ವಾಷಿಂಗ್ಟನ್ ಮೇ 01: ಇರಾನ್ ಮೇಲಿನ ಮಿಲಿಟರಿ ಕಾರ್ಯಾಚರಣೆಯನ್ನು ಮುಂದುವರಿಸಲು ಅಮೆರಿಕ ಸಂಸತ್ತಿನ (ಕಾಂಗ್ರೆಸ್) ಅನುಮೋದನೆ ಪಡೆಯಬೇಕಾದ ಅನಿವಾರ್ಯತೆಯನ್ನು ತಪ್ಪಿಸಲು ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ಆಡಳಿತವು ಚತುರ ನಡೆಯೊಂದನ್ನು ಅನುಸರಿಸುತ್ತಿದೆ. "ಏಪ್ರಿಲ್ ಆರಂಭದಲ್ಲಿ ಘೋಷಿಸಲಾದ ಕದನ ವಿರಾಮದಿಂದಾಗಿ ಇರಾನ್‌ನಲ್ಲಿ ಯುದ್ಧ ಈಗಾಗಲೇ ಕೊನೆಗೊಂಡಿದೆ" ಎಂಬ ವಾದವನ್ನು ಶ್ವೇತಭವನ ಮಂಡಿಸಿದೆ.ಏನಿದು 1973ರ ಕಾಯ್ದೆ?:ಅಮೆರಿಕದ 'ಯುದ್ಧ ಅಧಿಕಾರ ನಿರ್ಣಯ' (War Powers Resolution 1973) ಕಾಯ್ದೆಯ ಪ್ರಕಾರ, ಅಧ್ಯಕ್ಷರು ಯಾವುದೇ ಮಿಲಿಟರಿ ಕಾರ್ಯಾಚರಣೆಯನ್ನು 60 ದಿನಗಳಿಗಿಂತ ಹೆಚ್ಚು ಕಾಲ ಮುಂದುವರಿಸಬೇಕಾದರೆ ಸಂಸತ್ತಿನ ಅಧಿಕೃತ ಅನುಮೋದನೆ ಪಡೆಯುವುದು ಕಡ್ಡಾಯ.