ಅಹಮದಾಬಾದ್ನ ನರೇಂದ್ರ ಮೋದಿ ಕ್ರೀಡಾಂಗಣದಲ್ಲಿ ಗುಜರಾತ್ ಟೈಟಾನ್ಸ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು (GT vs RCB) ನಡುವಿನ ಐಪಿಎಲ್ ಪಂದ್ಯ ನಡೆಯುತ್ತಿದೆ. ಟಾಸ್ ಗೆದ್ದ ಟೈಟಾನ್ಸ್ ಬೌಲಿಂಗ್ ಆಯ್ಕೆ ಮಾಡಿಕೊಂಡಿದೆ. ಬೆಂಗಳೂರು ತಂಡ ಆರಂಭಿಕ ಆಘಾತಕ್ಕೊಳಗಾದರೂ ಸಹ ಸದ್ಯ ಉತ್ತಮ ಮೊತ್ತ ಕಲೆಹಾಕುತ್ತಿದೆ.
ಈ ಪಂದ್ಯದ ನಡುವೆ ಇದೀಗ RCB ನಾಯಕನ ವಿಕೆಟ್ ಹೊಸ ವಿವಾದಕ್ಕೆ ಕಾರಣವಾಗಿದೆ.
ರಜತ್ ಪಾಟಿದಾರ್ ಔಟ್ or ನಾಟೌಟ್?
ಹೌದು, ಟಾಸ್ ಸೋತು ಬ್ಯಾಟಿಂಗ್ ಆರಂಭಿಸಿದ ಬೆಂಗಳೂರು ತಂಡವು ಮಿಶ್ರ ಆರಂಭವನ್ನೇ ಕಂಡಿತು. ತಂಡವು ಆರು ಓವರ್ಗಳಲ್ಲಿ 59 ರನ್ಗಳಿಗೆ ಆರಂಭಿಕರನ್ನು ಕಳೆದುಕೊಂಡಿತು. ಕೊಹ್ಲಿ 28 ರನ್ಗಳಿಗೆ ಮತ್ತು ಬೆಥೆಲ್ 5 ರನ್ಗಳಿಗೆ ಔಟಾದರು. ಇದಾದ ಬಳಿಕ ನಾಯಕ ರಜತ್ ಪಾಟಿದಾರ್ ಮೇಲೆ ಎಲ್ಲರ ನಿರೀಕ್ಷೆಯಿತ್ತು. ಅದಕ್ಕೆ ತಕ್ಕಂತೆ ರಜತ್ ಸಹ ಉತ್ತಮವಾಗಿ ಬ್ಯಾಟಿಂಗ್ ಮಾಡುತ್ತಿದ್ದರು.
ಆದರೆ ಎಂಟನೇ ಓವರ್ ನಲ್ಲಿ ಬೆಂಗಳೂರು ತಂಡ ಮೂರನೇ ವಿಕೆಟ್ ಕಳೆದುಕೊಂಡಿತು. ನಾಯಕ ರಜತ್ ಪಟಿದಾರ್ 19 ರನ್ ಗಳಿಸಿ ಔಟಾದರು. ಅರ್ಷದ್ ಖಾನ್ ಎಸೆತದಲ್ಲಿ ಜೇಸನ್ ಹೋಲ್ಡರ್ ಗೆ ಕ್ಯಾಚ್ ನೀಡಿ ಔಟಾದರು. ಇದೇ ಕ್ಯಾಚ್ ಇದೀಗ ವಿವಾದಕ್ಕೆ ಕಾರಣವಾಗಿದೆ. ಏಕೆಂದರೆ ಹೋಲ್ಡರ್ ಕ್ಯಾಚ್ ಹಿಡಿದರೂ ಸಹ ಅದು ಗ್ರೌಂಡ್ಗೆ ತಗುಲಿದ್ದು ಥರ್ಡ್ ಅಂಪೈರ್ ವೀಕ್ಷಣೆಯಲ್ಲಿ ಇದು ಸ್ಪಷ್ಟವಾಗಿ ಕಾಣುತ್ತಿತ್ತು.
ಸಿಟ್ಟಾದ ವಿರಾಟ್ ಕೊಹ್ಲಿ:
ಆದರೆ ಅಂಪೈರ್ ಔಟ್ ಎಂದು ತೀರ್ಪು ನೀಡಿದರು. ಇದಕ್ಕೆ ಡಗೌಟ್ನಲ್ಲಿದ್ದ ವಿರಾಟ್ ಕೊಹ್ಲಿ ಸಹ ಸಿಟ್ಟಾಗಿ ಅಂಪೈರ್ ಜೊತೆ ವಾಗ್ವಾದ ನಡೆಸಿದ್ದು, ಕೊಹ್ಲಿ ಸಿಟ್ಟಾಗಿದ್ದು ಕಂಡು ಬಂದಿತು. ಇದೀಗ ಸಾಮಾಜಿಕ ಮಾಧ್ಯದಮಲ್ಲಿ ರಜತ್ ಔಟ್ ನೀಡಿದ್ದರ ಬಗ್ಗೆ ಚರ್ಚೆ ಆರಂಭವಾಗಿದ್ದು, RCB ಅಭಿಮಾನಿಗಳು ಮೋಸವಾಗಿದೆ ಎಂದೆಲ್ಲಾ ಕಾಮೆಂಟ್ ಮಾಡುತ್ತಿದ್ದಾರೆ. ಸದ್ಯ ಕೊಹ್ಲಿ ಮಾತುಕತೆ ಇದೀಗ ಆರ್ಸಿಬಿಯ ಫೇರ್ಪ್ಲೇ ಪಾಯಿಂಟ್ ಮೇಲೆ ನೇರ ಪರಿಣಾಮ ಬೀರಲಿದೆ. ಹಲವಾರು ವಿಮರ್ಶೆಗಳ ನಂತರ ಮೂರನೇ ಅಂಪೈರ್ ನಿರ್ಧಾರವನ್ನು ಎತ್ತಿಹಿಡಿದರೂ, ಬೆಂಗಳೂರು ಡಗೌಟ್ ತಂಡವು ಅತೃಪ್ತರಾಗಿದ್ದು ಕಂಡುಬಂದಿತು.
