ಮಾಧ್ಯಮಗಳಲ್ಲಿ ವರದಿಯಾಗಿತ್ತು.
ಈ ವರದಿ ಕುರಿತಂತೆ, 'ಪಾಸ್‌ಪೋರ್ಟ್ ಪೌರತ್ವದ ಪುರಾವೆಯಲ್ಲ ಎಂಬುದು ಇಂದು-ನಿನ್ನೆ ತೆಗೆದುಕೊಂಡ ನಿರ್ಧಾರ ಅಲ್ಲ' ಎಂದು ಮೂಲಗಳು ಹೇಳಿವೆ.

'ಪಾಸ್‌ಪೋರ್ಟ್, ಒಬ್ಬ ವ್ಯಕ್ತಿಯ ಪೌರತ್ವ ಸಾಬೀತುಪಡಿಸುವ ದಾಖಲೆ ಅಲ್ಲ ಎಂಬುದು ನಿನ್ನೆ ಅಥವಾ ಕಳೆದ 12 ವರ್ಷಗಳಲ್ಲಿ ನಿರ್ಧರಿಸಲಾಗಿಲ್ಲ. ಪಾಸ್‌ಪೋರ್ಟ್ ಎಂದಿಗೂ ಪೌರತ್ವದ ಪುರಾವೆಯಾಗಿರಲಿಲ್ಲ. 1967ರ ಪಾಸ್‌ಪೋರ್ಟ್ ಕಾಯ್ದೆ ಪ್ರಕಾರ, ನಾಗರಿಕರಲ್ಲದವರಿಗೂ ಪಾಸ್‌ಪೋರ್ಟ್‌ಗಳನ್ನು ನೀಡಬಹುದು' ಎಂದು ತಿಳಿಸಿವೆ.

'ಪಾಸ್‌ಪೋರ್ಟ್ ಪ್ರಯಾಣ ದಾಖಲೆಯಾಗಿದೆ. ಅದು ಪೌರತ್ವದ ಪುರಾವೆಯಲ್ಲ' ಎಂದು ವಿದೇಶಾಂಗ ಸಚಿವಾಲಯದ ಅಧಿಕಾರಿಗಳು ಹೇಳಿರುವುದನ್ನು ಉಲ್ಲೇಖಿಸಿ ಮಾಧ್ಯಮಗಳು ಬುಧವಾರ ವರದಿ ಮಾಡಿದ್ದವು.

'ಪಾಸ್‌ಪೋರ್ಟ್‌, ಪೌರತ್ವದ ದಾಖಲೆಯಲ್ಲ ಎಂಬುದನ್ನು ಬಾಂಬೆ ಹೈಕೋರ್ಟ್‌ 2013ರಲ್ಲಿ ನೀಡಿರುವ ತೀರ್ಪಿನಲ್ಲಿ ಸ್ಪಷ್ಟಪಡಿಸಿದೆ' ಎಂದು ಅಧಿಕೃತ ಮೂಲಗಳು ಹೇಳಿವೆ.

ಚುನಾವಣಾ ಆಯೋಗ ಕೈಗೊಂಡಿರುವ ಮತದಾರರ ಪಟ್ಟಿಯ ವಿಶೇಷ ಸಮಗ್ರ ಪರಿಷ್ಕರಣೆ (ಎಸ್‌ಐಆರ್‌) ಪ್ರಕ್ರಿಯೆ ಕುರಿತ ವಿಚಾರಣೆ ಸಂದರ್ಭದಲ್ಲಿ ಸುಪ್ರೀಂ ಕೋರ್ಟ್, 'ಆಧಾರ್, ಪೌರತ್ವದ ನಿರ್ಣಾಯಕ ಪುರಾವೆಯಲ್ಲ, ಕೇವಲ ಗುರುತಿನ ದಾಖಲೆ' ಎಂದು ಹೇಳಿತ್ತು.

ಶುಲ್ಕ ಹೆಚ್ಚಳ

ಕೇಂದ್ರ ಸರ್ಕಾರವು 1980ರ ಪಾಸ್‌ಪೋರ್ಟ್ ನಿಯಮಗಳಿಗೆ ತಿದ್ದುಪಡಿ ತರುವ ಮೂಲಕ ಪಾಸ್‌ಪೋರ್ಟ್ ಅರ್ಜಿ ಶುಲ್ಕವನ್ನು ಪರಿಷ್ಕರಿಸಿದೆ. 36 ಪುಟಗಳನ್ನು ಹೊಂದಿರುವ ಹೊಸ ಪಾಸ್‌ಪೋರ್ಟ್‌ನ ಅರ್ಜಿ ಶುಲ್ಕವನ್ನು ಪ್ರಸ್ತುತ ₹1,500ರಿಂದ ₹2,500ಕ್ಕೆ ಹೆಚ್ಚಿಸಿದೆ.

ಇದೇ ವರ್ಗದ ಪಾಸ್‌ಪೋರ್ಟ್‌ನ ತತ್ಕಾಲ್‌ ಅರ್ಜಿ ಶುಲ್ಕವನ್ನು ಈಗಿನ ₹3,500ರಿಂದ ₹5,000ಕ್ಕೆ ಹೆಚ್ಚಳ ಮಾಡಿದೆ. ಪರಿಷ್ಕೃತ ಶುಲ್ಕ ಜುಲೈ 1ರಿಂದ ಜಾರಿಗೆ ಬರಲಿದೆ. 60 ಪುಟಗಳ ಪಾಸ್‌ಪೋರ್ಟ್‌ನ ಅರ್ಜಿ ಶುಲ್ಕವನ್ನು ಪ್ರಸ್ತುತ ₹2,000ದಿಂದ ₹3,500ಕ್ಕೆ ಹಾಗೂ ತತ್ಕಾಲ್‌ನಲ್ಲಿ ಇದೇ ವರ್ಗದ ಪಾಸ್‌ಪೋರ್ಟ್‌ ಅರ್ಜಿ ಶುಲ್ಕವನ್ನು ಈಗಿನ ₹4,000ದಿಂದ ₹6,000ಕ್ಕೆ ಏರಿಕೆ ಮಾಡಲಾಗಿದೆ.