ನಗರದಲ್ಲಿ ಬುಧವಾರ ಪತ್ರಿಕಾಗೋಷ್ಠಿಯಲ್ಲಿ ಮಾತನಾಡಿದ ಅವರು, 'ಕಾಂಗ್ರೆಸ್ ಪಕ್ಷವೇ ಸ್ಟಿಂಗ್ ಆಪರೇಷನ್‌ಗಳ ‌ಕಾರ್ಖಾನೆ ಎಂದು ಜನ ಆಡಿಕೊಳ್ಳುತ್ತಾರೆ' ಎಂದು ಕುಟುಕಿದರು.

'ಸಿದ್ದರಾಮಯ್ಯ ಇದೀಗ ‌ಅಧಿಕಾರ ತ್ಯಾಗ ಮಾಡಿ ಮನೆಯಲ್ಲಿ ಕುಳಿತಿದ್ದಾರೆ. ಸಿದ್ದರಾಮಯ್ಯ ಅಧಿಕಾರದಲ್ಲಿ‌ ಇದ್ದಾಗ ನಡೆಯದ ಸ್ಟಿಂಗ್ ಆಪರೇಷನ್‌, ಇದೀಗ ಹೇಗೆ ನಡೆಯಿತೇ? ಸಾಮಾಜಿಕ ಜಾಲತಾಣಗಳಲ್ಲಿ ಹರಿದಾಡಿದ ವಿಡಿಯೊ ನೋಡಿ ಮುಖ್ಯಮಂತ್ರಿ ಸುಮ್ಮನೇ ಕುಳಿತಿದ್ದೇಕೆ? ತನಿಖೆ ನಡೆಸಲು ಇರುವ ತೊಂದರೆ ಏನು? ನೀವೇ ಮುಖ್ಯಮಂತ್ರಿಯಾಗಿ ಅಸಹಾಯಕತೆ ತೋರಿದ್ದೇಕೆ? ಬೇರೆಯವರಿಗೆ ಎಚ್ಚರಿಕೆ ಕೊಡುವ ನೀವು, ನಿಮ್ಮ ಬಳಿ ಬಂದಿದ್ದಾಗ ಅವರನ್ನು ಹಿಡಿದು ಕಾನೂನು ಕ್ರಮ ಏಕೆ ಜರುಗಿಸಲಿಲ್ಲ' ಎಂದು ನಾರಾಯಣಸ್ವಾಮಿ ಪ್ರಶ್ನಿಸಿದರು.