'ಒಂದು ಕಾಲದಲ್ಲಿ ಬರಗಾಲ ಎದುರಾಗಿ ನೀರು ಪೂರೈಕೆಯಾಗದೇ ದ್ರಾಕ್ಷಿ ಬಳ್ಳಿ ಕಡಿದು ಹಾಕಲಾಗಿತ್ತು. ಇಂದು ಅದೇ 40 ಎಕರೆಯಲ್ಲಿ ದ್ರಾಕ್ಷಿ ಬೆಳೆ ಇದ್ದು, ಸುಮಾರು 100 ಟನ್ ಒಣದ್ರಾಕ್ಷಿ ಬೆಳೆದಿದ್ದೇವೆ. ಈ ವರ್ಷ ಒಟ್ಟು ಆದಾಯ ₹ 3.5 ಕೋಟಿಯಿಂದ₹4 ಕೋಟಿವರೆಗೆ ಆದಾಯವಾಗಿದೆ. ಇದಕ್ಕೆ ಸಚಿವ ಎಂ.ಬಿ.ಪಾಟೀಲರ ನೀರಾವರಿ ಯೋಜನೆ ಕಾರಣ' ಎಂದು ರೈತ ಮಲ್ಲಯ್ಯ ಹಿರೇಮಠ ಹಾಗೂ ಸಹೋದರರು 'ಪ್ರಜಾವಾಣಿ'ಗೆ ತಿಳಿಸಿದರು.

'ಬರಗಾಲಕ್ಕೆ ತುತ್ತಾಗಿ ಹನಿ ನೀರಿಗೂ ಪರದಾಡಿದ ನಮ್ಮ‌ ಭಾಗಕ್ಕೆ ನೀರು ಹರಿಸಿದ ಸಚಿವ ಎಂ.ಬಿ. ಪಾಟೀಲರ ಕಾರ್ಯ ನಮ್ಮ‌ ಭಾಗದ ಜನರು ಎಂದು ಮರೆಯುವುದಿಲ್ಲ. ರೈತರೆಂದರೆ ಕೇವಲವಲ್ಲ. ನೀರಾವರಿಯಿಂದ ಆರ್ಥಿಕ ಆದಾಯ ಹೆಚ್ಚಳವಾಗಿದ್ದು, ನಮ್ಮ ಮಕ್ಕಳಿಗೂ ಸಹ ಉನ್ನತ ಶಿಕ್ಷಣ ನೀಡುತ್ತಿದ್ದೇವೆ' ಎಂದರು.

'ಜಲಸಂಪನ್ಮೂಲ ಸಚಿವರಾಗಿದ್ದಾಗ ತುಬಚಿ ಬಬಲೇಶ್ವರ ಏತ ನೀರಾವರಿ ಯೋಜನೆಯನ್ನು ಸಮರ್ಪಕವಾಗಿ ನಿರ್ವಹಿಸಿದ್ದರಿಂದ ಕಾಲುವೆ ಮೂಲಕ ಹರಿದ ನೀರು ಈ ಭಾಗದ ಕೆರೆ ಕಟ್ಟೆ, ಹಳ್ಳ ಕೊಳ್ಳ ಹಾಗೂ ಬಾಂದಾರಗಳ ಮೂಲಕ‌ ನೀರು ಹರಿದಿದ್ದರಿಂದ ಅಂತರ್ಜಲ ಮಟ್ಟ ಹೆಚ್ಚಳವಾಗಿ ಬೋರ್‌ವೆಲ್‌ಗಳು ಮರುಪೂರಣಗೊಂಡವು. ಸಮರ್ಪಕ‌ ನೀರಾವರಿ ಯೋಜನೆ ಅನುಷ್ಠಾನದಿಂದ ರೈತರ ಬದುಕು ಬಂಗಾರವಾಗಿದೆ' ಎಂದು ಅವರು ಖುಷಿ ವ್ಯಕ್ತಪಡಿಸಿದರು.

ಮೂಲತಃ ಪ್ರಜಾವಾಣಿ ಮುದ್ರಣ ಆವೃತ್ತಿಯಿಂದ ಇದನ್ನು ಪಡೆಯಲಾಗಿದೆ. ಎಐ ನೆರವಿನ ವರ್ಗೀಕರಣದಿಂದಾಗಿ ವಿಭಾಗ ಮತ್ತು ಬಳಸಿರುವ ಪ್ರಾತಿನಿಧಿಕ ಚಿತ್ರ ತಪ್ಪಾಗಿರಬಹುದು. ಸುದ್ದಿಯ ವಿಷಯದಲ್ಲಿ ಯಾವುದೇ ಬದಲಾವಣೆ ಇಲ್ಲ
260714-4-3136860