೆಡ್ ಟೋಲ್‌ವೇ ಪ್ರೈವೇಟ್ ಲಿಮಿಟೆಡ್ (ಬಿಇಟಿಪಿಎಲ್‌) ಕೇಂದ್ರ ರೇಷ್ಮೆ ಮಂಡಳಿ ಜಂಕ್ಷನ್‌ನಿಂದ ಎಲೆಕ್ಟ್ರಾನಿಕ್ಸ್ ಸಿಟಿಯನ್ನು ಸಂಪರ್ಕಿಸುವ 9.98 ಕಿ.ಮೀ. ಎಕ್ಸ್‌ಪ್ರೆಸ್‌ ವೇ ಮತ್ತು ಕೇಂದ್ರ ರೇಷ್ಮೆ ಮಂಡಳಿ ಜಂಕ್ಷನ್‌ನಿಂದ ಕರ್ನಾಟಕ-ತಮಿಳುನಾಡು ಗಡಿಯವರೆಗಿನ 24.36 ಕಿ.ಮೀ. ಉದ್ದದ ರಾಷ್ಟ್ರೀಯ ಹೆದ್ದಾರಿ 44ರ ಟೋಲ್ ದರಗಳನ್ನು ಹೆಚ್ಚಿಸಲಿದೆ. 2026ರ ಮಾರ್ಚ್ 31ರ ಸಗಟು ಬೆಲೆ ಸೂಚ್ಯಂಕ (ಡಬ್ಲ್ಯುಪಿಐ) ಪ್ರಕಾರ ದರಗಳನ್ನು ಪರಿಷ್ಕರಿಸಲಾಗಿದ್ದು, ಮುಂದಿನ ವರ್ಷ ಜೂನ್ 30ರವರೆಗೆ ಜಾರಿಯಲ್ಲಿರುತ್ತವೆ ಎಂದು ತಿಳಿಸಿದೆ.

ಈ ಎತ್ತರಿಸಿದ ಎಕ್ಸ್‌ಪ್ರೆಸ್‌ ವೇ ನಾಲ್ಕು ಪಥಗಳನ್ನು ಹೊಂದಿರುವ ಬೆಂಗಳೂರಿನ ಅತ್ಯಂತ ಉದ್ದದ, ನಿರಂತರ ಫ್ಲೈಓವರ್ ಆಗಿದೆ.

ಫ್ಲೈಓವರ್‌ನಲ್ಲಿ, ಕಾರು, ಜೀಪು, ವ್ಯಾನ್ ಚಾಲಕರು ₹95 (ಒಂದೇ ದಿನದಲ್ಲಿ ಬಹು ಪ್ರಯಾಣಗಳು) ಮತ್ತು ₹1,885 (ಮಾಸಿಕ ಪಾಸ್) ಪಾವತಿಸಬೇಕಾಗುತ್ತದೆ, ಇದು ಕ್ರಮವಾಗಿ ₹100 ಮತ್ತು ₹1,960 ರಿಂದ ಬದಲಾಗಿದೆ. ಒಂದೇ ಪ್ರಯಾಣದ ದರಗಳಲ್ಲಿ ಯಾವುದೇ ಬದಲಾವಣೆ ಇಲ್ಲ. ದ್ವಿಚಕ್ರ ವಾಹನ ಸವಾರರು ಮಾಸಿಕ ಪಾಸ್‌ಗಾಗಿ ₹ 755ರ ಬದಲು ₹ 785 ಪಾವತಿಸಬೇಕಾಗುತ್ತದೆ. ಒಂದೇ ಅಥವಾ ಬಹು ಪ್ರಯಾಣದ ಟೋಲ್ ದರಗಳಲ್ಲಿ ಯಾವುದೇ ಬದಲಾವಣೆ ಇಲ್ಲ. ಅತ್ತಿಬೆಲೆ ಟೋಲ್ ಪ್ಲಾಜಾದಲ್ಲಿ, ಕಾರು, ಜೀಪು, ವ್ಯಾನ್‌ಗಳು ₹55ರ ಬದಲು ₹60 ಪಾವತಿಸಬೇಕಾಗುತ್ತದೆ. ಬಿಇಟಿಪಿಎಲ್‌ ಎಂಬುದು ರಾಷ್ಟ್ರೀಯ ಹೆದ್ದಾರಿ-44 ರ 24.365 ಕಿ.ಮೀ. ವಿಭಾಗವನ್ನು ನಿರ್ವಹಿಸುವ ವಿಶೇಷ ಉದ್ದೇಶದ ಮುಂಬೈ ಸಂಸ್ಥೆಯಾಗಿದೆ.‌‌

ಮೂಲತಃ ಪ್ರಜಾವಾಣಿ ಮುದ್ರಣ ಆವೃತ್ತಿಯಿಂದ ಇದನ್ನು ಪಡೆಯಲಾಗಿದೆ. ಎಐ ನೆರವಿನ ವರ್ಗೀಕರಣದಿಂದಾಗಿ ವಿಭಾಗ ಮತ್ತು ಬಳಸಿರುವ ಪ್ರಾತಿನಿಧಿಕ ಚಿತ್ರ ತಪ್ಪಾಗಿರಬಹುದು. ಸುದ್ದಿಯ ವಿಷಯದಲ್ಲಿ ಯಾವುದೇ ಬದಲಾವಣೆ ಇಲ್ಲ
260702-4-571004912