ಒಂದೇ ಓವರ್ನಲ್ಲಿ 4 ಫೋರ್:
ವಿರಾಟ್ ಕೊಹ್ಲಿ ಆರಂಭಿಕರಾಗಿ ಕಣಕ್ಕಿಳಿದು ಅಬ್ಬರಿಸಿದರು. ರಬಾಡ ಅವರ ಓವರ್ನಲ್ಲಿ ಕ್ರಮವಾಗಿ ಮಿಡ್-ಆನ್, ಮಿಡ್-ಆಫ್, ಬ್ಯಾಕ್ವರ್ಡ್ ಪಾಯಿಂಟ್, ಡೀಪ್ ಬ್ಯಾಕ್ವರ್ಡ್ ಪಾಯಿಂಟ್ ಮತ್ತು ಎಕ್ಸ್ಟ್ರಾ ಕವರ್ ಮೂಲಕ ಬೌಂಡರಿಗಳ ಸುರಿಮಳೆಗೈದರು. ಆದರೆ ಮುಂದಿನ ಓವರ್ನಲ್ಲಿಯೇ ರಬಾಡ ಕೊಹ್ಲಿ ವಿಕೆಟ್ ಪಡೆದರು. ಕೊಹ್ಲಿ 13 ಎಸೆತಗಳಲ್ಲಿ 28 ರನ್ ಗಳಿಸಿ ಔಟಾದರು. ಇದರೊಂದಿಗೆ ವಿರಾಟ್ ಕೊಹ್ಲಿ ವಿಶೇಷ ಕ್ಲಬ್ಗೆ ಪ್ರವೇಶಿಸಿದ್ದಾರೆ. ಅವರು ಈಗ ಒಂದೇ ಓವರ್ನಲ್ಲಿ ಐದು ಅಥವಾ ಅದಕ್ಕಿಂತ ಹೆಚ್ಚು ಬೌಂಡರಿಗಳನ್ನು ಬಾರಿಸಿದ ಮೂರನೇ ಆರ್ಸಿಬಿ ಬ್ಯಾಟ್ಸ್ಮನ್ ಆಗಿದ್ದಾರೆ.
Vaibhav Suryavanshi: 'ದೇವರೇ ನನ್ನ ಬ್ಯಾಟ್ ನಲ್ಲಿ AI ಚಿಪ್ ಇಟ್ಟು ಕಳುಹಿಸಿದ್ದಾರೆ ಅದನ್ನೇ ಬಳಸುತ್ತಿದ್ದೇನೆ' ವೈಭವ್ ಸೂರ್ಯವಂಶಿ
ಉಭಯ ತಂಡಗಳ ಪ್ಲೇಯಿಂಗ್ 11
ಆರ್ಸಿಬಿ: ವಿರಾಟ್ ಕೊಹ್ಲಿ, ದೇವದತ್ ಪಡಿಕ್ಕಲ್, ರಜತ್ ಪಾಟಿದಾರ್, ಜಿತೇಶ್ ಶರ್ಮಾ, ಟಿಮ್ ಡೇವಿಡ್, ರೊಮಾರಿಯೋ ಶೆಫರ್ಡ್, ಕೃನಾಲ್ ಪಾಂಡ್ಯ, ಭುವನೇಶ್ವರ್ ಕುಮಾರ್, ಜೋಶ್ ಹ್ಯಾಜಲ್ವುಡ್, ಸುಯಾಶ್ ಶರ್ಮಾ, ರಸಿಖ್ ಸಲಾಂ.
ಗುಜರಾತ್ ಟೈಟಾನ್ಸ್: ಶುಭಮನ್ ಗಿಲ್(ನಾಯಕ), ಸಾಯಿ ಸುದರ್ಶನ್, ಜೋಸ್ ಬಟ್ಲರ್(ವಿಕೆಟ್ ಕೀಪರ್), ಜೇಸನ್ ಹೋಲ್ಡರ್, ಶಾರುಖ್ ಖಾನ್, ವಾಷಿಂಗ್ಟನ್ ಸುಂದರ್, ಅರ್ಷದ್ ಖಾನ್, ರಶೀದ್ ಖಾನ್, ಕಗಿಸೊ ರಬಾಡ, ಮೊಹಮ್ಮದ್ ಸಿರಾಜ್, ಮಾನವ್ ಸುತಾರ್.
Read more news like this on kannada.timesnownews.com